ព័ត៌មានជាតិ
ក្បាលស្ពានលំផាត់ ដែលរងការខូចខាត ដោយជំនន់ទឹកភ្លៀង បានជួសជុល បណ្តោះអាសន្នហើយ
ស្ពានមួយខ្សែ ដែលត្រូវបានផ្អាក ការធ្វើចរាចរណ៍ ជាបណ្តោះអាសន្ន កាលពីពេលថ្មីៗនេះ ដោយសារតែជំនន់ទឹកភ្លៀងហូរច្រោះកាត់ផ្តាច់នោះ ត្រូវបានអាជ្ញាធររៀបថ្ម និងចាក់ដីបំពេញ ដើម្បីឲ្យប្រជាពលរដ្ឋ បានធ្វើដំណើរឡើងវិញ។
គួររំលឹកថា កាលពីថ្ងៃទី១០ និងទី១១ កញ្ញាកន្លងទៅនេះ នៅក្នុងឃុំអូរដារ មានទឹកជំនន់ទឹកភ្លៀង បានហក់ឡើង ព្រមទាំងបានហូរច្រោះ ដាច់ក្បាលស្ពានលំផាត់ ដោយដាច់ក្បាលស្ពានម្ខាង ដែលស្ពាននេះស្ថិត ក្នុងភូមិលំផាត់ ឃុំអូរដារ ស្រុកកំរៀង និងជាស្ពានតភ្ជាប់ ពីផ្លូវជាតិលេខ ៥៧បេ កាត់ភូមិលំផាត់ ឆ្ពោះទៅភូមិសំរោង និងភូមិតាំងយូ។
លោក ព្រិច រ៉ុប មេឃុំអូរដារ បានបញ្ជាក់ថា ស្ពាននេះមានប្រវែង១០ម៉ែត្រ ដោយកាលពីឆ្នាំមុន មានទឹកជំនន់ធំជាងនេះទៀត ដែលបង្កឲ្យលិចស្ពាននេះ រហូតដល់លើបង្កាន់ដៃស្ពាន ធ្វើឲ្យទឹកហូរពីលើស្ពានទៅវិញ។
លោកមេឃុំ បានបន្តថា ក្បាលស្ពានដែលដាច់នោះ គឺខាងអាជ្ញាធរឃុំ បាននាំគ្នាប្រមូលយកដុំថ្ម មកចាក់ក្រាលបាតរួចហើយ ទើបខាងមន្ទីរសាធារណ:ការ ជួយដីបាន១ឡាន មកចាក់បំពេញ ដើម្បីឲ្យប្រជាពលរដ្ឋធ្វើចរាចរណ៍។ ប៉ុន្តែការចាក់ដីបែបនេះ លោកសន្និដ្ឋានថា វាមិនអាចនៅគង់វង្សបានទេ ប្រសិនបើទឹកជន់មកម្តងទៀត នោះដីប្រាកដ ជារលាយហូរ ទៅជាមួយទឹក អស់ជាមិនខាន៕
អត្ថបទ៖ សោ និយមរ័ត្ន
-
ជីវិតកម្សាន្ដ៣ ថ្ងៃ ago
អាយដល G-Devith ក៏ឈ្នះរង្វាន់ដែរ ឈ្នះ ១លានរៀល ពី វឌ្ឍនៈ ឡាហ្គឺរ៉េដ
-
ជីវិតកម្សាន្ដ៦ ថ្ងៃ ago
ពេជ្រ ចរណៃ រក្សាបានរាង និងសម្រស់ស្អាត មិនចាញ់តារាបរទេស
-
ព័ត៌មានជាតិ៣ ថ្ងៃ ago
ស្គាល់អត្តសញ្ញាណយោធិន១៥រូប ចំណោមអ្នកស្លាប់២០រូប ក្នុងហេតុការណ៍ផ្ទុះឃ្លាំងគ្រាប់នៅកំពង់ស្ពឺ
-
ព័ត៌មានជាតិ១ សប្តាហ៍ ago
កម្ពុជានឹងធ្លាក់ភ្លៀង ៤០% នាដើមរដូវវស្សាឆ្នាំនេះ ខណៈក្រសួងប្រកាសឱ្យប្រុងប្រយ័ត្នបាតុភូត ផ្គរ រន្ទះ និងខ្យល់កន្ត្រាក់
-
ព័ត៌មានជាតិ៣ ថ្ងៃ ago
សម្ដេចធិបតី ឧបត្ថម្ភជូនគ្រួសារយោធិនដែលស្លាប់មួយគ្រួសារ៨០លានរៀល ឯអ្នករងរបួស២០លានរៀល
-
ព័ត៌មានជាតិ១ សប្តាហ៍ ago
តុលាការ បញ្ជាឱ្យចាប់ខ្លួនជនត្រូវចោទ ចោម ខ្វាន់ ពីបទរំលោភលើទំនុកចិត្តអ្នកដទៃ
-
សេចក្ដីជូនដំណឹង៧ ថ្ងៃ ago
អ្នកឧកញ៉ា ឡេង ណាវ៉ាត្រា បញ្ជាក់ច្បាស់ៗការដោះដូរ ផ្ទះយកដី គឺសម្រាប់តែអតិថិជនស្ម័គ្រចិត្ត ដែលពួកគាត់មានតម្រូវការចាំបាច់ចំណែកគម្រោង បុរី នៅតែប្រកាន់គោលជំហរបញ្ចប់ការដោះស្រាយជូនអតិថិជនទាំងស្រុងដដែល
-
ព័ត៌មានជាតិ៦ ថ្ងៃ ago
អតីតប្រធានអង្គការភូមិកុមារ SOS ធ្លាប់ជួយកុមារលើពិភពលោកជិត៣ទសវត្សរ៍ បានទទួលមរណភាព