ព័ត៌មានជាតិ
ព្រឹត្តិការណ៍ធំពីរ ជាសមិទ្ធផលថ្មីចុងឆ្នាំ នឹងកើតឡើងប៉ុន្មានថ្ងៃទៀតនេះ
នៅប៉ុន្មានថ្ងៃទៀតនេះ មានព្រឹត្តិការណ៍ដ៏ចាប់អារម្មណ៍ពីរនឹងកើតឡើង ទាក់ទងការអភិវឌ្ឍលើហេដ្ឋារចនាសម្ព័ន្ធ។
ទីមួយគឺការបើកការដ្ឋានសាងសង់ផ្លូវ ៣៨ ខ្សែនៅក្រុងសៀមរាប ដែលនឹងធ្វើឡើងនៅថ្ងៃ ៣០ ធ្នូ ២០២០ ក្រោមអធិបតីភាពសម្ដេចតេជោ ហ៊ុន សែន។ គម្រោងស្ថាបនាផ្លូវទាំង ៣៨ ខ្សែ ដំបូងគ្រោងបើកការដ្ឋាននៅថ្ងៃ ១៦ វិច្ឆិកា តែត្រូវប្រកាសលើកពេល ក្រោយកើតមានព្រឹត្តិការណ៍ ៣ វិច្ឆិកា។
ផ្លូវទាំង ៣៨ ដែលនឹងបើកការដ្ឋានសាងសង់នៅថ្ងៃ ៣០ វិច្ឆិកានេះ មានប្រវែងជាង ១០០ គីឡូម៉ែត្រ អនុវត្តស្តង់ដាដូចផ្លូវកំពុងស្ថាបនានៅក្រុងព្រះសីហនុ។ គ្រប់ខ្សែផ្លូវទាំងអស់ មានការគិតគូគ្រប់ទិដ្ឋភាព ដូចជា ប្រព័ន្ធលូទឹកកខ្វក់ លូទឹកភ្លៀង ចិញ្ចើមផ្លូវ ផ្លូវថ្មើរជើង ផ្លូវសម្រាប់ជនមានពិការភាព ផ្លូវជិះកង់ ចំណតរថយន្ត ប្រព័ន្ធបំភ្លឺផ្លូវសាធារណៈ ផ្លាកសញ្ញានិងគំនូសចរាចរណ៍ ប្រព័ន្ធកាមេរ៉ាសុវត្ថិភាព អាងចម្រោះទឹក កខ្វក់ និងការធ្វើសួន ដាំដើមឈើជាដើម។
ក្រោយផ្លូវទាំង ៣៨ ខ្សែ ស្ថាបនារួច ទីក្រុងសៀមរាបនឹងផ្លាស់ប្តូរមុខមាត់ថ្មីក្លាយជាទីក្រុងស្រស់ស្អាតប្រកបដោយបរិស្ថានល្អបរិសុទ្ធ ត្រៀមទទួលស្វាគមន៍ភ្ញៀវទេសចរជាតិ-អន្តរជាតិ ក្រោយពេលបញ្ចប់វិបត្តិជំងឺកូវីដ-១៩។
ព្រឹត្តិការណ៍ដ៏សំខាន់មួយទៀតគឺពិធីតភ្ជាប់ស្ពានមិត្តភាពកម្ពុជា-ចិន ស្ទឹងត្រង់-ក្រូចឆ្មារ ដែលគ្រោងធ្វើនៅថ្ងៃទី០៧ ខែធ្នូ ឆ្នាំ ២០២០ ខាងមុខនេះ។
ស្ពានមិត្តភាពកម្ពុជ-ចិន ស្ថិតនៅត្រង់ចំណុចភូមិបឹងដែង ឃុំព្រែកកក់ ស្រុកស្ទឹងត្រង់ ខេត្តកំពង់ចាម ឆ្លងកាត់ទន្លេមេគង្គទៅត្រើយខាងកើត ស្ថិតនៅភូមិក្តុលលើ ឃុំទ្រា ស្រុកក្រូចឆ្មារ ខេត្តត្បូងឃ្មុំ ជាស្ពានឆ្លងកាត់ទន្លេមេគង្គថ្មីមួយទៀតតភ្ជាប់ទឹកដីខេត្តកំពង់ចាម ទៅកាន់ទឹកដីនៃខេត្តត្បូងឃ្មុំ ដែលបានបើកការដ្ឋានកាលពីថ្ងៃទី០១ ខែធ្នូ ឆ្នាំ២០១៧ ។
ស្ពាននេះចំណាយថវិកាសាងសង់ជិត ៥៧លានដុល្លារអាមេរិកមានប្រវែងសរុប ១.១៣១ម៉ែត្រ និងទទឹង១៣,៥០ម៉ែត្រ ជាប្រភេទស្ពានបេតុងអាម៉េ នឹងដាក់ឲ្យប្រើប្រាស់នៅដើមឆ្នាំ២០២១ ខាងមុខ៕
-
ព័ត៌មានជាតិ១ សប្តាហ៍ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៦ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ២ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានជាតិ១ សប្តាហ៍ agoកម្ពុជារឹតបន្តឹង និងទប់ស្កាត់សំណល់អេឡិចត្រូនិក ខណៈអាស៊ីអាគ្នេយ៍កំពុងក្លាយជាគោលដៅថ្មី
-
ព័ត៌មានអន្ដរជាតិ៤ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៣ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ៧ ថ្ងៃ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
សន្តិសុខសង្គម២ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ