ព័ត៌មានជាតិ
ប្រមុខការទូតកម្ពុជា និងមីយ៉ាន់ម៉ា ឯកភាពបង្កើនកិច្ចសហប្រតិបត្តិការលើវិស័យពាណិជ្ជកម្ម និងការផ្លាស់ប្តូរប្រជាជន
នៅក្នុងជំនួបពិភាក្សារវាងលោកឧបនាយករដ្ឋមន្ត្រី ប្រាក់ សុខុន រដ្ឋមន្ត្រីការបរទេស និងសហប្រតិបត្តិការអន្តរជាតិ នៃព្រះរាជាណាចក្រកម្ពុជា ជាមួយលោក វុនណា ម៉ោងល្វីន (Wunna Maung Lwin) រដ្ឋមន្ត្រីការបរទេស នៃសាធារណរដ្ឋសហភាពមីយ៉ាន់ម៉ា នាថ្ងៃនេះ ភាគីទាំងពីរបានឯកភាពបង្កើនកិច្ចសហប្រតិបត្តិការលើវិស័យនានាដូចជា ពាណិជ្ជកម្ម សេដ្ឋកិច្ច ការផ្លាស់ប្តូររវាងប្រជាជន និងប្រជាជន ក៏ដូចជាកិច្ចសហប្រតិបត្តិការលើវេទិកាពហុភាគីផងដែរ។
តាមលទ្ធផលជំនួប ដែលផ្សព្វផ្សាយដោយក្រសួងការបរទេសនាល្ងាចនេះបានឲ្យដឹងថា ក្នុងជំនួបនោះ ភាគីទាំងពីរបានពិភាក្សាគ្នាដោយផ្តោតសំខាន់ទៅលើបញ្ហាអាស៊ាន ក៏ដូចជាកិច្ចសហប្រតិបត្តិការទ្វេភាគី។ នៅក្នុងជំនួបនោះ លោករដ្ឋមន្ត្រីការបរទេសមីយ៉ាន់ម៉ា ក៏បានអបអរសាទរកម្ពុជា ក្នុងនាមជាប្រធានអាស៊ាននៅឆ្នាំ២០២២ផងដែរ។ ទន្ទឹមនឹងការវាយតម្លៃខ្ពស់ចំពោះលទ្ធផល នៃកិច្ចប្រជុំមេដឹកនាំអាស៊ានកាលពីខែមេសា ឆ្នាំ២០២១ មីយ៉ាន់ម៉ាទន្ទឹងរង់ចាំស្វាគមន៍ និងធ្វើការសម្របសម្រួលជាមួយប្រេសិតពិសេសរបស់ប្រធានអាស៊ាន ដើម្បីអនុវត្តនូវការព្រមព្រៀងជាឯកច្ឆន្ទ៥ចំណុច រួមទាំងការធ្វើឲ្យកាន់តែប្រសើរថែមទៀត នូវដំណើរការផ្តល់ជំនួយមនុស្សធម៌។
ទាក់ទងកិច្ចខិតខំប្រឹងប្រែងរួមគ្នា ដើម្បីប្រយុទ្ធប្រឆាំងនឹងជំងឺកូវីដ-១៩ លោក វុនណា ម៉ោងល្វីន បានថ្លែងអំណរគុណជំនួយជាថវិកា និងសម្ភារៈ ដែលកម្ពុជាបានផ្តល់យ៉ាងទាន់ពេលវេលា ដើម្បីរួមចំណែកដល់កិច្ចខិតខំប្រឹងប្រែងរបស់ប្រទេសមីយ៉ាន់ម៉ា ក្នុងការគ្រប់គ្រង និងកាត់បន្ថយផលប៉ះពាល់ធ្ងន់ធ្ងរពីជំងឺកូវីដ-១៩។
លោកឧបនាយករដ្ឋមន្ដ្រី បានថ្លែងអំណរគុណដល់មីយ៉ាន់ម៉ា ដែលបានផ្តល់ការចាក់វ៉ាក់សាំងការពារជំងឺកូវីដ-១៩ ដល់ប្រជាពលរដ្ឋកម្ពុជា ដែលកំពុងរស់នៅប្រទេសមីយ៉ាន់ម៉ា និងឲ្យមីយ៉ាន់ម៉ា បន្តផ្តល់ជំនួយចាំបាច់នានាសម្រាប់ការស្នាក់នៅរបស់ពួកគាត់។
សូមបញ្ជាក់ថា តបតាមការអញ្ជើញរបស់លោកឧបនាយករដ្ឋមន្ត្រី ប្រាក់ សុខុន រដ្ឋមន្ត្រីការបរទេស និងសហប្រតិបត្តិការអន្តរជាតិ នៃព្រះរាជាណាចក្រកម្ពុជា លោក វុនណា ម៉ោងល្វីន (Wunna Maung Lwin) រដ្ឋមន្ត្រីការបរទេស នៃសាធារណរដ្ឋសហភាពមីយ៉ាន់ម៉ា បានអញ្ជើញមកបំពេញទស្សនកិច្ចការងារនៅព្រះរាជាណាចក្រកម្ពុជា រយៈពេល២ថ្ងៃ ដោយចាប់ពីថ្ងៃទី០៦ ដល់ថ្ងៃទី០៧ ខែធ្នូ ឆ្នាំ២០២១។
ក្នុងដំណើរទស្សនកិច្ចនេះ លោក វុនណា ម៉ោងល្វីន បានចូលជួបសម្តែងការគួរសមចំពោះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ដោយក្នុងឱកាសនោះមានការផ្លាស់ប្តូរទស្សនៈគ្នាយ៉ាងទូលំទូលាយអំពីទំនាក់ទំនងទ្វេភាគី និងការវិវត្តនៃស្ថានការណ៍ក្នុងតំបន់នាពេលថ្មីៗនេះ។
ជាមួយគ្នានេះដែរ ក៏មានការពិភាក្សាដោយត្រង់ទៅត្រង់មក អំពីវិធីដើម្បីគាំទ្រដល់កិច្ចប្រឹងប្រែងក្នុងការដោះស្រាយវិបត្តិមីយ៉ាន់ម៉ា ក៏ដូចជាការពង្រឹងមជ្ឈភាព និងសាមគ្គីភាពអាស៊ាន។ សម្តេចតេជោនាយករដ្ឋមន្ត្រី បានយល់ព្រមទទួលការអញ្ជើញទៅបំពេញទស្សនកិច្ចនៅមីយ៉ាន់ម៉ា នៅថ្ងៃទី០៧-០៨ ខែមករា ឆ្នាំ២០២២ ខាងមុខ៕
ដោយ ៖ កោះកែវ
U-16 កម្ពុជា កំពុងសំងំធ្វើតេស្តកីឡាករ ២៧នាក់ ដើម្បីត្រៀមចេញទៅប្រកួតពានយុវជននៅឥណ្ឌូនេស៊ី
លេចមុខអ្នកចាត់ការផ្ទាល់ខ្លួន Aum patcharapa ចូលរួមក្នុងពិធីមង្គលលការ Weir-Vicki
អាជ្ញាធរស្រុកគិរីសាគរ បន្តបំផុសស្មារតីដល់ពលរដ្ឋ និងអ្នកទេសចរទុកសំរាមឱ្យត្រឹមត្រូវ
អ្នកឧកញ៉ា គួច ម៉េងលី បន្តពង្រីកអគារសិក្សាថ្មីនៅសៀមរាប រួមចំណែកពង្រឹងវិស័យអប់រំនៅកម្ពុជា
លម្អិតឈុតអាពាហ៍ពិពាហ៍ ៤ ឈុត នៃគូស្នេហ៍ Weir-Vicki មានតម្លៃរាប់ម៉ឺនដុល្លារ
(មានសំឡេង) ខ្ញុំឃើញភ្ញៀវរត់ចេញប្រសាច ស្ថានការណ៍ក្លាយជាច្របូកច្របល់ ពួកយើងភាន់ភាំង…
មកស្គាល់សាលាកូនអ្នកមានទាំង ៥ នៅភ្នំពេញ មួយឆ្នាំបង់លុយរៀនខ្ទង់ម៉ឺនដុល្លារ ទើបទៅរួច
ដំណឹងដ៏រំភើប! កម្ពុជា នឹងទទួលបានវ៉ាក់សាំងកូវីដពី UNICEF
ដំណឹងល្អ! កម្ពុជានិងប្រទេសអាស៊ីអាគ្នេយ៍៥ទៀតនឹងទទួលបានវ៉ាក់សាំងកូវីដ
ឃាត់ខ្លួនជនដៃដល់ដែលបាញ់ប្រហារស្រ្តីម្នាក់នៅខេត្តសៀមរាប
-
ជីវិតកម្សាន្ដ២ ថ្ងៃ មុនWeir ដឹកដៃ Vicky និងម្តាយទៅធ្វើបុណ្យ មុនថ្ងៃអាពាហ៍ពិពាហ៍ជិតមកដល់
-
ជីវិតកម្សាន្ដ៧ ថ្ងៃ មុនមុនសម្រេចចិត្តរៀបការ Weir Sukolwat ធ្លាប់ជំពាក់ស្នេហ៍ លើតារាស្រី ៥ ដួងនេះ
-
ជីវិតកម្សាន្ដ៤ ថ្ងៃ មុនកៀកថ្ងៃរៀបការ អនាគតកូនក្រមុំ Vicki ដាក់ Pre Wedding មួយសន្លឹក អមខេបសិនមិនធម្មតា
-
ជីវិតកម្សាន្ដ៥ ថ្ងៃ មុនសំបុត្រអាពាហ៍ពិពាហ៍ Weir-Vicky សាមញ្ញខ្លាំង តែបង្កប់អត្ថន័យមិនធម្មតាឡើយ
-
ជីវិតកម្សាន្ដ៤ ថ្ងៃ មុនយឺតជាងគេបន្ដិចមែន តែ អ៊ិន លក្ខិណា បានធ្វើយ៉ាងល្អក្នុងវគ្គប្រកួតបឋម នៅ Miss Supranational យប់មិញនេះ
-
ជីវិតកម្សាន្ដ១ ថ្ងៃ មុនចូលរោងការស្អែក កូនក្រមុំ Weir បញ្ចេញរូប Pre-Wedding បន្ថែម
-
ជីវិតកម្សាន្ដ១០ ម៉ោង មុនរំលេចទិដ្ឋភាព Weir កាន់ដៃកូនក្រមុំចូលរោងការយ៉ាងកក់ក្តៅ (មានវីដេអូ)
-
ជីវិតកម្សាន្ដ៣ ថ្ងៃ មុនផ្អែមលើសមុន Weir លុតជង្គង់សុំ Vicki រៀបការកណ្ដាលបរិយាកាសរ៉ូមែនទិកនិងសាមញ្ញបំផុត