ព័ត៌មានជាតិ
ចាប់ខ្លួនជនសង្ស័យគប់កញ្ចក់រថយន្តពេលយប់ នៅផ្លូវជាតិលេខ៤
ខេត្តព្រះសីហនុ៖ ជនសង្ស័យម្នាក់ត្រូវបានសមត្ថកិច្ចកងរាជអាវុធហត្ថស្រុកព្រៃនប់ ចាប់ឃាត់ខ្លួននៅម៉ោងប្រមាណ៣រសៀល ថ្ងៃទី២៦ ខែសីហា ឆ្នាំ២០២១ ដោយជាប់ចោទពីបទធ្វើសកម្មភាពយកដុំថ្មគប់កញ្ជក់រថយន្តដែលកំពុងបើកបរពេលយប់ងងឹត នៅលើដងផ្លូវជាតិលេខ៤។ ករណីចាប់ឃាត់ខ្លួនជនសង្ស័យនេះបានធ្វើឡើង តាមពាក្យបណ្តឹងរបស់ឈ្មោះ មួង ទូច ភេទប្រុស អាយុ៤៤ឆ្នាំ ក្នុងករណីធ្វើឱ្យខូចខាតដោយចេតនា (គប់រថយន្ត) កាលពីវេលាម៉ោង២១:០០នាទី យប់ថ្ងៃទី២១ ខែសីហា ឆ្នាំ២០២១កន្លងទៅនេះ។
សមត្ថកិច្ចអាវុធហត្ថបានឱ្យដឹងថា បើយោងតាមរូបភាពវីដេអូ ដែលថតចេញពីក្នុងរថយន្តរបស់ជនរងគ្រោះ បានបង្ហាញថា ខណៈជនរងគ្រោះកំពុងបើករថយន្តលើផ្លូវជាតិលេខ៤ ហើយបើកវ៉ារថយន្តដឹកទូរកុងទឺន័រក្នុងទិសដៅស្របគ្នា ស្រាប់តែឃើញជនសង្ស័យម្នាក់មិនមានពាក់អាវឈរនៅអែបផ្លូវ ហើយធ្វើសកម្មភាពយកដុំថ្មប៉ុនកំពូនដៃ គប់សំដៅរថយន្ត ពេលនោះដុំថ្មបានទៅបុកកញ្ជក់ចំហៀងរថយន្តបណ្តាលឱ្យបែក។ នៅក្នុងវីដេអូនោះ បង្ហាញថា ដុំថ្មបន្ទាប់ពីហោះត្រូវរថយន្តរួចហើយ ដុំថ្មនោះបានខ្ទាតប៊ិះត្រូវអ្នកបើកម៉ូតូម្នាក់ទៀតផងដែរ។ សមត្ថកិច្ចបានឱ្យដឹងទៀតថា ស្ថិតក្នុងហេតុការណ៍បែបនេះ ជនរងគ្រោះជាម្ចាស់រថយន្តបានឈប់ហើយបើកបទត្រឡប់ក្រោយដេញតាមដោយបាញ់ភ្លើងហ្វាររថយន្តឆ្លុះឃើញជនបង្ករត់ចូលផ្ទះក្បែរកន្លែងកើតហេតុ។
សមត្ថកិច្ចបានឱ្យដឹងថា ជនសង្ស័យដែលចាប់ខ្លួននេះមាន ឈ្មោះ ង៉ែត ភារម្យ ភេទប្រុស អាយុ២៣ឆ្នាំ មុខរបរជាងឡាន ទីលំនៅបច្ចុប្បន្ន ភូមិសំរុងក្រោម ឃុំសំរុង ស្រុកព្រៃនប់ ខេត្តព្រះសីហនុ។
បន្ទាប់ពីឃាត់ខ្លួនជនសង្ស័យខាងលើបានសារភាពថា ខ្លួនពិតជាបានគប់កញ្ចក់រថយន្តពិតប្រាដកមែន។ពេលនេះគេមិនទាន់ដឹងថា តើមានមូលហេតុអ្វីបានជាជនសង្ស័យគប់កញ្ចក់រថយន្តគេបែបនេះ។
បច្ចុប្បន្នជន សង្ស័យខាងលើត្រូវបានបញ្ជូនបន្តទៅកាន់ការិយាល័យព្រហ្មទណ្ឌកងរាជអាវុធហត្ថខេត្តព្រះសីហនុដើម្បីចាត់ការបន្តតាមនិតិវិធីច្បាប់ជាធរមាន៕
អត្ថបទ៖ ស៊ុយ ចាន់ធា
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៣ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ