ព័ត៌មានជាតិ
របរលក់ដូងផ្តល់ចំណូលខ្ទង់ ៣០ម៉ឺនរៀល១ថ្ងៃ ដល់អាជីវករមុខវត្តដីដុះក្រុងកំពង់ចាម
កំពង់ចាម ៖ អាជីវករលក់ផ្លែដូងនៅមុខវត្តដីដុះ ក្រុងកំពង់ចាម បានលើកឡើងថា បន្ទាប់ពីជំងឺកូវីដ-១៩ មានសភាពធូរស្បើយ ការលក់ដូរចាប់ផ្តើមល្អប្រសើរ អាចរកចំណូលបានគ្រាន់បើជាងមុន។
អ្នកស្រី អ៊ឹង ចិន្តា អ្នកលក់ផ្លែដូងនៅមុខវត្តដីដុះ ក្រុងកំពង់ចាម បានឲ្យដឹងថា សព្វថ្ងៃនេះរបរលក់ដូងរបស់អ្នកស្រី អាចរកចំណូលបានគួរសមឡើងវិញ បើធៀបនឹងកាលកូវីដកំពុងផ្ទុះខ្លាំង។ ក្នុង១ថ្ងៃអ្នកស្រី ចិន្តា អាចលក់ដូងបានចំនួនពី ១០០ផ្លែ ទៅ ២០០ផ្លែ ផ្ទុយពីកាលកំពុងផ្ទុះជំងឺកូវីដ-១៩ លក់បានចំនួនត្រឹមតែ ២០ទៅ ៣០ផ្លែប៉ុណ្ណោះ ក្នុង១ថ្ងៃ។
អ្នកស្រី អ៊ឹង ចិន្តា បានបន្តថា ចំនួននៃការលក់នេះ អាចទទួលបានចំណូលខ្ទង់ ៣០ម៉ឺនរៀលក្នុង១ថ្ងៃ សម្រាប់ផ្គត់ផ្គង់ជីវភាព និងទំនុកបម្រុងដល់កូនរៀនផង។ អ្នកស្រីបញ្ជាក់ថា ដូងមួយផ្លែលក់ក្នុងតម្លៃ ៣,០០០រៀល ហើយដូងទាំងនេះ ឈ្មួញកណ្តាលនាំយកមកពីតំបន់ផ្សេងៗក្នុងខេត្តកំពង់ចាមខ្លះ និងយកមកពីខេត្តផ្សេងៗខ្លះ។
ដូចគ្នានេះដែរ អ្នកលក់ដូងដទៃទៀត នៅតំបន់នេះ ក៏លក់ចេញ និងរកចំណូលបានប្រហាក់ប្រហែលនិងអ្នកស្រី អ៊ឹង ចិន្តា ផងដែរ។
អាជីពនេះ បើទោះជាមើលទៅមិនសូវសម ប៉ុន្តែអាចរកចំណូលបានគួរសម ដើម្បីចិញ្ចឹមជីវិត ជាជាងការចំណាកស្រុក ធ្វើការនៅក្រៅប្រទេសចាកឆ្ងាយពីស្រុកកំណើត សាច់ញាតិបងប្អូន។ ដូង គឺជាផ្លែឈើ ដែលមានសារសំខាន់សម្រាប់សុខ ពិសេសទឹករបស់វា។ ទឹកដូង ជាកំពូលភេសជ្ជៈសុខភាព លាក់គុណប្រយោជន៍ច្រើន។
អ្នកជំនាញសុខភាពអះអាងថា សាច់ និងទឹកដូង គឺសម្បូរទៅដោយជាតិសរសៃ ប្រូតេអ៊ីន កាបូអ៊ីដ្រាត វីតាមីន និងរ៉ែ ដែលសុទ្ធតែជួយដល់ដំណើរការរាងកាយរបស់យើង៕
អត្ថបទ និងរូបភាព៖ ហុង ម៉េងហៀ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១១ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ