ចរាចរណ៍

រថយន្តគេចពីម៉ូតូ រអិលរ៉េចង្កូតក្រឡាប់ធ្លាក់ធុងស្តុកទឹក សង្កត់លើមនុស្សប្រុសស្រី៥នាក់រងរបួសធ្ងន់ស្រាល

បានផុស

៥០ វិនាទី មុន

នៅ

ថ្ងៃសុក្រ ១៣ មិថុនា ២០២៥

ដោយ

ភ្នំពេញ ៖ រថយន្តធុនធំមួយគ្រឿង បើកគេចម៉ូតូឆ្លង ស្របពេលផ្លូវកោង បណ្តាលក្រឡាប់ខ្ទាតធុងស្តុកទឹក សម្រាប់ក្រឡុកសុីម៉ង់ សង្កត់លើម៉ូតូ០៤គ្រឿង នឹងបង្កឱ្យមនុស្សប្រុសស្រី០៥នាក់ របួសធ្ងន់ស្រាល ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍នេះកើតឡើងកាលពីវេលាម៉ោង ០៣ នឹង ៣០នាទី រសៀលថ្ងៃទី១៣ ខែមិថុនា ឆ្នាំ២០២៥ នៅតាមបណ្តោយផ្លូវជាតិលេខ៥ សង្កាត់ព្រែកព្នៅ ខណ្ឌព្រែកព្នៅ រាជធានីភ្នំពេញ។

បើតាមប្រភពព័ត៌មាន ពីប្រជាពលរដ្ឋបានប្រាប់ឱ្យដឹងថា មុនកើតហេតុ មានរថយន្តធុនធំ ដឹកទឹកសម្រាប់ក្រឡុកសុីម៉ង់ មួយគ្រឿងម៉ាក ហុីយ៉ានដាយ ពាក់ស្លាកលេខ ភ្នំពេញ 3F-6791 បើកបរក្នុងទិសដៅពីត្បូងទៅជើង ក្នុងល្បឿនលឿន ខណៈមកដល់ចំណុចកើតហេតុ ផ្លូវកោង ក៏ស្រាប់តែមានម៉ូតូមួយគ្រឿង មិនចាំម៉ាក បានបើកឆ្លងផ្លូវ បង្កឱ្យអ្នកបើករថយន្តធំ ជាន់ហ្រ្វាំងបួងចង្កូតគេច ប៉ុន្តែដោយសាររថយន្តដឹកធ្ងន់ផង បានក្រឡាប់ធ្លាក់ធុង ដែលស្តុកទឹកពេញ ខ្ទាតចេញពីរថយន្ត ចូលផ្ទះពលរដ្ឋ សង្កត់លើមនុស្សប្រុសស្រី០៥នាក់ រងរបួសធ្ងន់ស្រាល បញ្ជូនទៅមន្ទីរពេទ្យ រួមនឹងម៉ូតូចំនួន០៤គ្រឿងរងការខូចខាត នៅនឹងកន្លែង ។

បច្ចុប្បន្ន សមត្ថកិច្ចមូលដ្ឋានបានចុះមកដល់ទីតាំងកើតហេតុ រួចធ្វើការវាស់វែងស្ទូចរថយន្តធុនធំ ដើម្បីយកទៅរក្សាទុកនៅការិយាល័យចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ រង់ចាំដោះស្រាយគ្នានៅពេលក្រោយ ៕

អត្ថបទ ៖ រដ្ឋា