ព័ត៌មានជាតិ
ដើមខែវិច្ឆិកានេះ ករណីបាញ់៣លើកនៅក្រុងសៀមរាប បង្កការភ្ញាក់ផ្អើលដល់ភ្ញៀវទេសចរ និងពលរដ្ឋ
ស្នូរកាំភ្លើងបានផ្ទុះឡើងជាលើកទី៣ហើយ នៅក្នុងក្រុងសៀមរាប ដែលបានបង្កការភ្ញាក់ផ្អើលដល់ពលរដ្ឋ និងភ្ញៀវទេសចរ។ ជាក់ស្តែងនៅវេលាម៉ោង៣ទៀបភ្លឺឈានចូលថ្ងៃទី០៥ ខែវិច្ឆិកា ឆ្នាំ២០២១ នៅចំណុចមុខភោជនីយដ្ឋានធីមផល ស្ថិតក្នុងភូមិស្ទឹងថ្មី សង្កាត់ស្វាយដង្គំ ក្រុងសៀមរាប មានករណីបាញ់បោះមួយកើតឡើង បង្កឡើងដោយជនសង្ស័យជាមន្ត្រីនគរបាលអន្តរាគមន៍ម្នាក់ ហើយបានបណ្តាលឲ្យពលរដ្ឋម្នាក់របួសធ្ងន់។
សាក្សីនៅកន្លែងកើតហេតុឈ្មោះ វ៉ន សុវណ្ណ ជាមេការនៅហាងធីមផលក្លឹប បានឲ្យដឹងថា ជនរងគ្រោះកំពុងអង្គុយផឹកស៊ីជាមួយមិត្តភក្តិ ខណៈពេលនោះមានជនដៃដល់មិនស្គាល់អត្តសញ្ញាណជិះម៉ូតូ២គ្រឿងមកឈប់នៅមុខហាង រួចក៏ទាញកាំភ្លើងបាញ់សំដៅមកលើជនរងគ្រោះចំនួន២គ្រាប់ បណ្តាលឲ្យរបួសធ្ងន់ម្នាក់ ហើយបានបង្កការភ្ញាក់ផ្អើលដល់ភ្ញៀវដែលកំពុងអង្គុយក្នុងហាង។ លោកបន្តថា ក្រោយពីបាញ់រួចជនដៃដល់បើកម៉ូតូគេចខ្លួនបាត់។
សមត្ថកិច្ចបានឲ្យដឹងថា ករណីបាញ់បោះនេះ បណ្តាលឲ្យជនរងគ្រោះម្នាក់ឈ្មោះ ភាព ប៊ុណ្ណារឹទ្ធ ភេទប្រុស អាយុ៣០ឆ្នាំ មុខរបរជាងភ្លើង នៅភូមិសំរោងត្បូង ឃុំសំរោង ស្រុកសូទ្រនិគម ខេត្តសៀមរាប ត្រូវរបួសចំក្រោមក្លៀកខាងឆ្វេង១គ្រាប់ រងរបួសធ្ងន់កំពុងសង្រោះបន្ទាន់នៅមន្ទីរពេទ្យបង្អែកខេត្តសៀមរាប។ សមត្ថកិច្ចបន្តថា ករណីនេះ ជនសង្ស័យត្រូវបានកម្លាំងព្រហ្មទណ្ឌកម្រិតស្រាលនៃស្នងការដ្ឋាននគរបាលខេត្តសៀមរាប ស្វែងរកចាប់ខ្លួនបានហើយ សមត្ថកិច្ចកំពុងសាកសួរជនដៃដល់។ សមត្ថកិច្ចបានបញ្ជាក់ថា ករណីនេះអំពើហិង្សា វាយទៅវាយមកឈានដល់បាញ់។ វាយប៉ូលិស១ដបមុន ប៉ូលិសក៏បាញ់វិញទៅ ហ្នឹងទុកលទ្ធភាពឲ្យស៊ើបអង្កេតសិន។
ប្រភពបានឲ្យដឹងថា ភាគីទាំងពីរមានទំនាស់ករណីហិង្សាក្នុងកន្លែងផឹកស៊ី ដោយមូលហេតុ ភាគីម្ខាងទៀតនោះគ្នាច្រើន ហើយប៉ូលិសគ្នាតិចគេវាយមកប៉ូលិស ដោយគ្នាគេច្រើនក៏បាញ់ការពារខ្លួនតែម្ដង។ ប្រភពបន្តថា ជនដៃដល់ជានគរបាលអន្តរាគមន៍ រហស្សនាម ៦២ ឈ្មោះ សៅ សុភណ្ឌ។ ករណីនេះ គេនៅមិនដឹងពីចំណាត់ការបន្តនៅឡើយទេ ដោយរង់ចាំមើលថ្នាក់លើជាអ្នកសម្រេច។
ទោះយ៉ាងនេះក្តី មហាជនរង់ចាំមើលពីចំណាត់ការរបស់សមត្ថកិច្ចខេត្តសៀមរាបថា តើមានវិធានការផ្លូវច្បាប់យ៉ាងណា ចំពោះជនដៃដល់ដែលជាអ្នកបាញ់បោះ។ ស្នងការនគរបាលខេត្តសៀមរាប លោកឧត្តមសេនីយ៍ត្រី តេង ចន្ទណាត មិនអាចសុំការពន្យល់បានទេនៅព្រឹកថ្ងៃទី០៥ខែវិច្ឆិកានេះ ជុំវិញករណីមន្ត្រីនគរបាលម្នាក់បាញ់ពលរដ្ឋនៅកន្លែងផឹកស៊ីនេះ៕
អត្ថបទ៖ កុសល
ស្លាប់បុរស ២ នាក់ នៅ តៃវ៉ាន់ ក្រោយញ៉ាំអាហារបួសរបស់ម៉ាឡេស៊ី
ស្ថាប័នអន្តោប្រវេសន៍កម្ពុជា-ឡាវ ប្រកាសបន្តពង្រឹងកិច្ចសហប្រតិបត្តិការទប់ស្កាត់ឧក្រិដ្ឋកម្មឆ្លងដែន
ឈុតសាមញ្ញទៅមើលការប្រកួតរវាងជម្រើសជាតិ ថៃ-កូរ៉េ របស់ Lisa តម្លៃសុទ្ធតែរាប់ពាន់ដុល្លារ
Avian Influenza (AI): ការស្វែងយល់អំពីការគ្រប់គ្រង និងការការពារជំងឺផ្ដាសាយបក្សីក្នុងប្រទេស កម្ពុជា
អ៊ីស្រាអែល ប្រមូលរបស់ទ្រព្យក្រុមហាម៉ាសត្រៀមបើកផ្លូវចូលទីក្រុងភាគខាងត្បូងហ្គាហ្សា
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៦ ថ្ងៃ agoអ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ agoទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ agoបណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៤ ថ្ងៃ agoកម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៥ ថ្ងៃ agoមន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ agoដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ២ ថ្ងៃ agoលម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore
-
សន្តិសុខសង្គម៤ ថ្ងៃ agoបឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល