ព័ត៌មានជាតិ
ជំនន់ទឹកភ្លៀង ជន់លិចផ្ទះពលរដ្ឋ នៅភូមិផ្ទះស្បូវ ខេត្តប៉ៃលិន
ផ្ទះប្រជាពលរដ្ឋ នៅភូមិផ្ទះស្បូវ ឃុំស្ទឹងត្រង់ ខេត្តប៉ៃលិន ចំនួន៣គ្រួសារ បានទទួលរងការជន់លិចពីទឹកភ្លៀង កាលពីម៉ោង៥ទៀបភ្លឺថ្ងៃទី២០ ខែកញ្ញា ឆ្នាំ២០២១។
លោក ង៉ា លីហុង ប្រធានមន្ទីរធនធានទឹក និងឧតុនិយមខេត្តប៉ៃលិន បានបញ្ជាក់តាមទូរស័ព្ទនៅរសៀលថ្ងៃទី២០ ខែកញ្ញា ឆ្នាំ២០២១នេះថា៖ ផ្ទះប្រជាពលរដ្ឋ ចំនួន៣ខ្នងផ្ទះ ត្រូវបានជំនន់ទឹកភ្លៀង ជនលិច កាលពីវេលាម៉ោង៥ទៀបភ្លឺថ្ងៃទី២០ ខែកញ្ញា ឆ្នាំ២០២១ តែមិនបណ្តាលឲ្យនរណាម្នាក់រងគ្រោះនោះទេ ហើយការជន់លិចនេះ ក៏ព្រោះតែផ្ទះរបស់ពួកគាត់នៅតំបន់ទំនាបជាងគេ សូម្បីតែធ្លាក់ភ្លៀងល្មមៗ ក៏បណ្តាលឲ្យជនលិចដែរ។
ការបញ្ជាក់របស់លោក ង៉ា លីហុង ប្រធានមន្ទីរធនធានទឹក និងឧតុនិយមបែបនេះ ខណៈដែលលោក អញ្ជើញចុះពិនិត្យមើលស្ថានភាពជាក់ស្ដែង នៃជំនន់ទឹកភ្លៀង ក្នុងភូមិផ្ទះស្បូវ ឃុំស្ទឹងត្រង់ ស្រុកសាលាក្រៅ ខេត្តប៉ៃលិន។ លោកប្រធានមន្ទីរធនធានទឹក និងឧតុនិយមខេត្ត មានប្រសាសន៍បន្តថា បើគិតត្រឹមម៉ោង១១ ថ្ងៃត្រង់នេះ ស្ថានភាពទឹក បានស្រកវិញជាបណ្តើរៗហើយ ចំណែកសំណង់ទ្វារទឹកទាំងអស់ ដែលមានក្នុងអូរដូចជា៖ សំណង់ធារាសាស្ត្រកូនដំរី សំណង់ទ្វារទឹកផ្ទះស្បូវ និងសំណង់ទ្វារទឹកអូរដូនតា ក៏ត្រូវបានបើកបន្ថែមទៀត ដើម្បីដោះទឹក ត្រៀមកាត់បន្ថយជំនន់ទឹកភ្លៀង ដែលអាចកើតឡើងក្នុងភូមិកូនដំរី ភូមិផ្ទះស្បូវ និងភូមិព្រៃសន្ទះ នៃឃុំស្ទឹងត្រង់ ស្រុកសាលាក្រៅ ខេត្តប៉ៃលិន។
ជាមួយគ្នានេះដែរ លោកប្រធានមន្ទីរ ក៏បានអំពាវនាវ ដល់បងប្អូនប្រជាពលរដ្ឋទាំងអស់ ពេលមានទឹកជំនន់ សូមបង្កើនការយកចិត្តទុកដាក់ ប្រុងប្រយ័ត្នខ្ពស់ ដើម្បីចៀសវាង នូវគ្រោះថ្នាក់ផ្សេងៗ ដែលអាចកើតមានឡើងដោយយថាហេតុ ជាពិសេសអាជ្ញាធរ ក៏និងត្រៀមរកទីទួលសុវត្ថិភាព សម្រាប់ជម្លៀសបងប្អូនប្រជាពលរដ្ឋ ដែលងាយរងគ្រោះផងដែរ៕
អត្ថបទ៖ សេងសុវណ្ណារិទ្ធ
-
ព័ត៌មានជាតិ១៦ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)