ព័ត៌មានជាតិ
ជនសង្ស័យម្នាក់ចាក់ជនជាតិចិនបណ្ដាលឲ្យរបួសធ្ងន់រួចគេចខ្លួនមកស្នាក់នៅខេត្តសៀមរាបត្រូវនគរបាលឃាត់ខ្លួន
សៀមរាប ៖ កម្លាំងនគរបាលខេត្តសៀមរាបសហការជាមួយនគរបាលខេត្តព្រះសីហនុ និងនគរបាលក្រសួងមហាផ្ទៃ បានធ្វើការស្រាវជ្រាវឃាត់ខ្លួនជនសង្ស័យម្នាក់ជាអ្នករត់ផាសអាប់ (psss app)បានចាក់ទៅលើបុរសជនជាតិចិនបណ្តាលឲ្យរងរបួសធ្ងន់រួចគេចខ្លួនមកស្នាក់នៅខេត្តសៀមរាប។
លោកវរសេនីយ៍ទោ សុខ ម៉េងអ៊ាង នាយការិយាល័យនគរបាលព្រហ្មទណ្ឌកម្រិតធ្ងន់ នៃស្នងការដ្ឋាននគរបាលខេត្តសៀមរាប បានឲ្យដឹងថ្ងៃទី១៦ ខែតុលា ឆ្នាំ២០២១នេះថា ដោយមានកិច្ចសហការជាមួយកម្លាំងនគរបាលជំនាញចម្រុះទើបឈានដល់ការឃាត់ខ្លួន ជនសង្ស័យម្នាក់មានឈ្មោះ ថង សម្បត្តិ ភេទប្រុស អាយុ ៤៨ឆ្នាំ មុខរបរ រត់PassApp បច្ចុប្បន្ន ស្នាក់នៅភូមិរំដួលជើងភ្នំ សង្កាត់លេខ៣ ក្រុង-ខេត្តព្រះសីហនុ។
លោកបន្តថា ការឃាត់ខ្លួនជនសង្ស័យខាងលើ គឺពាក់ព័ន្ធទៅនឹងករណីហិង្សាដោយចេតនា មានស្ថានទម្ងន់ទោស ( ចាក់និងកូនកាំបិត ) ដោយនៅវេលាម៉ោង០៤:០០នាទីទៀបភ្លឺ ថ្ងៃទី ១០ ខែតុលា ឆ្នាំ២០២១ ជនរងគ្រោះឈ្មោះ CHEN JIALI ភេទប្រុស អាយុ ២៩ឆ្នាំ ជនជាតិចិន បានហៅ PassApp របស់ជនសង្ស័យឈ្មោះ ថង សម្បត្តិ អោយដឹកទៅកន្លែងស្នាក់នៅ ពេលនោះជនរងគ្រោះស្រវឹងស្រា ដោយខឹងជនសង្ស័យ ដឹកហួសកន្លែងស្នាក់នៅ ជនរងគ្រោះបានជេរ និងវ៉ៃជនសង្ស័យ ដោយទះ ០៣កំផ្លៀង ហើយភ្លាមនោះជនសង្ស័យក៏បានយកកាំបិតចុងស្រួចនៅក្នុងPassApp ចាក់ទៅលើជនរងគ្រោះចំផ្នែកពោះចំនួន ០១កាំបិត បណ្តាលឲ្យរបួសធ្ងន់ក្រោយពេលធ្វើសកម្មភាពហើយ ជនសង្ស័យបានគេចខ្លួនបាត់។
លុះរហូតដល់វេលាម៉ោង១៥និង០០នាទី ថ្ងៃទី ១៦ ខែតុលា ឆ្នាំ២០២១នេះ ទើបកម្លាំងចម្រុះបានធ្វើការឃាត់ខ្លួនជនសង្ស័យបានតែម្តងនៅចំណុចបេនឡានក្នុងបុរី សៀង ណាំ ស្ថិតក្នុងភូមិខ្នារ សង្កាត់ជ្រាវ ក្រុងសៀមរាប។
ក្រោយពេលឃាត់ខ្លួនជនសង្ស័យបានឆ្លើយសារភាពថា ខ្លួនពិតជាបានធ្វើសកម្មភាពករណីខាងលើនេះពិតប្រាកដមែន ហើយក្រោយពេលសាកសួររួចរាល់ កម្លាំងខេត្តសៀមរាប បានប្រគល់ជនសង្ស័យឈ្មោះ ថង សម្បត្តិ ឲ្យទៅកម្លាំងអធិការក្រុងព្រះសីហនុ ដើម្បីបន្តនីតិវិធី៕
ដោយ ៖ កុសល
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៣ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ