ព័ត៌មានជាតិ

ទំនិញខូចគុណភាពជាង៧តោន ត្រូវបំផ្លាញចោល នៅខេត្តពោធិ៍សាត់

បានផុស

៥ years មុន

នៅ

ថ្ងៃសុក្រ ៥ វិច្ឆិកា ២០២១

ដោយ

ទំនិញខូចគុណភាព និងហួសរយៈពេលប្រើប្រាស់ចំនួន៧២០០ គីទ្បូក្រាម ត្រូវបានមន្ត្រីជំនាញអគ្គនាយកដ្ឋានការពារអ្នកប្រើប្រាស់កិច្ចការប្រកួតប្រជែង និងបង្ក្រាបការក្លែងបន្លំ(ក.ប.ប) ខេត្តពោធិ៍សាត់កម្ទេចចោលនៅក្នុងបរិវេណពហុកីទ្បដ្ឋានខេត្តពោធិ៍សាត់ស្ថិតក្នុងក្រុងពោធិ៍សាត់ នៅព្រឹកថ្ងៃទី៥ ខែវិច្ឆិកា ឆ្នាំ២០២១។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទំនិញខូចគុណភាពហួសកាលបរិច្ឆេទប្រើប្រាស់ និងទំនិញហាមឃាត់ដែលត្រូវកម្ទេចនិងបំផ្លាញចោលនាពេលនេះរួមមាន ស្រាបៀរ, ភេសជ្ជៈនិងទំនិញចម្រុះមួយ ចំនួនទៀតត្រូវបានមន្ត្រីជំនាញសាខា ក.ប.ប.ប្រចាំខេត្តពោធិ៍សាត់ធ្វើការត្រួតពិនិត្យនិងដកហូតពីតាមបណ្តាផ្សារនិងឃ្លាំងស្តុកទំនិញនានាក្នុងភូមិសាស្ត្រខេត្តពោធិ៍ សាត់ក្នុងរយៈពេលកន្លងមក ។

លោក អ៊ូ ម៉ានរិន ប្រធានសាខាការពារអ្នកប្រើប្រាស់កិច្ចការប្រកួតប្រជែងនិងបង្ក្រាបការក្លែងបន្លំខេត្តពោធិ៍សាត់ (ក.ប.ប) បានឲ្យដឹងថាទំនិញទាំងអស់ត្រូវបាន ដកហូតបានកាលពីថ្ងៃទី២៣ ខែកញ្ញា ឆ្នាំ២០២១ នៅដេប៉ូចែកចាយភេសជ្ជៈ ដែលមានអាសយដ្ឋានផ្លូវជាតិលេខ ០៥ ស្ថិតក្នុងភូមិមាន់ចែ សង្កាត់ផ្ទះព្រៃ ក្រុងពោធិ៍ សាត់ ខេត្តពោធិ៍សាត់។

ករណីនេះម្ចាស់ទំនិញល្មើសខាងលើ បានយល់ព្រមបង់ប្រាក់ពិន័យរួលរាល់អស់ហើយកាលពីថ្ងៃទី ១៤ ខែតុលា ឆ្នាំ២០២១ ពាក់ព័ន្ធច្បាប់ស្តីពីកិច្ចការពារអ្នកប្រើ ប្រាស់។ គោលដៅសំខាន់នៃការត្រួតពិនិត្យទំនិញភេសជ្ជៈនិងស្រាបៀរនៅទីតាំងខាងលើគឺដើម្បីស្រាវជ្រាវ និងទប់ស្កាត់ការចរាចរណ៍ទំនិញខូចគុណភាពក្លែងបន្លំ ស្លាកសញ្ញាផុតកំណត់កាលបរិច្ឆេទប្រើប្រាស់និងទំនិញហាមឃាត់ដើម្បីលើកកម្ពស់សុខុមាលភាព ជូនប្រជាពលរដ្ឋ រួមចំណែកអភិវឌ្ឍន៍សេដ្ឋកិច្ចគ្រួសារនិងសង្គមជាតិ៕

អត្ថបទ៖ ណារី

Related Topics:ផលិតផលខូចគុណភាព