ខេត្តកំពង់ចាមប្រកាសបើកសាលារៀនឡើងវិញនៅដើមសប្តាហ៍ក្រោយ
Connect with us
Helistar Cambodia - Helicopter Charter Services

ព័ត៌មានជាតិ

ខេត្តកំពង់ចាមប្រកាសបើកសាលារៀនឡើងវិញនៅដើមសប្តាហ៍ក្រោយ

បានផុស

នៅ

រដ្ឋបាលខេត្តកំពង់ចាម បានសម្រេចអនុញ្ញាតឱ្យដំណើរការឡើងវិញនូវគ្រឹះស្ថានសិក្សាសាធារណៈ និងឯកជន សម្រាប់កម្រិតអនុវិទ្យាល័យ វិទ្យាល័យ និងពុទ្ធិកសិក្សាក្នុងភូមិសាស្រ្តខេត្តកំពង់ចាម ចាប់ពីថ្ងៃទី២០ ខែកញ្ញា ឆ្នាំ២០២១នេះតទៅ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងសេចក្តីជូនដំណឹងរបស់រដ្ឋបាលខេត្តកំពង់ចាម ចុះថ្ងៃទី១៤ ខែកញ្ញានេះបានណែនាំគ្រប់គ្រឹះស្ថានសិក្សាសាធារណៈ និងឯកជនទាំងអស់ ត្រូវអនុវត្តឱ្យបានខ្ជាប់ខ្លួននូវ គោលការណ៍ប្រតិបត្តិស្តង់ដា (SOP) សម្រាប់ដំណើរការគ្រឹះស្ថានសិក្សាឡើងវិញ របស់ក្រសួងអប់រំ យុវជន និងកីឡា រួមនឹងវិធានការអនាម័យតាមការណែ ក្នុងបរិបទនៃជំងឺកូដ-១៩ របស់ក្រសួងសុខាភិបាល និង វិធានការនានារបស់រដ្ឋបាលខេត្ត សំដៅបង្ការ និងទប់ស្កាត់ការឆ្លងរាលដាលជំងឺកូវីដ-១៩ ចំពោះការបើកដំណើរការឡើងវិញនូវគ្រឹះស្ថានសិក្សាសាធារណៈ និងឯកជនក្នុងភូមិសាស្រ្តខេត្តកំពង់ចាម។

ជាមួយគ្នានេះ រដ្ឋបាលខេត្តបានណែនាំដល់មន្ទីរអប់រំ យុវជន និងកីឡា ត្រូវសហការជាមួយមន្ទីរសុខាភិបាលនៃរដ្ឋបាលខេត្ត អាជ្ញាធរមូលដ្ឋាន ដើម្បីរៀបចំបរិស្ថាន សាលា និងបន្ទប់រៀននីមួយៗ។

ចំណែកប្រធានគ្រឹះស្ថានសិក្សានីមួយៗ ត្រូវគិតគូរឱ្យបានខ្ពស់អំពីអនាម័យបរិស្ថាននៅក្នុងបរិវេណសាលារៀន និងការបង្រៀន រៀនរបស់សិស្សានុសិស្ស ដោយត្រូវធ្វើការបែងចែកវេនសិក្សារបស់សិស្សានុសិស្ស ឱ្យស្របតាមគោលការណ៍ប្រតិបត្តិស្តង់ដា (SOP) របស់ ក្រសួងអប់រំ យុវជន និងកីឡា។

គួរបញ្ជាក់ថារហូតមកដល់ពេលនេះមានតែខេត្តព្រះសីហនុតែមួយគត់បានបើកដំណើរការសាលារៀនឡើងវិញមុនគេ កាលពីថ្ងៃទី១៣ ខែកញ្ញានេះ បន្ទាប់ពីទទួលបានសេចក្តីណែនាំពីក្រសួងអប់រំ យុវជន និងកីឡា និងរាជរដ្ឋាភិបាល៕

អត្ថបទ៖ សំអឿន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services