ព័ត៌មានជាតិ

ចាប់ខ្លួនជនជាតិកូរ៉េម្នាក់ចេញសែកអត់លុយ១៣ម៉ឺនដុល្លារ

បានផុស

២ years មុន

នៅ

ថ្ងៃសុក្រ ១៥ តុលា ២០២១

ដោយ

បុរសជនជាតិកូរ៉េម្នាក់ ត្រូវបានសមត្ថកិច្ចអាវុធហត្ថចាប់ខ្លួនបញ្ជូនមកសាលាដំបូងកាលពីព្រឹកថ្ងៃទី១៥ខែតុលា ឆ្នាំ២០២១ ពាក់ព័ន្ធសំណុំរឿងខ្ចីប្រាក់មិត្តភ័ក្ដិចំនួន១៣ម៉ឺនដុល្លារ ហើយចេញសែកស្អុយសងទៅវិញ ។

ជនជាប់ចោទដែលត្រូវចាប់ខ្លួនឈ្មោះ KIM MOO JIN ភេទប្រុស អាយុ៦៥ឆ្នាំ ជាពាណិជ្ជករ មានទីលំនៅបុរី វ៉ារីណា ផ្ទះលេខ៧អា ផ្លូវ ២០១១ ភូមិគោកឃ្លាង សង្កាត់ភ្នំពេញថ្មី ខណ្ឌសែនសុខ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមត្ថកិច្ចបានបញ្ជាក់ថា កាលពីខែកុម្ភៈ ឆ្នាំ២០២១ ឈ្មោះ KIM MOO JIN ភេទប្រុស បានសុំខ្ចីប្រាក់ពីបុរសឈ្មោះ JUNG HEUIN TAE ជាជនជាតិកូរ៉េដូចគ្នា ចំនួន១៣ម៉ឺនដុល្លារ ដើម្បីយកទៅពង្រឹងមុខរបររកស៊ីនៅក្នុងអំឡុងពេលមានជំងឺកូវីដរាតត្បាត ដោយសន្យាថា ក្នុងរយៈពេលេខែ នឹងសងប្រាក់វិញ ។ លុះដល់ថ្ងៃកំណត់សងប្រាក់ឈ្មោះ KIM MOO JIN មិនមានប្រាក់សងទេ ហើយម្ចាស់ប្រាក់ក៏បានដាសតឿនច្រើនដង ទើប KIM MOO JIN បានចេញសែកចំនួន២សន្លឹក គឺលេខ ៣០១៧៦៣ ចុះថ្ងៃទី៣១ ខែមិនា ឆ្នាំ២០២១ដោយមានទឹកប្រាក់ចំនួន៤៥០០០នដុល្លារ ។ និងសែកមួយសន្លឹកទៀតលេខ ៣០១៧៦១ ចុះថ្ងៃទី១៧ ខែឧសភា ឆ្នាំ២០២១ មានទឹកប្រាក់ចំនួន៩ម៉ឺនដុល្លារ ។ លុះដល់ថ្ងៃកំណត់បើកប្រាក់ ម្ចាស់បំណុលយកសែកទៅបើកប្រក់ ស្រាប់តែខាងធនាគារ ABA បញ្ជាក់ថា សែកនោះគ្មានប្រាក់មួយរៀលទេ ចំណែកឈ្មោះ KIM MOO JIN គេចវេសមិនជួបចចារ ទើបឈ្មោះ JUNG HEUIN TAE ដាក់ពាក្យបណ្ដឹងមកសមត្ថកិច្ចចាត់ការតាមផ្លូវច្បាប់តែម្ដង ៕

អត្ថបទ៖ មករា

Related Topics:ចេញសែកស្អុយ