ព័ត៌មានជាតិ

លែងលះគ្នាបាន៧ថ្ងៃ សុំប្រពន្ធត្រូវគ្នាវិញមិនបាន បើកម៉ូតូកង់បីមកលោតទឹកសម្លាប់ខ្លួន

បានផុស

៥ years មុន

នៅ

ថ្ងៃចន្ទ ៣០ សីហា ២០២១

ដោយ

បុរសអ្នករត់ម៉ូតូកង់បីម្នាក់ខូចចិត្តរឿងប្រពន្ធសុំលែង ហើយសុំត្រូវគ្នាវិញមិនព្រមបើកម៉ូតូកង់បីមកលោកទឹកសម្លាប់ខ្លួននៅស្ពានជ្រោយចង្វារ។

ហេតុការណ៍នេះបានកើតឡើងកាលពីវេលាម៉ោង២និង៣០នាទី រសៀលថ្ងៃទី៣០ ខែសីហា ឆ្នាំ២០២១ នៅលើស្ពានជ្រោយចង្វារ ក្នុងសង្កាត់ស្រះចក ខណ្ឌដូនពេញ រាជធានីភ្នំពេញ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បុរសរងគ្រោះឈ្មោះ សូរ គឿ អាយុ៣២ឆ្នាំ មុខរបររត់ម៉ូតូកង់បី មានស្រុកកំណើតនៅខេត្តកំពង់ធំ មានប្រពន្ធនៅខេត្តព្រៃវែង ជាកម្មការិនីរោងចក្រ មានកូនប្រុសស្រី២នាក់ក្នុងបន្ទុក ស្នាក់នៅម្តុំកាណាឌីយ៉ា ខណ្ឌពោធិសែនជ័យ រាជធានីភ្នំពេញ។

តាមប្រភពព័ត៌មានពីកន្លែងកើតហេតុបានឲ្យដឹងថា នៅមុនពេលកើតហេតុ បុរសរងគ្រោះបានព្យាយាមសម្លាប់ខ្លួនចំនួន២ដងរួចមកហើយដោយ លើកទី១ព្យាយាមចង ក សម្លាប់ខ្លួន លើកទី២ព្យាយាមលេបថ្នាំសម្លាប់ខ្លួន និងលើកទី៣បានជិះកង់បីឥណ្ឌារបស់ខ្លួនដែលទិញបង់រំលស់មិនទាន់រួចផងនោះមកលោតទឹកសម្លាប់ខ្លួនតែសំណាងល្អការធ្វើអត្តឃាតទាំងបីលើកមិនបានសម្រេចនោះទេ។

តាមប្រភពបន្តថា បុរសខាងលើត្រូវបានអតីតប្រពន្ធសុំលែងជាច្រើនដងរហូតដល់ថ្ងៃទី២៣ ខែសីហា ឆ្នាំ ២០២១ខ្លួនក៏ព្រមលែងលះប្រពន្ធដោយកូនប្រុសស្រី២នាក់ប្រពន្ធជាអ្នកយកទៅចិញ្ចឹម ចំណែកខ្លួនទទួលបានកង់បីបង់រំលស់។ហើយដល់ថ្ងៃទី២៩ ខែឆ្នាំដដែលដោយសារចិត្តមិនដាច់ពីអតីតប្រពន្ធក៏សុំអតីតប្រពន្ធត្រូវរ៉ូវគ្នាវិញ តែអតីតប្រពន្ធមិនព្រម ក៏បានជិះម៉ូតូកង់បីឥណ្ឌាចេញពីម្តុំបឹងកេងកងមកលោតទឹកសម្លាប់ខ្លួនពីលើស្ពានជ្រោយចង្វារតែម្តង តែសំណាងល្អបានបងប្អូនខ្មែរអ៊ីស្លាមដែរជាអ្នកនេសាទត្រីនៅក្បែរនោះឃើញទាន់ក៏ចេញទូកទៅជួយស្រង់ពីទឹកបានទាន់ពេល។

ក្រោយពីកើតហេតុសមត្ថកិច្ចប្រចាំគោលដៅទី៣ក្រោមស្ពានជ្រោយចង្វារហៅទៅសួនាំនិងអប់រំរួចឱ្យបុរសខាងលើត្រឡប់ទៅផ្ទះវិញ៕

អត្ថបទ៖ រស្មី