ព័ត៌មានជាតិ

ទើបរៀនចប់ ចង់ឈរឈ្មោះជាមេភូមិ ត្រូវមាន ៥ ចំណុចនេះសិន

បានផុស

៥ years មុន

នៅ

ថ្ងៃសុក្រ ១៧ កញ្ញា ២០២១

ដោយ

ភូមិគឺជាកន្លែងប្រមូលផ្តុំដោយផ្ទះ និងគ្រួសារប្រជាពលរដ្ឋជាច្រើន។ ភូមិច្រើនរួមផ្តុំគ្នាបង្កើតបានឃុំ ឬ សង្កាត់មួយ។ កាលពីឆ្នាំ ២០០៦ ក្រសួងមហាផ្ទៃបានណែនាំពីនីតិវិធីក្នុងការជ្រើសរើសមេភូមិ។

តាមគោលការណ៍ បែបបទនិងនីតិវិធីនៃការជ្រើសរើសមេភូមិ ត្រូវធ្វើតែទៅលើភូមិណាដែលក្រសួងមហាផ្ទៃទទួលស្គាល់ជាផ្លូវការប៉ុណ្ណោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមលក្ខខណ្ឌកំណត់ជ្រើសរើសបេក្ខជនមេភូមិនីមួយៗ គឺជាប្រជាពលរដ្ឋខ្មែរទាំងពីរភេទ ដែលមានលក្ខណៈសម្បត្តិដូចខាងក្រោម ៖

– មានសញ្ជាតិខ្មែរ
– មានឈ្មោះក្នុងបញ្ជីឈ្មោះបោះឆ្នោតក្នុងឃុំ សង្កាត់ ដែលសាមីខ្លួនកំពុងរស់នៅ
– មានអាយុយ៉ាងតិច ២៥ឆ្នាំ គិតត្រឹមថ្ងៃដាក់ពាក្យស្នើបេក្ខជន
– ចេះអាន និងចេះសរសេរអក្សរខ្មែរ
– មានទីលំនៅអចិន្ត្រៃយ៍ក្នុងភូមិ ដែលបានដាក់ស្នើបេក្ខជនយ៉ាងតិច ០៦ ខែ ជាប់ៗគ្នា

គួរបញ្ជាក់ថា ការបោះឆ្នោតជ្រើសរើសមេភូមិរៀបចំជាអសកល តាមរយៈសមាជិកក្រុមប្រឹក្សាឃុំសង្កាត់ក្នុងមូលដ្ឋានដែលបេក្ខជនឈរឈ្មោះ។

មុខតំណែងមេភូមិ មិនត្រូវបានកំណត់អាណត្តិការងារឡើយ។ មេភូមិ ត្រូវបាត់បង់ពីមុខតំណែងក្នុងករណីណាមួយដូចខាងក្រោម៖

– សាមីខ្លួនទទួលមរណភាព
– សាមីខ្លួន ដាក់ពាក្យសុំលាឈប់ពីមុខតំណែងជាលាយលក្ខណ៍អក្សរ
– សាមីខ្លួន បាត់បង់សម្បទាវិជ្ជាជីវៈ ដោយមានលិខិតបញ្ជាក់ពីភ្នាក់ងារមានសមត្ថកិច្ច
– សាមីខ្លួនត្រូវបានលុបឈ្មោះចេញពីបញ្ជីឈ្មោះអ្នកបោះឆ្នោតនៃឃុំសង្កាត់របស់ខ្លួន
– សាមីខ្លួនត្រូវតុលាការផ្ដន្ទាទោសពីបទឧក្រិដ្ឋ ឬមជ្ឈិមណាមួយ
– សាមីខ្លួន ផ្លាស់ទីលំនៅទៅភូមិផ្សេង
– សាមីខ្លួន មានកំហុសឆ្គងក្នុងការងារ ហើយត្រូវបញ្ឈប់មុខតំណែងដោយក្រុមប្រឹក្សាឃុំសង្កាត់របស់ខ្លួន៕

អត្ថបទ៖ ប៊ុណ្ណារ៉ា