ព័ត៌មានជាតិ
សម្តេចតេជោហ៊ុន សែន នឹងអញ្ជើញទៅទទួលវ៉ាក់សាំង២លានដូស ជាជំនួយរបស់ចិននៅថ្ងៃទី១៧វិច្ឆិកា
សម្តេចតេជោនាយករដ្ឋមន្ត្រី នឹងអញ្ជើញទៅទទួលដោយផ្ទាល់វ៉ាក់សាំងចំនួន២លានដូសបន្ថែមទៀត ដែលជាជំនួយរបស់រដ្ឋាភិបាលចិននៅថ្ងៃទី១៧ ខែវិច្ឆិកា ឆ្នាំ២០២១ខាងមុខ។
លោកស្រី វេជ្ជបណ្ឌិត យក់សម្បត្តិ រដ្ឋលេខាធិការក្រសួងសុខាភិបាលបានមានប្រសាសន៍នៅព្រលានយន្តហោះភ្នំពេញអន្តរជាតិនៅល្ងាចថ្ងៃទី១៥ វិច្ឆិកាពេលអញ្ជើញទៅទទួលវ៉ាក់សាំង Astrazenecaជាង៣២ម៉ឺនដូសទៀតផ្ដល់តាមរយៈយន្ដការកូវ៉ាក់ថា «នៅថ្ងៃទី១៧ វិច្ឆិកាសម្តេចតេជោហ៊ុនសែនលោកនឹងអញ្ជើញទៅទទួលវ៉ាក់សាំងចំនួន២លានដូសទៀត ដែលជាជំនួយរបស់រដ្ឋាភិបាលចិនជាមួយឯកឧត្តមឯកអគ្គរដ្ឋទូតចិន»។
លោកស្រីបានបន្តថា ការមកដល់វ៉ាក់សាំងជាបន្តបន្ទាប់នេះ នឹងធ្វើឱ្យកម្ពុជាមានវ៉ាក់សាំងជាង៤០លានដូស រួមទាំងវ៉ាក់សាំង២លានដូសដែលទទួលនៅថ្ងៃទី១៧វិច្ឆិកាខាងមុខ។
លោកស្រីបានបន្តទៀតថា កម្ពុជាមិនមានការខ្វះវ៉ាក់សាំងនោះទេ ហើយវ៉ាក់សាំងដែលកម្ពុជាទទួលបានសុទ្ធតែមានការត្រួតពិនិត្យនិងគ្រប់គ្រងបានល្អហើយរហូតមកដល់ពេលនេះវ៉ាក់សាំងដែលទទួលបានរួមទាំងនៅក្នុងស្តុកផងមិនមានវ៉ាក់សាំងណាមួយហួសការប្រើប្រាស់នោះទេ។
លោកស្រីបានបន្ថែមថា ចំណែករដ្ឋាភិបាលអូស្ត្រាលីនឹងបញ្ជូនវ៉ាក់សាំងមកកម្ពុជានៅចុងឆ្នាំនេះឬដើមឆ្នាំ២០២២ហើយចំពោះការមកដល់ជាក់លាក់នោះស្ថានទួតអូស្ត្រាលីនិងបញ្ជាក់នៅពេលក្រោយ។
លោកស្រីបានបញ្ជាក់ថា រីឯវ៉ាក់សាំងដែលផ្តល់តាមរយៈយន្តការកូវ៉ាក់ ក៏នឹងមកជាបន្តបន្ទាប់នាពេលខាងមុខដែរ។
រហូតមកដល់ថ្ងៃនេះ វ៉ាក់សាំងផ្ដល់តាមរយៈយន្ដការកូវ៉ាក់ មានចំនួន៧៧២៨០០ដូសចែកជាបីលើកដោយលើកទី១បានមកដល់នៅថ្ងៃទី០២ ខែមីនា ឆ្នាំ២០២១ វ៉ាក់សាំង AstraZeneca/SII ដែលទទួលអាជ្ញាប័ណ្ណផលិតដោយ Serum Institute of India (SII) ចំនួន ៣២៤.០០០ ដូស។ លើកទី២បានមកដល់នៅថ្ងៃទី២២ ខែតុលា ឆ្នាំ២០២១ វ៉ាក់សាំងស៊ីណូវ៉ាក់ផលិតនៅប្រទេសចិនចំនួន ១២៤,៨០០ ដូសនិងលើកទី៣នឹងមកដល់នៅរសៀលថ្ងៃនេះវ៉ាក់សាំងAstrazeneca ចំនួន៣២៤,០០០ដូសសរុបទាំងបីលើកចំនួនចំនួន៧៧២៨០០ដូស។
លោក ស្រី វេជ្ជបណ្ឌិត លី អាយលែនប្រធានអង្គការសុខភាពពិភពលោកប្រចាំនៅកម្ពុជាបានមានប្រសាសន៍ថា យន្តការកូវ៉ាក់បានប្តេជ្ញាផ្តល់វ៉ាក់សាំងប្រមាណ៦,៦លានដូសស្មើនឹង២០ភាគរយនៃប្រជាជនកម្ពុជាសរុបខណៈមកដល់ពេលនេះយន្តការនេះបានផ្តល់ប្រមាណ៤៥ភាគរយហើយៗនៅសល់នឹងមកដល់ជាបន្តបន្ទាប់ទៀត។
គួរបញ្ជាក់ថា គិតត្រឹមថ្ងៃទី១៤ ខែវិច្ឆិកា ឆ្នាំ២០២១កំណើនអត្រាចាក់វ៉ាក់សាំងកូវីដ-១៩ នៅកម្ពុជាលើប្រជាជនអាយុពី ១៨ឆ្នាំឡើង មាន ១០០,៥៧% ធៀបជាមួយចំនួនប្រជាជនគោលដៅ ១០លាននាក់។លើកុមារ-យុវវ័យអាយុពី ១២ឆ្នាំ ទៅក្រោម ១៨ឆ្នាំ មាន ៩៨,៤៧% ធៀបជាមួយចំនួនប្រជាជនគោលដៅ ១,៨២៧,៣៤៨ នាក់។លើកុមារអាយុពី ០៦ឆ្នាំ ដល់ក្រោម ១២ឆ្នាំ មាន ១០៣,៧០% ធៀបជាមួយនឹងប្រជាជនគោលដៅ ១,៨៩៧, ៣៨២ នាក់។លើកុមារអាយុ ០៥ឆ្នាំ មាន ៧៦,២៣% ធៀបជាមួយនឹងប្រជាជនគោលដៅ ៣០៤,៣១៧ នាក់។លទ្ធផលចាក់វ៉ាក់សាំងធៀបនឹងចំនួនប្រជាជនសរុប ១៦លាន នាក់ មាន ៨៧,៨៥%៕
ដោយ ៖ សំអឿន
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?