ព័ត៌មានជាតិ

នាំក្មេងស្រី អាយុក្រោម១៥ឆ្នាំ ២នាក់ ពីស្រុកមោងឫស្សី មករួមភេទនៅស្រុកថ្មគោល ត្រូវសមត្ថកិច្ចឃាត់ខ្លួន

បានផុស

៥ years មុន

នៅ

ថ្ងៃសៅរ៍ ៤ កញ្ញា ២០២១

ដោយ

យុវជន២នាក់ ត្រូវសមត្ថកិច្ចចាប់ខ្លួនដើម្បីបញ្ជូនទៅតុលាការ ក្រោយពីទទួលបានពាក្យបណ្តឹងថា បាននាំក្មេងស្រីអាយុក្រោម១៥ឆ្នាំ២នាក់ ចេញពីផ្ទះរយៈពេល៤ថ្ងៃ ដើម្បីរួមភេទម្នាក់១គូ។

ការឃាត់ខ្លួនយុវជនទាំង២នាក់នេះ បានធ្វើឡើងនៅថ្ងៃទី០៤ ខែកញ្ញា ឆ្នាំ២០២១ វេលាម៉ោង១០ និង ៣០នាទី ព្រឹក នៅចំណុចភូមិសំរោង ឃុំតាម៉ឺន ស្រុកថ្មគោល ខេត្តបាត់ដំបង បន្ទាប់ពីទទួលបាននូវពាក្យបណ្តឹងរបស់អាណាព្យាបាលក្មេងស្រីទាំងពីរ។

ជនសង្ស័យទាំង២នាក់ ទី១.ឈ្មោះ ឡុង ថាវ ភេទប្រុស អាយុ២២ឆ្នាំ រស់នៅភូមិសំរោង ឃុំតាម៉ឺន ស្រុកថ្មគោល និងទី២.ឈ្មោះ រ៉េន ចន្ទ្រា ហៅ បារាំង ភេទប្រុស អាយុ២២ឆ្នាំ រស់នៅភូមិសំរោង ឃុំតាម៉ឺន ស្រុកថ្មគោល ដោយពួកគេទាំងពីរបាននាំក្មេងស្រីចំនួន២នាក់ ចេញពីស្រុកមោងឫស្សី កាលពីថ្ងៃទី៣១ ខែសីហា ឆ្នាំ២០២១ កន្លងទៅថ្មីៗនេះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្មេងស្រីរងគ្រោះមានឈ្មោះ ១.ឈ្មោះ ព ម ល អាយុ១៣ឆ្នាំ និង ២.ឈ្មោះ ណា រ ស អាយិ ១១ ឆ្នាំ រស់នៅស្រុកមោងឫស្សីដូចគ្នា។ ក្រោយពីកម្លាំងជំនាញ បានធ្វើការឃាត់ខ្លួន និង សាកសួររួចមក ជនសង្ស័យបានឆ្លើយសារភាពថា ពួកខ្លួនពិតជាបានរួមភេទជាមួយនារីទាំង០២នាក់ខាងលើនេះមែន។ បច្ចុប្បន្នជនសង្ស័យជំនាញកំពុងកសាងសំណុំរឿងដើម្បីចាត់ការតាមនីតិវិធី៕