ព័ត៌មានជាតិ
ឯកអគ្គរដ្ឋទូតអាមេរិក កោតសរសើរពីភាគរយដ៏ខ្ពស់របស់កម្ពុជា លើការស្រោចវ៉ាក់សាំងនៅទូទាំង ប្រទេស
ឯកអគ្គរដ្ឋទូតសហរដ្ឋអាមេរិក ប្រចាំកម្ពុជា បានលើកឡើងពីទំនាក់ទំនងល្អ និងកោតសរសើរពីភាគរយដ៏ខ្ពស់របស់កម្ពុជា ទៅលើការស្រោចចាក់វ៉ាក់សាំងទាំងទៅលើកូនក្មេង និងមនុស្សចាស់ទូទាំងប្រទេស ដែលជាកត្តាល្អសម្រាប់ការបើកដំណើរការសេដ្ឋកិច្ច និងសង្គមឡើងវិញរបស់កម្ពុជា ។ ការលើកឡើងបែបនេះ ក្នុងជំនួបពិភាក្សារវាងលោកកិត្តិសេដ្ឋាបណ្ឌិតទេសរដ្ឋមន្ត្រី ចម ប្រសិទ្ធ ជាមួយក្រុមប្រឹក្សាធុរកិច្ច អាមេរិក -អាស៊ាន (US-ABC)កាលពីថ្ងៃទី១៩ ខែតុលា ថ្មីៗនេះ តាមប្រព័ន្ធ Zoomនៅទីស្តីការក្រសួង។
កិច្ចប្រជុំតាមប្រព័ន្ធអនឡាញ រវាងលោកកិត្តិសេដ្ឋាបណ្ឌិត ចម ប្រសិទ្ធ ទេសរដ្ឋមន្ត្រីរដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ ជាមួយក្រុមប្រឹក្សាធុរកិច្ចអាមេរិក-អាស៊ាន ដឹកនាំដោយឯកអគ្គរដ្ឋទូត Ted Osius ជាប្រធាន ដោយមានការចូលរួមពីតំណាងក្រុមហ៊ុនសំខាន់ៗរបស់សហរដ្ឋអាមេរិក ចំនួន១៣ក្រុមហ៊ុន រួមមាន៖ក្រុមហ៊ុន ប្រេងChevron, Amazon,VISA,Facebook,Google,Ford ,Bell,Abbott,ConocoPhillips ,Jhpiego,PernodRichard ,VMware ,និងWalmart និងដោយមានការចូលរួមពីតំណាងស្ថានទូតសហរដ្ឋអាមេរិកប្រចាំកម្ពុជាផងដែរ ។
កិច្ចប្រជុំបានផ្តោតការយកចិត្តទុកដាក់ទៅលើការបន្តពង្រឹងកិច្ចសហប្រតិបត្តិការទ្វេភាគី ដោយពិភាក្សាជាក់ស្តែងលើបញ្ហាមួយចំនួនដូចជា ការអនុវត្តការប្រើប្រាស់ស្តង់ដារយានយន្តសហរដ្ឋអាមេរិក លើទីផ្សារកម្ពុជា -ការ ទទួលបានហិរញ្ញប្បទានលើវិស័យសហគ្រាសធនតូច និងមធ្យម និងរោងចក្រ-ការ ជួយ ពង្រឹងសមត្ថភាពធនធានមនុស្ស -កិច្ចសហប្រតិបត្តិការលើវិស័យបច្ចេកវិទ្យា-បដិវត្តន៍ ឧស្សាហកម្ម ៤.០ -សេដ្ឋកិច្ច ឌីជីថល -ការដាក់ ឲ្យប្រើប្រាស់ផែនទីបង្ហាញផ្លូវវិស័យ Digital នៅកម្ពុជា និងពង្រឹងកិច្ចសហប្រតិបត្តិការលើវិស័យប្រកាសនីយបត្រតក្កកម្ម (Patent)ជាដើម ។
ក្នុងជំនួបនោះ ភាគីសហរដ្ឋអាមេរិក បានលើកឡើងពីទំនាក់ទំនងល្អ និងកោតសរសើរពីភាគរយដ៏ខ្ពស់របស់កម្ពុជាទៅលើការស្រោចចាក់វ៉ាក់សាំងទៅលើកូនក្មេង និងមនុស្សចាស់ទូទាំងប្រទេស ដែលជាកត្តាល្អសម្រាប់ការបើកដំណើរការសេដ្ឋកិច្ច និងសង្គមឡើងវិញរបស់កម្ពុជា ។ ជាមួយគ្នានេះ ភាគីសហរដ្ឋអាមេរិក ត្រៀមជានិច្ចក្នុងកិច្ចសហប្រតិបត្តិការជាមួយកម្ពុជា ក្នុងឱកាសដែលកម្ពុជា នឹងធ្វើជាម្ចាស់ផ្ទះនៃកិច្ចប្រជុំកំពូលអាស៊ាននៅឆ្នាំក្រោយ ព្រមទាំងការចូលរួមស្តារសេដ្ឋកិច្ចក្រោយវិបត្តិកូវីដ១៩ ។
លោកកិត្តិសេដ្ឋាបណ្ឌិតទេសរដ្ឋមន្ត្រី ចម ប្រសិទ្ធ បានវាយតម្លៃខ្ពស់ ចំពោះកិច្ចសហប្រតិបត្តិការ និងលទ្ធផលល្អប្រសើរ នៃកិច្ចសហប្រតិបត្តិការទ្វេភាគី និងសង្ឃឹមថា សហរដ្ឋអាមេរិក ចូលរួមចំណែកយ៉ាងសំខាន់ ក្នុងការឧបត្ថម្ភគាំទ្រដល់កម្ពុជា ដែលនឹងធ្វើជាម្ចាស់ផ្ទះនៃកិច្ចប្រជុំកំពូលអាស៊ាននាឆ្នាំក្រោយ ។ ជាមួយនោះក៏បានបង្ហាញនូវទឹកចិត្តរីករាយដែលភាគីសហរដ្ឋអាមេរិកផ្តល់ការចាប់អារម្មណ៍ចំពោះសំណើរភាគីកម្ពុជា ក្នុងកិច្ចពង្រឹងកិច្ចសហប្រតិបត្តិការលើវិស័យវិទ្យាសាស្ត្រ បច្ចេកវិទ្យា និងនវានុវត្តន៍ផងដែរ៕
អត្ថបទ៖ វិមាន
-
កីឡា៣ ថ្ងៃ agoបារាំង ចប់ដំណើរនៅ World Cup 2026 ក្រោមថ្វីជើង អេស្ប៉ាញ ២-០ វគ្គ ១/២ ផ្តាច់ព្រ័ត្រ
-
ព័ត៌មានជាតិ៥ ថ្ងៃ agoពលរដ្ឋស្នើអាជ្ញាធរជួសជុលផ្លូវក្បែរវិមានឯករាជ្យ ក្រុងសែនមនោរម្យ ដែលរងការខូចខាតច្រើនឆ្នាំ
-
ព័ត៌មានអន្ដរជាតិ១ សប្តាហ៍ agoយន្តហោះមីយ៉ាន់ម៉ា ទម្លាក់គ្រាប់បែកជញ្ជ្រំព្រំដែន កក្រើកដល់ដីថៃ ធ្វើឲ្យពលរដ្ឋភ័យព្រលឹងចុងសក់ ទៀតហើយ
-
ព័ត៌មានអន្ដរជាតិ១៨ ម៉ោង agoសេតវិមានអះអាងថា អ៊ីរ៉ង់នៅតែចង់ធ្វើកិច្ចព្រមព្រៀងជាមួយអាមេរិក ទោះកំពុងវាយគ្នាក៏ដោយ
-
ព័ត៌មានជាតិ១ ថ្ងៃ agoប្រធានមន្ទីររៀបចំដែនដី ៖ កំណែទម្រង់ថ្មី ការស្នើសុំបណ្ណកម្មសិទ្ធិនៅភ្នំពេញ ចំណាយពេលត្រឹម ១ ខែប៉ុណ្ណោះ
-
ព័ត៌មានអន្ដរជាតិ១៣ ម៉ោង agoអស្ចារ្យ! FIFA នឹងផ្តល់រង្វាន់ ចិញ្ចៀនមាសដាំពេជ្រ បន្ថែមពីលើមេដាយ និងពាន ដល់ក្រុមជើងឯក World Cup 2026
-
ព័ត៌មានជាតិ៣ ថ្ងៃ agoយន្តហោះ F-16 ថៃទម្លាក់គ្រាប់បែក MK-82 ចំនួន៧គ្រាប់កម្ទេចស្ពានជ័យជម្នះ លោក ហេង រតនា លើកឡើងពីប្រវត្តិសាងសង់ឆ្នាំ១៩៨៤
-
កីឡា១៨ ម៉ោង agoកីឡាការិនីកម្ពុជា ២ ក្រុម ឈានដល់វគ្គពាក់កណ្តាលផ្តាច់ព្រ័ត្រពានអន្តរជាតិ