Connect with us

ព័ត៌មានជាតិ

សមត្ថកិច្ចឃាត់ខ្លួន អធិការរងម្នាក់ សង្ស័យជាប់ពាក់ព័ន្ធករណីឃាតកម្ម កាលពី២ខែមុន

បានផុស

នៅ

នៅក្នុងរយៈពេលជាង២ខែ បន្ទាប់ពីសមត្ថកិច្ច បានស៊ើបអង្កេតលើករណី«អំពើឃាតកម្ម»ដ៏ឃោរឃៅមួយ នៅស្រុកគាស់ក្រឡ ទីបំផុត សមត្ថកិច្ចបានឈានដល់ការឃាត់ខ្លួនជនសង្ស័យម្នាក់ គឺជា​លោក​អធិការរង​ស្រុក​គាស់ក្រឡ​តែម្តង ដោយ​ជននេះ ត្រូវជា​ប្អូនថ្លៃ​របស់​ជនរងគ្រោះ​។​

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

​គួរ​បញ្ជាក់ថា កាលពី​ថ្ងៃទី​២៨ ខែសីហា កន្លងទៅនេះ​ជនរងគ្រោះ ( សព ) ត្រូវបាន​សមត្ថកិច្ច​ស្រុក​គាស់ក្រឡ​ឃាត់ខ្លួន​ ដើម្បី​យកមក​ធ្វើការ​អប់រំ ជុំវិញ​ករណី​ហិង្សា​ក្នុង​គ្រួសារ។ ពេល​បញ្ចប់​សមត្ថកិច្ច​ក៏បាន​ឲ្យ​លោក​អធិការរង​ឈ្មោះ ដាក សុខា ដឹក​តាម​រថយន្ត​ព្រូស​ត្រឡប់ទៅផ្ទះ​វិញ​ទាំង​ដៃ​ជាប់​ខ្នោះ ព្រោះ​ដោយសារ​អធិការរង​រូបនេះ​ត្រូវជា​ប្អូនថ្លៃ ហើយក៏​ស្ងាត់​តាំងពី​ពេល​នោះមក​។​

​លុះ​នៅ​ថ្ងៃទី​៣១ ខែសីហា ប្រជាពលរដ្ឋ​បាន​ប្រទះឃើញ​សព​មាន​ក្លិនស្អុយ ដែល​ត្រូវបាន​គេ​កប់​ក្នុង​ដី​តែ​មិន​ជិត​ដោយសារ​សព​មាន​សភាព​ហើយ​ទៅហើយ ក៏មាន​ការភ្ញាក់ផ្អើល​តែម្តង​។​

បើតាម​ប្រភពពី​សមត្ថកិច្ច​បាន​ឲ្យ​ដឹងថា ជនសង្ស័យ​ឈ្មោះ ដាក សុខា មាន​តួនាទី​ជា​អធិការរង​ស្រុក​គាស់ក្រឡ ទ​ទួល​បន្ទុក​ផ្នែក​គ្រឿងញៀន​។ ជននេះ ត្រូវ​កម្លាំង​ការិយាល័យ​ព្រហ្មទណ្ឌ​កំរិតធ្ងន់ នៃ​ស្នងការ​ខេត្ត​ឃាត់ខ្លួន​និង​ដោះ​ឯកសណ្ឋាន​នគរបាលជាតិ និង​បាន​នាំយកមក​សាកសួរ​នៅ​យប់​ថ្ងៃទី ៤ វិច្ឆិកា ក្រោយពី​សង្ស័យ​ថា មាន​ជាប់​ពាក់ព័ន្ធ​នឹង​អំពើ​ឃាតកម្ម នៅ​ភូមិ​បា​ស្រែ ឃុំ​ដូន​បា ស្រុក​គាស់ក្រឡ។

​នៅក្នុង​សំណុំ​រឿងនេះ មន្ត្រី​ការិយាល័យ​ព្រហ្មទណ្ឌ​កម្រិត​ធ្ងន់ បាន​បើក​ការស៊ើបអង្កេត​អស់​រយៈពេល​ជាង​២​ខែ បន្ទាប់ពី​កើតហេតុ ទើប​លេចចេញ​នូវ​តម្រុយ​នៃ​មុខសញ្ញា​ជនសង្ស័យ ដែល​ត្រូវជា​ប្អូនថ្លៃ​ជនរងគ្រោះ ហើយក៏​មាន​តួនាទី​ជា​«​អធិការរង​ស្រុក​គាស់ក្រឡ​»​ទៀតផង​។ ជុំវិញ​ករណីនេះ លោកស្នងការ សាត គឹម​សាន បាន​បង្ហើប​ប្រាប់​សារព័ត៌មាន​ក្នុងស្រុក​ថា ពិតជា​មានការ​ឃាត់ខ្លួន​លោក​អធិការរង​ម្នាក់​មែន តែ​កំពុង​សាកសួរ​នៅឡើយ៕

អត្ថបទ៖ សោ និយម​រ័ត្ន​

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៥ ថ្ងៃ មុន

អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា

ព័ត៌មានជាតិ៣ ថ្ងៃ មុន

ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ

ព័ត៌មានជាតិ៣ ថ្ងៃ មុន

បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»

ព័ត៌មានជាតិ៣ ថ្ងៃ មុន

កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា

ជីវិតកម្សាន្ដ៧ ថ្ងៃ មុន

ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»

Sokha Hotels

ព័ត៌មានពេញនិយម