សហគមន៍ព្រៃឈើ និងអេកូទេសទេសចរណ៍​«ចាន់សជើង»​កំពុងទាក់ទាញភ្ញៀវទេសចរ
Connect with us

ព័ត៌មានជាតិ

សហគមន៍ព្រៃឈើ និងអេកូទេសទេសចរណ៍​«ចាន់សជើង»​កំពុងទាក់ទាញភ្ញៀវទេសចរ

បានផុស

នៅ

តំបន់អេកូទេសចរណ៍ចាន់សជើង គឺជាតំបន់ព្រៃស្រោងសហគមន៍មួយដែលគ្របដណ្តប់នៅលើផ្ទៃដី៩៣ហិកតា ជាតំបន់ទេសចរណ៍ថ្មីមួយ ដែលទើបលេចរូបរាងឡើងនៅក្នុងទីរួមស្រុកសូទ្រនិគម ខេត្តសៀមរាប។​ នេះបើតាមក្រសួងទេសចរណ៍។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សហគមន៍ព្រៃឈើនេះ មានកន្លែងសក្តានុពលជាច្រើនសម្រាប់បម្រើដល់សេវាទេសចរណ៍ អាចឲ្យភ្ញៀវទេសចរជាតិ អន្តរជាតិ ដើរទស្សនា ព្រៃឈើ និងវប្បធម៌ ទំនៀមទំលាប់ប្រពៃណីរបស់ប្រជាជនក្នុងតំបន់។

ភ្ញៀវទេសចរអាចកម្សាន្តលេងមានដូចជា៖ ការជិះរទេះគោដើរលេងតាមភូមិ, ទស្សនាការធ្វើ កញ្ច្រែងល្ពាក់,ផ្តៅ ធ្វើអំបោសពីផ្កាត្រែង និងការដាំដំណាំរបស់ប្រជាជន, ការដើរទស្សនានៅលើស្ពានអាកាស ដែលមានប្រវែង៣២ម៉ែត្រ ជាកន្លែងមួយ សម្រាប់ដើរទស្សនាធនធានធម្មជាតិ ព្រៃស្រោង និងពាក់កណ្តាលស្រោង ផ្កាព្រៃ សត្វព្រៃ។ ម្យ៉ាងវិញទៀត ភ្ញៀវជាតិ និងអន្តរជាតិ អាចធ្វើការបោះជំរុំនៅពេលយប់ ដើម្បីស្តាប់សំឡេងសត្វច្រៀងនាពេលរាត្រីបានផងដែរ។

លើសពីនេះទៀត សហគមន៍មានបម្រើអាហារសម្រាប់ភ្ញៀវជាតិនិងអន្តរជាតិជាមួយមុខម្ហូប ធ្វើដោយបងប្អូនសហគមន៍ផ្ទាល់។ ភ្ញៀវទេសចរ ដែលមកកម្សាន្តនៅទីនេះ អាចចូលរួមចំណែកក្នុងការជួយសហគមន៍តាមរយៈការមកទស្សនា ឬទិញផលិតផលដែលផលិតដោយប្រជាជនផ្ទាល់ផងដែរ។

សូមបញ្ជាក់ថា តំបន់អេកូទេសចរណ៍ចាន់សជើង មានទីតាំងស្ថិតនៅភូមិចាន់សជើង ឃុំចាន់ស ស្រុកសូទ្រនិគម ខេត្តសៀមរាប៕ អត្ថបទ៖ ទួន សុផល

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម