សន្តិសុខសង្គម

ឆ្លងចរន្តអគ្គិសនី ឆាបឆេះធនាគារព្រីនស៍ លើផ្លូវជាតិលេខ០១ សំណាងល្អគ្មានមនុស្សរបួស

បានផុស

១ ខែ មុន

នៅ

ថ្ងៃសុក្រ ១៣ មិថុនា ២០២៥

ដោយ

ភ្នំពេញ ៖ ឆាបឆេះសម្ភារៈ ក្នុងធនាគារព្រីនស៍ អស់មួយចំនួន ដោយសារមូលហេតុ មកពីឆ្លងចរន្តអគ្គិសនី ផ្អើលពលរដ្ឋ នឹង សមត្ថកិច្ចទាំងយប់។ អគ្គិភ័យនេះបានបង្កភ្ញាក់ផ្អើលកាលពីវេលាម៉ោង ០៧ នឹង ៥០នាទីយប់ថ្ងៃទី ១៣ ខែមិថុនា ឆ្នាំ២០២៥ នៅចំណុចធនាគារព្រីនស៍ ស្ថិតលើបណ្តោយផ្លូវជាតិលេខ០១ ក្នុងសង្កាត់និរោធ ខណ្ឌច្បារអំពៅ រាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមប្រភពព័ត៌មានពីពលរដ្ឋបានឱ្យដឹងថា គេបានឃើញមានផ្សែងហ៊ុយចេញពីខាងក្នុងធនាគារខាងលើ ខណៈនោះដោយកើតមានចិត្តសង្ស័យ គាត់ដើរទៅមើល ក៏ប្រទះឃើញអណ្តាតភ្លើងឆេះ លាយឡំផ្សែងកំពុងហ៊ុយ ចេញមកខាងក្រៅ។ ភ្លាមៗ គាត់បានស្រែកផ្អើលឆោឡោ ដើម្បីឱ្យពលរដ្ឋផ្សេងទៀតជួយ ទំនាក់ទំនងរកសមត្ថកិច្ចមូលដ្ឋាន ដើម្បីបន្តទាក់ទងហៅនគរបាលជំនាញពន្លត់អគ្គិភ័យ មកអន្តរាគមន៍ កុំមានការរាលដាលកាន់តែខ្លាំង។

ករណីឆាបឆេះដែរ បានបង្កការខូចខាតអស់សម្ភារៈជាន់ផ្ទាល់ដីដូចជា ម៉ាស៊ីនត្រជាក់ចំនួន០៥គ្រឿង , ទូរទស្សន៍ចំនួន ០១គ្រឿង , សាឡុងទទួលភ្ញៀវចំនួន ០២ឈុត កៅអីចំនួន ០៤ជួរ ស្មើ ១២កៅអី តែមិនបង្កឱ្យមនុស្សរងរបួសនោះឡើយ ហើយក្នុងនោះរថយន្តពន្លត់អគ្គិភ័យ របស់ស្នងការដ្ឋាននគរបាលរាជធានីភ្នំពេញ ចំនួន ០៤គ្រឿង , រថយន្តសាលាខណ្ឌច្បារអំពៅចំនួន ០១គ្រឿង , រថយន្តអគ្គិភ័យទីក្រុងកោះពេជ្យចំនួន ០៣គ្រឿង , រថយន្តអគ្គិភ័យទីក្រុងនរាចំនួន ០១គ្រឿង បាញ់ឱ្យរលត់ជាស្ថាពរ។ ចំពោះមូលហេតុ សមត្ថកិច្ចបានស្រាវជ្រាវរកឃើញថា បណ្តាលមកពី ឆ្លងចរន្តអគ្គិសនី កើតទៅអគ្គិភ័យ៕

អត្ថបទ ៖ រដ្ឋា