Connect with us

ព័ត៌មានជាតិ

រថយន្តស៊ីទែន បើកថយក្រោយ​កិនធុងហ្គាស់ បណ្ដាលឱ្យឆេះរថយន្ត ២ គ្រឿងម្ចាស់ហ្គារាស់ជាអ្នកបើក​រងរបួសធ្ងន់

បានផុស

នៅ

ប្រជាពលរដ្ឋធ្វើដំណើរតាមផ្លូវជាតិលេខ ៥ និងប្រជាពលរដ្ឋរស់នៅជិតផ្សារអូរអំបិល ជ្រួលច្របល់យ៉ាងខ្លាំង ដោយសារតែ មានរថយន្តស៊ីទែន និងរថយន្តតូច ឆាបឆេះយ៉ាងសន្ធោសន្ធៅ និងខ្លាចឆេះដល់ការ៉ាសាំងបន្តទៀត នៅវេលាម៉ោង ៧៖៣០នាទីព្រឹក ថ្ងៃ ២៩ ខែ តុលា ឆ្នាំ ២០២១ នៅចំណុចមុខផ្សារ អូរអំបិល សង្កាត់អូរអំបិល ក្រុងសិរីសោភ័ណ ខេត្តបន្ទាយមានជ័យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បុរសជាម្ចាស់ហ្គារាស់មានឈ្មោះ ជា លី អាយុ ៦៨ ឆ្នាំ រស់នៅក្នុង សង្កាត់អូរអំបិល ក្រុងសិរីសោភ័ណ ខេត្តបន្ទាយមានជ័យ។
លោក អ៊ំ រាត្រី អភិបាលខេត្តបន្ទាយមានជ័យ បានឲ្យដឹងថា មុនពេលកើតហេតុម្ចាស់ហ្គារាស់ ឈ្មោះ ជាលី បានបូមប្រេងពីរថយន្តស៊ីទែនសាំង ដាក់រថយន្តតូច ក្រោយពីបូបហើយ ក៏ឡើងបើករថយន្តថយក្រោយ ចៃដន្យមិនបានមើលថាមានធុងហ្គាស់នៅក្រោយរថយន្តក៏បើកកិនបណ្តាលឲ្យផ្កាភ្លើងចេញពីធុងហ្គាស់ឆាប់ឆេះ តែម្តងក្រោយមកបានឆេះរថយន្តទាំង២។

មួយសន្ទុះក្រោយមក វត្តមាន លោក សិទ្ធិ ឡោះ ស្នងការនគរបាលខេត្តបន្ទាយមានជ័យ លោក បោនប៊ិន មេបញ្ជាការកងរាជអាវុធហត្ថខេត្ត លោកជឹមប៊ុន អាន មេបញ្ជាការតំបន់ប្រតិបត្តិការសឹករងខេត្តបន្ទាយជ័យ រដ្ឋបាលក្រុងសិរីសោភ័ណ និងកូនចៅជិត ១០០នាក់ជួយធ្វើអត្តរាគមន៍ ក្នុងនោះមានរថយន្តពន្លត់អគ្គីសភ័យ របស់ស្នងការខេត្ត៣គ្រឿង ជួយពន្លត់បាញ់ទឹក យ៉ាងសស្រាក់ សស្រាំ កន្លះម៉ោងក្រោយមកភ្លើងដែលឆេះរថយន្តទាំង២គ្រឿងនោះបានរលត់ជាស្ថាពរ។

ក្នុងអ្នកជំនាញបានធ្វើការវាយតំលៃ ក្នុងការខូចខាតរួមមាន រថយន្ត តូច និង រថយន្តសុីទែនដឹកសាំង ឆេះខ្ទេចអស់ អ្នកបើករថយន្តជាម្ចាស់ការ៉ាសឈ្មោះជាលីរបួសធ្ងន់ និងទ្រព្យសម្បត្តិគួបផ្សំមួយចំនួន គិតជាទឹកប្រាក់មិនអស់ប៉ុន្មាននោះទេ។

អ្នកជំនាញបានឲ្យដឹងបន្តទៀតថាការឆេះនេះដោយសារតែរថយន្តពន្លត់អគ្គីសភ័យបាញ់ទឹកពន្លត់ទាន់ពេលវេលា មិនបណ្តាលឲ្យឆេះដល់ផ្ទះអ្នកជិតខាងពិសេសមិនបណ្តាលឲ្យផ្ទុះហ្គារាស់សាំងនោះឡើយ៕

អត្ថបទ៖ វ៉ាន់ ណាង

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២ នាទី មុន

ទូត​បារាំង​ស្នើ​​ឱ្យ​មាន​​ការ​អភិរក្ស​សំណង់​អគារ​ចាស់​ៗ​​សម័យ​បារាំង​នៅ​​ភ្នំពេញ​​

កីឡា២៤ នាទី មុន

កម្ពុជា ឈ្នះមេដាយមាស ២គ្រឿងបន្ថែមថ្ងៃនេះ នៅស៊ីហ្គេម លើប្រភេទកីឡាវ៉ូវីណាម និងតេក្វាន់ដូ

ព័ត៌មានជាតិ៤៧ នាទី មុន

អភិបាលរាជធានី ស្នើបារាំងជួយកសាងស្ថានីយប្រតិកម្មទឹកកខ្វក់មួយកន្លែងទៀត

ចរាចរណ៍៥០ នាទី មុន

សមត្ថកិច្ច​ស្រុក​ពួក ឃាត់ខ្លួន​ម្ចាស់​គោយន្ត​ដឹក​ថ្ម​១​គ្រឿង​ករណី​បើក​បុក​រោង​ជួសជុល​ម៉ូតូ​បណ្តាល​ឲ្យ​បុរស​ម្នាក់​ស្លាប់

ព័ត៌មានជាតិ១ ម៉ោង មុន

អភិបាល​រាជធានី ស្នើសុំ​ឲ្យ​បារាំង​ជួយ​កសាង​ស្ថានីយ​ប្រតិកម្ម​ទឹក​កខ្វក់​មួយកន្លែង​ទៀត នៅ​ខាងជើង​ឆៀង​ខាងលិច​រាជធានី​ភ្នំពេញ

Sokha Hotels

ព័ត៌មានពេញនិយម