ព័ត៌មានជាតិ
អាជ្ញាធរខេត្តកណ្ដាល ត្រៀមយកវិទ្យាល័យចំនួន ២ ធ្វើជាមណ្ឌលចត្តាឡីស័ក សម្រាប់ពលករមកពី ថៃ
អាជ្ញាធរខេត្តកណ្ដាល ត្រៀមយកវិទ្យាល័យសិរីមង្គល និងវិទ្យាល័យ ជាស៊ីម សាមគ្គី ស្ថិតក្នុងស្រុកពញាឮ ខេត្តកណ្ដាល សម្រាប់ទទួលពលករ ដែលវិលត្រលប់មកពីប្រទេសថៃវិញ។
ការត្រៀមមណ្ឌលចត្តាឡីស័កនេះបានធ្វើឡើងអនុវត្តនូវសារាចរណែនាំលេខ០៥ របស់រាជរដ្ឋាភិបាល ចុះថ្ងៃទី០៦ ខែសីហា ឆ្នាំ២០២១ ក៏ដូចជាប្រសាសន៍ណែនាំរបស់ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ជូនដល់រាជធានី ខេត្តទាំងអស់ ក្នុងការត្រៀមលក្ខណៈរៀបចំមណ្ឌលចត្តាឡីស័ក និងមណ្ឌលព្យាបាលនៅតាម រាជធានី ខេត្ត ដើម្បីទទួលយកពលករខ្មែរដែលបានវិលត្រឡប់មកពីប្រទេសថៃវិញ។
ថ្លែងនៅក្នុងឱកាសចុះពិនិត្យមណ្ឌលចត្តាឡីស័ក ទាំងពីរកន្លែងនេះកាលពីរសៀលថ្ងៃទី ៧ សីហា លោក តាំង ម៉េងលាន អភិបាលរងខេត្តកណ្ដាល បាន ណែនាំដល់អាជ្ញាធរស្រុកពញាឮ ត្រូវរៀបចំមណ្ឌលចត្តាឡីស័កទាំងពីរឲ្យបានស្អាត ដោយធានាបាននូវផាសុខភាព និងសុវត្ថិភាព ក្នុងពេលកំពុងធ្វើចត្តាឡីស័ករបស់បងប្អូនពលករ ដែលបានវិលត្រឡប់មកពីប្រទេសថៃ។
ជាងនេះទៅទៀតអាជ្ញាធរស្រុក ត្រូវរៀបចំគ្រែឲ្យបានគ្រប់គ្រាន់ ត្រូវមានកន្លែងសម្រាប់លាងដៃ បន្ទប់ទឹកត្រូវឲ្យបានស្អាត ព្រមទាំងរៀបចំទីធ្លាឲ្យបានធំទូលាយ ដើម្បីឲ្យបងប្អូនពលករទាំងអស់ ធ្វើលំហាត់ប្រាណ។ លើសពីនេះទៀតអាជ្ញាធរស្រុក ត្រូវរៀបចំនូវអាហារឲ្យបានសមរម្យចំនួនបីពេលក្នុងមួយថ្ងៃ ជូនដល់បងប្អូនពលករដែលកំពុងធ្វើចតាឡីស័កផងដែរ។
លោក យី យ៉េន អភិបាលស្រុកពញាឮ បានឲ្យដឹងថា មណ្ឌលចត្តាឡីស័កចំនួន២កន្លែងដើម្បីត្រៀមសម្រាប់ទទួលបងប្អូនពលករដែលវិលត្រឡប់មកពីប្រទេសថៃនេះ ក្នុងនោះរួមមានមណ្ឌលចត្តាឡីស័ក វិទ្យាល័យសិរីមង្គល និងវិទ្យាល័យ ជា ស៊ីម សាមគ្គី ដែលអាចដាក់អ្នកចត្តាឡីស័កបានជិត ១ពាន់នាក់។
លោកបន្ថែមថា នៅទូទាំងស្រុកពញាឮ មានប្រជាពលរដ្ឋដែលកំពុងធ្វើពលករនៅប្រទេសថៃ ប្រមាណជាង៣០០នាក់៕
អត្ថបទ៖ សំអឿន
-
ព័ត៌មានជាតិ៤ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ២ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
កីឡា១ សប្តាហ៍ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៧ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ