ព័ត៌មានជាតិ
ដោះលែងម្ចាស់ដំបងដែកវាយក្បាលបុរសអូស្ត្រាលីបែកឈាម
លោក សម ឬទ្ធីវាសនា ព្រះរាជអាជ្ញារងអមសាលាដំបូងបានសម្រេចដោះលែងជនដៃដល់ឈ្មោះ ចាន់ រីវង្ស ភេទប្រុស អាយុ៥៩ឆ្នាំ មុខរបរលក់ប្រេងម៉ាស៊ីន ស្នាក់នៅផ្ទះលេខ៥៦ E0ផ្លូវលេខ១០៩ សង្កាត់អូរឬស្សីទី៣ ខណ្ឌ៧មករា រាជធានីភ្នំពេញ អោយមានសេរីភាពវិញ បន្ទាប់ពីនគរបាលបញ្ជូនមកតុលាការ ។
ជនរងគ្រោះក្នុងរឿងក្ដីហិង្សានេះ ឈ្មោះ MiChael Anthony Davitt ជនជាតិអូស្ត្រាលី ភេទប្រុស អាយុ៤២ឆ្នាំ ស្នាក់ផ្ទះលេខ៥៦អឺឌឺ ផ្លូវលេខ១០៩ សង្កាត់អូឬស្សី៣ ខណ្ឌ៧មករា ។
ករណីខាងលើនេះ ត្រូវបានសមត្ថកិច្ចនគរបាលផ្នែកព្រហ្មទណ្ឌខណ្ឌ៧មករា ឲ្យដឹងថា នៅវេលាម៉ោង៥និង៣០នាទីល្ងាចនៅថ្ងៃទី១២ ខែកញ្ញា ឆ្នាំ២០២១ សមត្ថកិច្ចបានធ្វើការឃាត់ខ្លួនជាក់ស្តែងលើជនសង្ស័យឈ្មោះ ចាន់ រីវង្ស នៅកន្លែងលក់ និងប្តូរប្រេងម៉ាស៊ីន ដោយជនសង្ស័យ និងជនរងគ្រោះបានប្រើអំពើហិង្សា វាយទៅវាយមក បណ្តាលឲ្យជនរងគ្រោះរបួសធ្ងន់ បែកក្បាលត្រូវនាំទៅសង្គ្រោះនៅមន្ទីរពេទ្យ ។
វត្ថុតាងនិងសម្ភារៈដែលសមត្ថកិច្ចចាប់យកពីជនសង្ស័យមាន ដែកទាញបិតទ្វារផ្ទះ១ ដែលជាមធ្យោបាយរបស់ជនសង្ស័យប្រើប្រាស់វាយលើជនរងគ្រោះ ។
សមត្ថកិច្ចបន្តថា ដើមចមបណ្តាលឲ្យកើតមានអំពើហិង្សានោះ ផ្តើមចេញពីជនរងគ្រោះមានផ្ទះនៅខាងលើ ហើយតែងតែយករថយន្តទៅចតមុខកន្លែងលក់ដូររបស់ជនសង្ស័យ ជាហេតុធ្វើប៉ះពាល់ដល់មុខរបរអ្នករកស៊ី ទើបបានជាមានការឈ្លោះទាស់ទែងគ្នា ។ មានពេលខ្លះជនរងគ្រោះជាជនជាតិអូស្ត្រាលី បានយកសត្វឆ្កែទៅកាន់ឈរមុខកន្លែងគេលក់ដូរ ព្រមទាំងធ្វើកាយវិការដូចគេបាញ់ កាំភ្លើងដាក់ជនសង្ស័យរបៀបឌឺដង ធ្វើឲ្យជនសង្ស័យមានពេលខ្លះពិបាកនឹងទ្រាំដែរ ។ ទាំងអស់នោះជាទង្វើ និងសកម្មភាពដែលជនរងគ្រោះ និងជនសង្ស័យបង្ហាញពីការរស់នៅជិតខាងមិនចេះយោគយល់ ឬអធ្យាស្រ័យគ្នា ទើបកើតមានជាអំពើហិង្សា ហើយទីបំផុតបានត្រឹមតែ អ្នកចាញ់ចូលពេទ្យ អ្នកឈ្នះទៅដេកគុកអស់៤៨ម៉ោងសិន មុននឹងតុលាការដោះលែងអោយមានសេរីភាពវិញ ៕
អត្ថបទ៖ មករា
-
សេចក្ដីជូនដំណឹង៦ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៥ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា១៨ ម៉ោង agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
សេដ្ឋកិច្ច៧ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា១ សប្តាហ៍ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៦ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៧ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានជាតិ១ សប្តាហ៍ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ