ជនប្រុសស្រី មាន​សរសៃចិត្តគំនិតលើបាតដៃ ក្បួន​តម្រា​ចារ​ម៉េចខ្លះ?​

មនុស្សយើងមានរូបរាងមកហើយ តែងមានចំណុចធម្មជាតិដែលបានចារទុកលើដងខ្លួនគ្រប់ៗគ្ នាដូចជាប្រជ្រុយ,ភ្នក,ក្នាំងដៃជើង និងខ្សែសរសៃបាតដៃជាដើម។

មនុស្សមួយចំនួនមានជំនឿ ហើយ​រកឱ្យគ្រូទស្សទាយអំពីជោគលាភនិងជោគវាសនា ខណះ​ដែលបុរាណខ្មែរយើងតែង​យក​ចំណុចខាងលើនេះជាគោលដៅ សម្រាប់ធ្វើការទស្សទាយអំពីផលអាក្រក់ឬល្អនៃជោគវាសនា ឬក៏អាចធ្វើការវាស់ស្មានពេលវេលានៃជីវិតផងដែរក៏ថាបាន។

ពាក់ព័ន្ធចំណុច​នេះកម្ពុជាថ្មី សូមលើកយកអំពីសរសៃចិត្តគំនិតនៅលើបាតដៃមកបកស្រាយ ទៅតាមការស្រាវជ្រាវក្នុងគុម្ពីទស្សទាយរបស់បុរាណាចារជូនបងប្អូនអ្នកអានឱ្យបានជ្រាបច្បាស់ អំពីខ្សែសសសៃចិត្តគំនិត​នៅលើបាតដៃនេះដូចខាងក្រោម÷

មនុស្សប្រុសស្រីឯណាដែលមានសរសៃចិត្តគំនិតនៅលើបាតដៃ ដែលមានសណ្ឋានវែងឆ្លងកាត់លើសរសៃជីវិតពីខាងដើមឬទាក់ជាប់គ្នានិងសរសៃខួរក្បាល ដែលមើលទៅឃើញជាសរសៃតែ១ជាមួយគ្នា បុរាណលោកបានចែងក្នុងក្បួនថា ជាមនុស្សរស់នៅងាយៗ មិនសូវចេះផ្ចិតផ្ចង់តាក់តែងកាយនោះទេ។

ក្បូនដដែលបន្តថា ក្រៅពីនេះក៏ជាមនុស្សមិនសូវចូលចិត្តនឹងហេតុផលច្រើននោះដែរ យកតាមតែចិត្តខ្លួនឯងជាធំបើមានសេចក្តីត្រូវការរបស់អ្វីមួយហើយត្រូវតែយកទាល់តែបាន។ ព្រោះមនុស្សដែលមានខ្សែសសៃបែបនេះលើបាតដៃជាមនុស្សមានទោសះខ្លាំងតែបើសិនណាបានជឿគេវិញគឺជឿស៊ុបង៉ុបងល់ហើយមានសេចក្តីមាន:ដោយមិនគិតនឹកដល់ហេតុផលណាមួយនោះឡើយ៕

អត្ថបទ៖ សៅ សារិទ្ធ