ព័ត៌មានជាតិ
កង្វះទូកុងតឺន័រនិងតម្លៃដឹកជញ្ជូនកើនឡើងធ្វើឱ្យការនាំចេញអង្កររបស់កម្ពុជាធ្លាក់ចុះជាង២៧%
ក្រសួងកសិកម្មរុក្ខាប្រមាញ់ និងនេសាទ បានឱ្យដឹងថា កង្វះទូកុងតឺន័រសម្រាប់ផ្ទុកនិងតម្លៃដឹកជញ្ជូនកើនឡើងធ្វើឱ្យការនាំចេញអង្កររបស់កម្ពុជាក្នុងរយៈពេល៧ខែឆ្នាំ២០២១នេះបានចំនួន៣០៩ ៨៦៥តោន មានការថយចុះចំនួន១១៦២០៨តោន ស្មើនឹង២៧,២៧% បើធៀបនឹងបរិមាណនាំចេញក្នុងរយៈពេល៧ខែឆ្នាំ២០២០ ដែលមានចំនួន ៤២៦ ០៧៣តោនឯណោះ។ការនាំចេញអង្ករចំនួន៣០៩ ៨៦៥តោន នេះមានតម្លៃចំនួន២៦១ ៨៣៥ ៩២៥ដុល្លារអាមេរិក។
បើទោះបីជាការនាំចេញអង្ករធ្លាក់ចុះ ប៉ុន្តែការនាំចេញស្រូវទៅក្រៅប្រទេសមានការកើនឡើងគួរឱ្យកត់សម្គាល់ផងដែរ ដោយក្នុងរយៈពេល៧ខែឆ្នាំ២០២១នេះការនាំចេញស្រូវមានចំនួន ២ ០០៨ ២៤១តោន
ទៅកាន់ប្រទេសវៀតណាមក្នុងនោះមានវិញ្ញាបនបត្រភូតគាមអនាម័យចំនួន ១ ២៩០៥០២,៥២តោនមានការកើនឡើងចំនួន ៩០០ ៧៦៦តោន (៨១,៣៤%) បើធៀបនឹងរយៈពេលដូចគ្នានៅឆ្នាំ២០២០ ដែលមានចំនួន ១ ១០៧ ៤៧៥តោនដោយមានតម្លៃនចំនួន ៣២៩ ៣៥១ ៥២៤ដុល្លារអាមេរិក។
ក្រសួងកសិកម្មបានបន្តថា បរិមាណអង្ករនាំចេញមានចំនួន ៣០៩ ៨៦៥តោនក្នុងនោះមានអង្ករក្រអូបគ្រប់ប្រភេទមានចំនួន ២១៤ ៩៦៨តោន ស្មើនឹង ៦៩,៣៧% អង្ករសគ្រប់ប្រភេទមានចំនួន ៨៨ ៧០២តោន ស្មើនឹង ២៨,៦៣%និងអង្ករចំហុយមានចំនួន ៦ ១៩៥តោន ស្មើនឹង ២%។
ក្រសួងបានបន្ថែមថា អង្ករបាននាំចេញទៅកាន់ទិសដៅសហភាពអឺរ៉ុបចំនួន២១ប្រទេស មានបរិមាណសរុបចំនួន ៧៧ ៧៨៦តោន (ថយចុះចំនួន ៦៦៤៦១តោន ស្មើនឹង -៤៦,០៧%) ទិសដៅប្រទេសចិនមានបរិមាណសរុបចំនួន ១៥៣៩២១តោន (ថយចុះចំនួន ១ ៤០៦តោន ស្មើនឹង -០,៩១%) ទិសដៅអាស៊ានចំនួន៥ប្រទេស មានបរិមាណសរុបចំនួន ២៩ ៤៥៣តោន(ថយចុះចំនួន ២៧ ៦១១តោនស្មើនឹង-៤៨,៣៩%) និងទិសដៅដទៃទៀតចំនួន២២ប្រទេស មានបរិមាណសរុប៤៨ ៧០៥តោន (ថយចុះចំនួន ២០ ៧៣០តោន ស្មើនឹង -២៩,៨៦%)ចំណែកក្រុមហ៊ុនដែលបាននាំចេញអង្ករមានចំនួន ៥៨ក្រុមហ៊ុនហើយបរិមាណអង្ករដែលបាននាំចេញដោយក្រុមហ៊ុនធំៗចំនួន១០ មានរហូតដល់២២៤ ៩៥២តោន (៧២,៦០%) និងក្រុមហ៊ុន ៤៨ដទៃទៀតបាននាំចេញត្រឹមតែ ៨៤៩១៣តោន (២៧,៤០%)៕
អត្ថបទ ៖ សំអឿន
-
ចរាចរណ៍៦ ថ្ងៃ ago
ឆ្នាំ២០២៣ ខេត្តកំពង់ចាម មានអ្នកស្លាប់ព្រោះគ្រោះថ្នាក់ចរាចរណ៍ជាង១រយនាក់ និងរបួសជាង២រយនាក់
-
បច្ចេកវិទ្យា២ ថ្ងៃ ago
វិធីប្លែកៗ ជនអានាមិកប្រើដើម្បីបោកបញ្ឆោត តាមប្រព័ន្ធបច្ចេកវិទ្យា
-
ព័ត៌មានជាតិ៣ ថ្ងៃ ago
សម្តេចតេជោ ហ៊ុន សែន សម្រេចជួយកសាងកុដិ-ទិញដីពង្រីកវត្តសម្រាប់ព្រះសង្ឃ និងកូននេនសីហា
-
បច្ចេកវិទ្យា៣ ថ្ងៃ ago
កុំពឹងផ្អែកលើប្រព័ន្ធសន្តិសុខ App ធនាគារទាំងស្រុង ត្រូវពង្រឹងសុវត្ថិភាពបន្ថែម
-
វប្បធម៌ ជំនឿ៤ ថ្ងៃ ago
ទំនាយលោកយាយ Baba Vanga ជិតក្លាយជាការពិតមួយទៀតហើយ
-
ព័ត៌មានអន្ដរជាតិ១ សប្តាហ៍ ago
រូបភាពបុរសម្នាក់លើឆ្នេរ អង់គ្លេស ក្លាយជាព័ស្តុតាងថា បានឆ្លងភពចូលមកឆ្នាំ ១៩៤៣
-
សន្តិសុខសង្គម២ ថ្ងៃ ago
តុលាការផ្តន្ទាទោស លោក William Guang ឱ្យជាប់ពន្ធនាគារ៦ឆ្នាំ ពីបទលួច និងកាន់អាវុធខុសច្បាប់
-
ព័ត៌មានជាតិ៦ ថ្ងៃ ago
ព្រឹកនេះ នាវា Westerdam ចូលចតនៅកំពង់ផែក្រុងព្រះសីហនុ ជាថ្មីម្ដងទៀត