ព័ត៌មានអន្ដរជាតិ

សិង្ហបុរីបញ្ចប់បេសកកម្មទម្លាក់ជំនួយមនុស្សធម៌ដោយជោគជ័យនៅហ្គាហ្សា

បានផុស

២ years មុន

នៅ

ថ្ងៃព្រហស្បតិ៍ ២១ មីនា ២០២៤

ដោយ

ប្រទេសសិង្ហបុរីបានបញ្ចប់បេសកកម្មទម្លាក់ជំនួយមនុស្សធម៌តាមយន្តហោះជាលើកដំបូងរបស់ខ្លួនដោយជោគជ័យទៅកាន់តំបន់ហ្គាហ្សាកាលពីថ្ងៃពុធ ។ នេះបើយោងតាមការចេញផ្សាយរបស់សារព័ត៌មាន CNA នៅថ្ងៃទី២១ ខែមីនានេះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កងកម្លាំងទ័ពអាកាសសិង្ហបុរី (RSAF) បាននិយាយថា យន្តហោះដឹកជញ្ជូន C-130 របស់ខ្លួនបាន “ប្រតិបត្តិការដោយជោគជ័យ” នូវបេសកកម្មទម្លាក់កញ្ចប់ជំនួយមនុស្សធម៌ដំបូងរបស់ខ្លួនទៅកាន់តំបន់ហ្គាហ្សា ខណៈបេសកកម្មនេះត្រូវបានសម្របសម្រួលយ៉ាងយកចិត្តទុកដាក់ជាមួយកងទ័ពអាកាសហ្ស៊កដានី ។

កញ្ចប់ជំនួយមនុស្សធម៌ដែលដាក់បញ្ចូលគ្នាដោយរដ្ឋាភិបាលសិង្ហបុរីនេះត្រូវបានពិគ្រោះយោបល់យ៉ាងជិតស្និទ្ធជាមួយហ្ស៊កដានីដោយផ្អែកលើតម្រូវការននៅតំបន់ហ្គាហ្សា ដោយមានរួមបញ្ចូលទាំងកញ្ចប់អាហារ ការផ្គត់ផ្គង់វេជ្ជសាស្រ្ត និងឧបករណ៍សំខាន់ៗផ្សេងទៀតជាដើម ។

គួរបញ្ជាក់ថា នេះជាជំនួយទី ៣ ហើយរបស់សិង្ហបុរីផ្ដល់ទៅឲ្យជនស៊ីវិលនៅហ្គាហ្សា ។ ប្រទេសនេះក៏បានប្រគល់អំណោយចំនួន ៦.១ លានដុល្លារសិង្ហបុរីផងដែរដែលប្រមូលបានដោយមូលនិធិ Rahmatan Lil Alamin ហើយផ្ដល់ទៅឲ្យទីភ្នាក់ងារជំនួយ និងកិច្ចការងាររបស់អង្គការសហប្រជាជាតិសម្រាប់ជនភៀសខ្លួនប៉ាឡេស្ទីន (UNRWA) ។

ទន្ទឹមនោះ ប្រទេសសិង្ហបុរីក៏បានចូលរួមជាមួយប្រទេសជាច្រើនក្នុងកិច្ចខិតខំប្រឹងប្រែងដើម្បីទម្លាក់ជំនួយដែលត្រូវការជាចាំបាច់ទៅកាន់តំបន់ដែលមានភាពអត់ឃ្លានមួយនេះផងដែរ ខណៈដែលភ្នាក់ងារផ្តល់ជំនួយប្រឈមនឹងឧបសគ្គតាមរយៈផ្លូវគោក ៕