ព័ត៌មានជាតិ
ត្រឹម១៤ថ្ងៃឃាត់យានយន្តល្មើសបម្រាមគោចរបានជិត២ពាន់គ្រឿងនិងបញ្ជូនទៅតុលាការជិត៤០នាក់
លោកវរសេនីយឯក សាន សុខសីហា អ្នកនាំពាក្យស្នងការនគរបាលរាជធានីភ្នំពេញ បានមានប្រសាសន៍នៅព្រឹកថ្ងៃទី១៣ ខែសីហានេះថា រយៈពេល១៤ ថ្ងៃគិតចាប់ថ្ងៃទី២៩ ខែកក្កដា ដល់ថ្ងៃទី១២ ខែសីហា សមត្ថកិច្ចចម្រុះបានធ្វើការឃាត់យានយន្តដែលល្មើសនឹងបម្រាមគោចរចាប់ពីម៉ោង៩យប់ដល់ម៉ោង៣ទៀបភ្លឺ ចំនួន១,៩៦០គ្រឿង និងបញ្ជូនទៅតុលាការចំនួន៣៧នាក់។
លោកបានបន្តថា យានយន្តចំនួន១,៩៦០គ្រឿង ក្នុងនោះមានរថយន្តចំនួនគ្រឿង៥៨០គ្រឿង និងម៉ូតូចំនួន១,៣៨០គ្រឿង បានផាកពិន័យរួចរាល់ចំនួន៥២៥ គ្រឿង ក្នុងនោះមានរថយន្តចំនួន១៦០គ្រឿង ក្នុង១គ្រឿងពិន័យ១លានរៀល និងម៉ូតូចំនួន៣៦៥គ្រឿងក្នុងគ្រឿងពិន័យ២០ម៉ឺនរៀល និង ១,៤៣៥ គ្រឿងត្រូវបានយកមករក្សាទុកនៅតាមបណ្ដាលអធិការរដ្ឋានគរបាលខណ្ឌ និងស្នងការដ្ឋាននគរបាលរាជធានី ដើម្បីឲ្យចាំម្ចាស់យានយន្តបង់ថ្លៃការផាកពិន័យ រួចយកយានយន្តត្រឡប់ទៅវិញ។
លោកបានបន្តទៀតថា ក្នុងរយៈពេល១៤ថ្ងៃនេះដែរ សមត្ថកិច្ចចម្រុះក៏បានធ្វើការឃាត់ពលរដ្ឋដែលល្មើសនឹងបម្រាមគោចរ ល្មើសវិធានការសុខាភិបាល និងវិធានការរដ្ឋបាលរាជធានីភ្នំពេញចំនួន៩៥នាក់ ក្នុងនោះបានបញ្ជូនសំណុំរៀងទៅតុលាការកាត់ទោសតាមច្បាប់ចំនួន៣៧នាក់ផងដែរ។
គួរបញ្ជាក់ថា សាលារាជធានីភ្នំពេញបានដាក់ចេញបម្រាមគោចរចាប់អនុវត្តចាប់ពីម៉ោង៩:០០នាទីយប់ ដល់ម៉ោង ៣:០០នាទីទៀបភ្លឺ រយៈពេល១៤គិតចាប់ពីថ្ងៃទី២៩ខែកក្កដាដល់ថ្ងៃទី១២ ខែសីហាខណៈបម្រាមគោចរថ្មីមួយរបស់រដ្ឋបាលរាជធានីភ្នំពេញ ត្រូវបានបន្តអនុវត្ត មួយសប្ដាហ៍បន្ថែមទៀតចាប់ពីថ្ងៃទី១៣ សីហានេះ ដល់ថ្ងៃទី ១៩ សីហា ដែលគិតចាប់អនុវត្ត ចាប់ពី១០:០០នាទីយប់ដល់ម៉ោង ៣:០០នាទីទៀបភ្លឺ៕
អត្ថបទ ៖ សំអឿន
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ២ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ៧ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៣ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ