ព័ត៌មានជាតិ

តុលាការកំពូលនឹងកាត់ទោសលោកឡាយ វណ្ណៈ នៅព្រឹកស្អែកនេះ

បានផុស

៥ years មុន

នៅ

ថ្ងៃអង្គារ ២៨ កញ្ញា ២០២១

ដោយ

ភ្នំពេញ ៖ ប្រភពព័ត៌មានពីតុលាការកំពូលបានអោយដឹងថា នៅព្រឹកថ្ងៃទី ២៩កញ្ញា ឆ្នាំ២០២១នេះ ក្រុមប្រឹក្សាតុលាការកំពួលនឹងលើកយកសំណុំរឿងរបស់អតីតអភិបាលខេត្តតាកែវ លោក ឡាយ វណ្ណៈ មកកាត់ទោស តាមបណ្ដឹងសារទុក្ខរបស់គាត់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងរឿងក្ដីឃាតកម្មដ៏កក្រើកនេះ គឺមានតែលោកឡាយ វណ្ណៈ និងលោក ឡាយ ណារិទ្ធ ជាបងប្រុស និងជាអតីតស្នងការរងខេត្តតាកែវប៉ុណ្ណោះដែលប្ដឹងសារទុក្ខឡើងតុលាការកំពួល ។ ចំណែកជនជាប់ចោទផ្សេងទៀតបានអនុវត្តទោសចប់អស់ហើយ និងត្រូវបានដោះលែងអោយមានសេរីភាពវិញអស់ហើយ។

លោក ឡាយ វណ្ណៈ និង ឡាយ ណារិទ្ធ បានប្ដឹងសារទុក្ខឡើងតុលាករ កំពូលបន្ទាប់ពី សាលាដំបូង រាជធានី និង សាលាឧទ្ធរណ៍ បានសម្រេចផ្ដន្ទាទោស ដាក់ពន្ធនាគារ លោក ឡាយ វណ្ណព កំណត់១៣ ឆ្នាំ និងលោក ឡាយ ណា រិ ទ្ធ១០ឆ្នាំ ក្រោមការចោទប្រកាន់ពីបទឃាតកម្ម តាម មាត្រា ១៩៩នៃក្រមព្រហ្មទណ្ឌ ពាក់ព័ន្ធនិងការស្លាប់នៃនារីកំណាន់ ឈ្មោះចេវ សុវឌ្ឍនា កាលពីខែមេសា ឆ្នាំ ២០១៨ នៅឯខេត្តតាកែវ ក្រោមរូបភាពអត្តឃាត ដោយ ចងក ៕

ដោយ ៖ មករា