ព័ត៌មានជាតិ

ឧបករណ៍នេសាទខុសច្បាប់ជាច្រើនប្រភេទត្រូវបានបង្ក្រាបនៅតំបន់បឹងទន្លេសាបក្នុងខេត្តបាត់ដំបង

បានផុស

៤ years មុន

នៅ

ថ្ងៃសុក្រ ៦ សីហា ២០២១

ដោយ

បាត់ដំបង ៖ សមត្ថកិច្ចនិងមន្ត្រីជំនាញបានចុះបង្ក្រាបនិងបានដកហូតនូវឧបករណ៍នេសាទជាច្រើនដែលឈ្មួញលួចដាក់ក្នុងតំបន់ហាមឃាត់អតីតឡូត៍នេសាទតំបន់បឹងទន្លេសាបខេត្តបាត់ដំបង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រតិបត្តិការបង្ក្រាបខាងលើនេះ ធ្វើឡើងនៅថ្ងៃទី០៥ ខែសីហា ឆ្នាំ២០២១ ដោយកម្លាំងសហការជាមួយប៉ុស្តិ៍នគរបាលរដ្ឋបាលព្រៃចាស់នៃអធិការស្រុកឯកភ្នំរួមជាមួយនឹងមន្ត្រីផ្នែករដ្ឋបាលជលផលបាត់ដំបងផង។

ការអនុវត្តច្បាប់ក្នុងរដូវកាលថ្មីនេះដែរ កម្លាំងចម្រុះចុះពិនិត្យបង្ក្រាបលើគោលដៅ៣ចំណុចក្នុងនោះមួយកន្លែងបង្ក្រាបត្រង់ចំណុចអតីតឡូតិ៍នេសាទលេខ៨,លេខ៩,លេខ១០និងអតីតឡូត៍នេសាទលេខ១២ឋិតនៅក្នុងឃុំព្រៃចាស់ស្រុកឯកភ្នំភូមិសាស្ត្រខេត្តបាត់ដំបង។

វត្ថុតាងល្មើសដែលសមត្ថកិច្ចនិងមន្ត្រីជំនាញដកហូតបានរួមមាន សាច់មងប្រវែង១៧០០ម៉ែត្រ,ឡុកចាប់ត្រីចំនួន១៧០០ឡុក,បង្គោលចងភ្ជាប់សាច់មងចំនួន១៩៥ដើមត្រូវកាប់បំផ្លាញចោលនៅហ្នឹងកន្លែង,ឧបករណ៍អ៊ុយចំនួន២៩៥វង់បានរក្សាទុកនៅសង្កាត់នេសាទបាក់ព្រាក្នុងនោះក៏បានលែងត្រីចំរុះចំនួន៣៧គីឡូក្រាមផងដែរ៕

ដោយ ៖ សៅ សារិទ្ធ