ព័ត៌មានជាតិ

អាជ្ញាធរនឹងមានវិធានការធម៌ក្តៅ ពិន័យលើអាជីវករ និងពលរដ្ឋណា មិនពាក់ម៉ាស់ និងជួបជុំគ្នាច្រើន

បានផុស

៣ years មុន

នៅ

ថ្ងៃចន្ទ ១៦ សីហា ២០២១

ដោយ

ក្នុងឱកាសដឹកនាំមន្ត្រីជំនាញ និងអ្នកពាក់ព័ន្ធចុះពិនិត្យ និងសិក្សានៅផ្សារបានលុង ក្នុងក្រុងបានលុង នៅថ្ងៃទី១៦ ខែសីហា ឆ្នាំ២០២១ នេះ អាជ្ញាធរខេត្តនឹងធ្វើការផាកពិន័យធ្ងន់ធ្ងរជាងមុនទៅលើអាជីវករណាដែលមិនពាក់ម៉ាស់ និងពាក់ម៉ាស់មិនត្រឹមត្រូវ ព្រមទាំងប្រជាពលរដ្ឋណាដែលជួបជុំគ្នាច្រើនខុសពីការណែនាំរបស់រាជរដ្ឋាភិបាល ក៏ដូចក្រសួងសុខាភិបាល ក្នុងការចូលរួមទប់ស្កាត់ការរីករាលដាលជំងឺកូវីដ-១៩ ហើយការផាកពិន័យនេះ គឺធ្ងន់ធ្ងរជាងលើកមុន ព្រោះក្នុងគោលបំណងមិនឲ្យមេរោគកូវីដ-១៩ ឆ្លងរាលដាលទាំងអ្នកលក់និងទាំងអ្នកទិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការផាកពិន័យលើអាជីវករផ្សារបានលុង នៅពេលនេះ នៅមិនទាន់ពិន័យជាប្រាក់មានចំនួនច្រើននោះទេ ដោយសារមានការយោគយល់ដល់ប្រជាពលរដ្ឋ តែឥឡូវនេះជំងឺកូវីដ-១៩ បំប្លែងថ្មី ជាប្រភេទដែលតា(Delta) បានកំពុងរាលដាលខ្លាំងក្នុងសហគមន៍ ដូច្នេះអាជ្ញាធរខេត្ត នឹងអនុវត្តច្បាប់ផាកពិន័យតែម្ដង ទៅលើអ្នកមិនពាក់ម៉ាស់ និងការជុំគ្នាច្រើននៅកន្លែងសាធារណៈ ពិសេសក្នុងពេលឲ្យអាជីវករបើកលក់ដូរនៅផ្សារបានលុងឡើងវិញ អាជីវករត្រូវអនុវត្ដកាតព្វកិច្ចពាក់ម៉ាស់ និងត្រូវអនុវត្ដវិធានការរបស់រាជរដ្ឋាភិបាលឲ្យបានត្រឹមត្រូវ គឺ ៣កុំ និង៣ការពារ។

មុននឹងចុះធ្វើការផាកពិន័យ អាជ្ញាធរបានចុះណែនាំជាច្រើនដងមកហើយ ប៉ុន្ដែអាជីវករមួយចំនួនតូចមិនអនុវត្ដតាម ទើបអាជ្ញាធរអនុវត្ដទៅតាមផ្លូវច្បាប់ ខណៈដែលការមិនពាក់ម៉ាស់នេះ សង្កេតឃើញថា មានអាជីវករប្រមាណ៥ភាគរយប៉ុណ្ណោះ ដែលពួកគាត់មិនអនុវត្តតាមច្បាប់៕

អត្ថបទ ៖ វុទ្ធឦសាន