ព័ត៌មានជាតិ
តុលាការកំពូលតម្កល់ទោសជនជាប់ចោទម្នាក់ដាក់ពន្ធនាគារ១០ឆ្នាំ និងសងសំណង៨០០លានរៀលទៅជនរងគ្រោះ
តុលាការកំពូលកាលពីថ្ងៃទី២៩ ខែកញ្ញា ឆ្នាំ២០២១ បានប្រកាសសាលដីកាតម្កល់ទោសជនជាប់ចោទឈ្មោះ គុប ផា ភេទប្រុស អាយុ៤៣ឆ្នាំ មុខរបររកស៊ីលក់ទា មាន់ មានទីលំនៅឃុំដូង ស្រុកបាទី ខេត្តតាកែវ ដាក់ពន្ធនាគារកំណត់១០ឆ្នាំ និងកែប្រែឲ្យសងសំណងរដ្ឋបវេណីទៅដើមបណ្ដឹងពី៤០០លានរៀល ទៅ៨០០លានរៀលវិញ។
ជនជាប់ចោទត្រូវបានតុលាការថ្នាក់ក្រោមកាត់ទោសដាក់ពន្ធនាគារកំណត់១៤ឆ្នាំ ជាប់ពាក់ព័ន្ធនឹងករណីប៉ុនប៉ងមនុស្សឃាត (កាប់ប្រហារដោយកាំបិតប៉័ងតោ )ទៅលើស្ត្រីម្នាក់ដែលជាគូស្នេហាបណ្តាលជនរងគ្រោះដាច់ដៃម្ខាង ។
ជនរងគ្រោះមានឈ្មោះ សាន្ត ចិន្តា ភេទស្រី អាយុ២៥ឆ្នាំ មុខរបរកម្មកររោងចក្រ មានទីលំនៅក្នុងភូមិជាមួយគ្នានឹងជនជាប់ចោទ។
ជនជាប់ចោទ ឈ្មោះ គុប ផា ត្រូវបានតុលាការខេត្តតាកែវ កាលពីថ្ងៃ០៥ ខែមេសា ឆ្នាំ២០២០កន្លងទៅ បានផ្តន្ទាទោសដាក់ពន្ធនាគារកំណត់១៤ឆ្នាំ និងបង្គាប់ឱ្យសងថ្លៃជំងឺចិត្តទៅជនរងគ្រោះចំនួន៨០០លានរៀល ពីបទប៉ុនប៉ងឃាតកម្ម ប្រព្រឹត្តនៅភូមិព្រះម្លប់ ឃុំកណ្តឹង ស្រុកបាទី ខេត្តតាកែវ កាលពីថ្ងៃទី២៧ ខែ កុម្ភៈ ឆ្នាំ២០១៩ តាមបញ្ញត្តិមាត្រា ២៧ និង ១៩៩ នៃ ក្រមព្រហ្មទណ្ឌ។
សាលាដំបូងខេត្តតាកែវ ផ្តន្ទាទោសរួចជនជាប់ចោទបានប្តឹងជំទាស់នឹងសេចក្តីសម្រេចរបស់តុលាការខេត្តតាកែវ មកកាន់សាលាឧទ្ធរណ៍រាជធានីភ្នំពេញ។ តែសាលាឧទ្ធរណ៍បានតម្កល់បទចោទប្រកាន់របស់គាត់រក្សាទុកជាបានការដដែលតែបានបន្ធូរបន្ថយទោសរបស់គាត់ពីជាប់គុក១៤ឆ្នាំ មកនៅត្រឹមតែ១០ឆ្នាំ និងបញ្ចុះថ្លៃជំងឺចិត្តពី៨០០លានរៀល មកនៅត្រឹម៤០០លានរៀលវិញ។ ហើយជនជាប់ចោទ គុប ផា បានបន្តប្តឹងសារទុក្ខទៅតុលាការកំពូលបន្ត។
នៅក្នុងអង្គសវនាការកន្លងទៅជនជាប់ចោទឈ្មោះ គុប ផា បានទទួលស្គាល់កំហុស និងសារភាពថាខ្លួនពិតជាបានកាប់ទៅលើជនរងគ្រោះពិតមែន តែមិនមានបំណងសម្លាប់ជនរងគ្រោះ ដូចការចោទប្រកាន់របស់តុលាការថ្នាក់ក្រោមនោះទេ ព្រោះមានជម្លោះពាក្យសម្ដីនឹងគ្នាខឹងជនរងគ្រោះបានធាក់ចំពងស្វាស ៕
អត្ថបទ៖ មករា
-
សេចក្ដីជូនដំណឹង៦ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៥ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា១៨ ម៉ោង agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
សេដ្ឋកិច្ច៧ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា១ សប្តាហ៍ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៦ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៧ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានជាតិ១ សប្តាហ៍ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ