ព័ត៌មានជាតិ
លួចឆ្លងដែនចូលទឹកដីថៃ ត្រូវសមត្ថកិច្ចឃាត់ខ្លួនបាន៩នាក់ មានទាំងជនពិការផងដែរ
ពលករខ្មែរប្រុសស្រីចំនួន៩នាក់ នៅពេលឆ្លងដែនចូលក្នុងទឹកដីថៃហើយ បានជាប់គាំងចេញមិនរួច ដោយសារទឹកអូរជន់ឡើងខ្លាំង នាំគ្នាត្រឡប់ថយក្រោយរង់ចាំទឹកស្រក ក៏ត្រូវសមត្ថកិច្ចប្រទះឃើញឃាត់ខ្លួនតែម្តង។
សមត្ថកិច្ចបានឱ្យដឹងថា ការឃាត់ខ្លួនពលករប្រុសស្រីខាងលើនៅ ខណៈដែលសមត្ថកិច្ចចម្រុះការពារព្រំដែនគោកនៅវេលាទៀបភ្លឺថ្ងៃទី១៦ ខែកញ្ញា ឆ្នាំ២០២១ បានចុះល្បាតប្រទះឃើញនិងឃាត់ខ្លួនពលករប្រុសស្រីចំនួន៩នាក់ ខណៈពេលដែលក្រុមពលករទាំងអស់ប្រុងឆ្លងដែនចូលទៅក្នុងទឹកដីប្រទេសថៃ។
តាមចម្លើយសារភាពរបស់ពលករ ដែលបានប្រាប់ដល់សមត្ថកិច្ចថា ករណីដែលពួកគេលួចឆ្លងដែនទៅប្រទេសថៃនេះ ក្នុងគោលបំណងជ្រកកោន ដើម្បីស្វែងរកការងារធ្វើ ហើយក្រៅពីនេះពួកគេនិងដើរសុំទាននៅក្នុងប្រទេសថៃផងចំពោះអ្នកដែលពិការ។ ពលករខ្មែរ ដែលឃាត់ខ្លួនខាងលើសរុបចំនួន៩នាក់ ក្នុងនោះមានស្រីចំនួន៣នាក់ រួមទាំងជនពិការចំនួន៤នាក់ ត្រូវកម្លាំងល្បាតព្រំដែនឃាត់ខ្លួននៅវេលាម៉ោង៣:៣៥នាទី ថ្ងៃទី១៦ ខែកញ្ញា ឆ្នាំ២០២១ ត្រង់ចំណុចព្រំដែនក្នុងភូមិអូរល្វា ឃុំជ្រៃសីមា ស្រុកសំពៅលូន ខេត្តបាត់ដំបង។
ករណីពលករឆ្លងដែនខុសច្បាប់ខាងលើ ក្រោយសមត្ថកិច្ចធ្វើការសាកសួរ និងណែនាំអប់រំសមត្ថកិច្ចបានតម្រូវឲ្យធ្វើកិច្ចសន្យាឈប់ប្រព្រឹត្ត ហើយបានអនុញ្ញាតឲ្យពួកគេវិលត្រឡប់ទៅស្រុកកំណើតរៀងៗខ្លួនវិញផងដែរ៕
អត្ថបទ៖ សៅ សារិទ្ធ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង