ព័ត៌មានជាតិ

តើមុនស្នើជួសជុលប្រាសាទបុរាណនៅរមណីយដ្ឋានអង្គរ ត្រូវឆ្លងកាត់ការពិនិត្យសិក្សាអ្វីខ្លះ?

បានផុស

១២ នាទីutes មុន

នៅ

ថ្ងៃសៅរ៍ ១៤ មិថុនា ២០២៥

ដោយ

មុនស្នើលើកគម្រោងជួសជុលសំណង់ប្រាសាទនៅតំបន់រមណីយដ្ឋានអង្គរ អ្នកជំនាញនៃអាជ្ញាធរជាតិអប្សរាបានប្រាប់ថា ត្រូវឆ្លងកាត់ការពិនិត្យពីស្ថាប័នពាក់ព័ន្ធ រួមទាំងការប្រជុំជាច្រើនដងមុនដំណើរការជួសជុលនឹងចាប់ផ្ដើម។ នេះបើតាមលោក ឃាម មុនី ស្ថាបត្យករជួសជុលប្រាសាទនៃអាជ្ញាធរជាតិអប្សរា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ឃាម មុនី ស្ថាបត្យករជួសជុលប្រាសាទនៃអាជ្ញាធរជាតិអប្សរា ដែលកំពុងជួសជុលខឿនឡើងជាន់បាកានក្នុងបរិវេណប្រាសាទអង្គរវត្តបានបញ្ជាក់ថា ដំណើរការជួសជុលប្រាសាទក្នុងតំបន់រមណីយដ្ឋានអង្គរ ត្រូវមានការសិក្សាជាច្រើនឆ្នាំ ហើយត្រូវឆ្លងកាត់ការពិនិត្យជាច្រើនដំណាក់កាលពីស្ថាប័នពាក់ព័ន្ធ។

បើតាមលោក ឃាម មុនី ក្រោយការសិក្សាលើកពីហានិភ័យប្រាសាទដែលត្រូវជួសជុល យកទៅធ្វើបទបង្ហាញទៅស្ថាប័នជំនាញរបស់ ICC Angkor ចុះអង្កេតទីតាំងជាក់ស្ដែង ដើម្បីផ្តល់ការឯកភាពតាមការស្នើសុំមុនអាចឈានទៅចាប់ផ្តើមជួសជុល។

យ៉ាងណាមិញ មន្រ្តីជំនាញនៃអាជ្ញាធរជាតិអប្សរាបានគូសបញ្ជាក់ថា រាល់ការស្នើទីតាំងប្រាសាទដែលត្រូវជួសជុលមិនប្រាកដត្រូវបានឯកភាពទាំងស្រុងនោះទេ ហើយគណៈកម្មការជំនាញអាចផ្តល់អនុសាសន៍បន្ថែមលើដំណើការនៃការជួសជុល៕