ព័ត៌មានជាតិ
ក្រុមហ៊ុនបារាំងប្រមាណ ៤០០ សាទរកម្ពុជាបើកដំណើរការប្រទេសឡើងវិញ
ក្រុមហ៊ុនបារាំងប្រមាណ ៤០០ ក្រុមហ៊ុន ដែលកំពុងប្រតិបត្តិការនៅកម្ពុជា បានសម្ដែងសេចក្ដីរីករាយយ៉ាងខ្លាំងចំពោះជោគជ័យនៃការចាក់ស្រោចវ៉ាក់សាំងរបស់រាជរដ្ឋាភិបាលកម្ពុជា និងការបើកដំណើរការប្រទេសឡើងវិញលើគ្រប់វិស័យ ឱ្យមានរំហូរឡើងវិញទាំងការហោះហើរ ទាំងសេដ្ឋកិច្ច ទាំងដំណើរការពាណិជ្ជកម្ម។ នេះជាការបញ្ជាក់របស់ លោក ហ្សាក់ ប៉ឺឡេ (Jacques Pellet ) ឯកអគ្គរដ្ឋទូតសាធារណៈរដ្ឋបារាំងប្រចាំកម្ពុជា។
នៅក្នុងជំនួបជាមួយសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា នាព្រឹកថ្ងៃទី ២៤ ខែវិច្ឆិកា ឆ្នាំ ២០២១ នេះ លោក ហ្សាក់ ប៉ឺឡេ បានសំដែងនូវការវាយតម្លៃខ្ពស់ និងកោតសរសើរចំពោះនយោបាយចាក់ស្រោចវ៉ាក់សាំងរបស់សម្ដេចតេជោ ដែលបានទប់ស្កាត់ការរីករាលដាលជំងឺកូវីដ-១៩ នាំឱ្យព្រះរាជាណាចក្រ កម្ពុជាបើកព្រំដែន បើកសេដ្ឋកិច្ច បើកសាលារៀនឡើងវិញ ដែលជាជោគជ័យគួរឱ្យកត់សម្គាល់ និងមានការទទួលស្គាល់ពីមជ្ឈដ្ឋានអន្តរជាតិ។
លោក ហ្សាក់ ប៉ឺឡេ បានបន្ថែមថា នៅកម្ពុជាគឺមានក្រុមហ៊ុនបារាំងប្រមាណ ៤០០ ក្រុមហ៊ុនកំពុងវិនិយោគនៅទីនេះ ហើយក្រុមហ៊ុនទាំងនោះពិតជាមានសេចក្ដីរីករាយយ៉ាងខ្លាំង ចំពោះជោគជ័យនៃការចាក់ស្រោចវ៉ាក់សាំងការបើកដំណើរការប្រទេសឱ្យមានរំហូរឡើងវិញទាំងការហោះហើរ ទាំងសេដ្ឋកិច្ច ទាំងដំណើរការពាណិជ្ជកម្ម។
នៅក្នុងឱកាសនោះលោកឯកអគ្គរដ្ឋទូត បានគោរពថ្លែងអំណរគុណយ៉ាងជ្រាលជ្រៅបំផុតជូនចំពោះសម្តេចតេជោនាយករដ្ឋមន្រ្តីដែលបានអនុញ្ញាតឱ្យលោកបានជួបសម្ដែងការគួរសមនៅមុន ១ ថ្ងៃ នៃកិច្ចប្រជុំកំពូល អាស៊ី-អ៊ឺរ៉ុប។ លោកទូតបានជម្រាបជូនសម្តេចតេជោថា លោក ម៉ានុយអ៊ែល ម៉ាក្រុង ប្រធានាធិបតីបារាំង នឹងអញ្ជើញចូលរួមក្នុងកិច្ចប្រជុំអាប្រជុំកំពូល អាស៊ី-អ៊ឺរ៉ុប នាពេលខាងមុខ។ ដោយឡែកនៅឆ្នាំក្រោយនេះ កម្ពុជានឹងធ្វើជាប្រធានអាស៊ាន ខណៈបារាំងនឹងធ្វើជាប្រធានប្ដូរវេនសហគមន៍អ៊ឺរ៉ុប ក្នុងន័យនេះលោក ហ្សាក់ ប៉ឺឡេ មានប្រសាសន៍ថា លោកនឹងជំរុញពង្រឹងកិច្ចសហប្រតិបត្តិការរវាងប្រទេសទាំងពីរផង និងរវាងអាស៊ាន និងអឺរ៉ុបផង ធ្វើយ៉ាងណាឱ្យកិច្ចសហប្រតិបតិ្តការរវាងតំបន់ទាំងពីរ ជាកិច្ចសហប្រតិបត្តិការដែលគ្មានការប្រឈមផ្ទុយទៅវិញ គឺកិច្ចសហប្រតិបត្តិការប្រកបដោយបរិយាបន្ន និងស្ថិរភាព។
ជាការឆ្លើយតប សម្ដេចតេជោនាយករដ្ឋមន្រ្តី បានសម្ដែងនូវការស្វាគមន៍ និងសម្ដែងនូវការអបអរសាទរជូនចំពោះលោក ហ្សាក់ ប៉ឺឡេ ដែលត្រូវបានតែងតាំងជាឯកអគ្គរដ្ឋទូត វិសាមញ្ញ និងពេញសមត្ថភាពប្រចាំនៅព្រះរាជាណាចក្រកម្ពុជា។ សម្តេចតេជោក៏បានថ្លែងអំណរគុណចំពោះការវាយតម្លៃនូវនយោបាយវ៉ាក់សាំងរបស់កម្ពុជា ហើយក៏បានថ្លែងអំណរគុណចំពោះការចូលរួមរបស់លោក ម៉ាក្រុង នៅក្នុងកិច្ចប្រជុំ ASEM ដែលកម្ពុជាធ្វើជាប្រធាននៅថ្ងៃស្អែកនេះ។
សម្តេចតេជោ បានយល់ស្របជាមួយលោក ហ្សាក់ ប៉ឺឡេ ចំពោះកិច្ចសហប្រតិបត្តិការទាំងទ្វេភាគី ទាំងពហុភាគី ក្នុងនោះកិច្ចសហប្រតិបត្តិការទ្វេភាគី កម្ពុជា និងបារាំង គប្បីធ្វើយ៉ាងណាជំរុញកិច្ចសហប្រតិបត្តិការឱ្យកាន់តែស៊ីជម្រៅថែមទៀតលើគ្រប់វិស័យដែលអាចធ្វើទៅបានរួមទាំងកិច្ចសហប្រតិបត្តិការនៅក្នុងក្របខណ្ឌក្រោមឆ័ត្រអន្តរជាតិ។
ពាក់ព័ន្ធនឹងកិច្ចសហប្រតិបត្តិការរវាងអាស៊ាន និងអឺរ៉ុប សម្ដេចតេជោបានយល់ស្របនឹងលោក ហ្សាក់ ប៉ឺឡេ (Jacques Pellet) គឺអាស៊ាន និងអឺរ៉ុប គប្បីសហការគ្នាជំរុញកិច្ចសហប្រតិបត្តិការលើវិស័យផ្សេងៗឱ្យបានប្រកបដោយបរិយ៉ាប័ន និងដោយស្ថិរភាព៕
អត្ថបទ៖ ណារី
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៧ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
សន្តិសុខសង្គម១៧ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ជីវិតកម្សាន្ដ៧ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ