ព័ត៌មានជាតិ
សម្ដេចតេជោ ហ៊ុន សែន មិនចាប់អារម្មណ៍ឡើយ ចំពោះការដាក់ទណ្ឌកម្មលើជនជាតិខ្មែរ ពីបរទេសមួយចំនួន
សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានលើកឡើងថា ការដាក់ទណ្ឌកម្មលើជនជាតិខ្មែរ ដោយបង្កកទ្រព្យសម្បត្តិនៅក្រៅប្រទេស ពីសំណាក់បណ្ដាប្រទេសមួយចំនួននោះ គឺមិនមានអ្វីគួរឲ្យភ្ញាក់ផ្អើលនោះទេ ក៏ព្រោះតែមន្ត្រីរបស់កម្ពុជាទាំងនោះ រួមទាំងសម្ដេចផង ពុំមានទ្រព្យសម្បត្តិនៅក្រៅប្រទេសនោះឡើយ។
ក្នុងពិធីចុះត្រួតពិនិត្យ ការដ្ឋានសាងសង់ព្រលានយន្តហោះអន្តរជាតិភ្នំពេញថ្មី ស្ថិតនៅឃុំព្រែកស្លែង ស្រុកកណ្តាលស្ទឹង ខេត្តកណ្តាល នាព្រឹកថ្ងៃទី ៩ ខែធ្នូនេះ សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានថ្លែងថា មានបរទេសខ្លះ បានដាក់ទណ្ឌកម្មបង្កកទ្រព្យសម្បត្តិ របស់ជនជាតិខ្មែរ ជាពិសេសមន្ត្រីមួយចំនួន តែសម្ដេចបានបញ្ជាក់ថា ជនជាតិខ្មែរ ដែលពួកគេដាក់ទណ្ឌកម្មនោះ គឺមិនមានទ្រព្យសម្បត្តិនៅទីនោះឡើយ។

សម្ដេចតេជោនាយករដ្ឋមន្ត្រី បានថ្លែងថា «អញ្ចឹងបានជាបរទេសខ្លះ អារឿងដាក់ទណ្ឌកម្មលើខ្មែរ ដកទ្រព្យសម្បត្តិ ស្អីសញ្ជាតិខ្មែរនៅប្រទេសរបស់ខ្លួន អញ្ចឹងដកផេះអី ខ្ញុំសួរ ដកផេះអី បើពួកអស់ទាំងហ្នឹង វាអត់ដែលមានទ្រព្យសម្បត្តិ នៅក្នុងប្រទេសហ្នឹងផងនោះ ទោះបីប្រកាស ៥០០ដងទៀត ហើយចាំ ៥០០ជាតិទៀត ក៏ពួកហ្នឹងវាអត់មានលុយនៅហ្នឹងដែរៗ ដាក់ហ្នឹងវាគ្រាន់តែជាសញ្ញានយោបាយតែប៉ុណ្ណឹងទេ»។
សម្ដេចតេជោ ហ៊ុន សែន បានថ្លែងបន្តថា បើទោះជាដាក់ទណ្ឌកម្ម មកលើសម្ដេចក៏ដោយ ក៏សម្ដេចមិនខ្វល់នោះដែរ ក៏ព្រោះតែសម្ដេចមិនមានទ្រព្យសម្បត្តិ នៅក្រៅប្រទេសនោះឡើយ។ សម្ដេចតេជោ ហ៊ុន សែន បានលើកឡើងថា «ប៉ុន្តែប្រយ័ត្នរឹបចុះ រឹបឡើង ប៉ះសញ្ជាតិខ្លួនឯង ព្រោះខ្មែរខ្លះសញ្ជាតិបារាំង ខ្មែរខ្លះសញ្ជាតិអាមេរិក ខ្មែរខ្លះសញ្ជាតិអូស្ត្រាលី ហើយបើរឹបអូស រឹបអូសពលរដ្ឋខ្លួនឯង គ្រាន់តែនេះ ដើមកំណើតខ្មែរ រឹបអូសទៅ បើល្ងង់ណាស់ ធ្វើទៅ ខ្ញុំអត់ខ្វល់អារឿងស្អីច្បាប់ស្អី អំពីលទ្ធិប្រជាធិបតេយ្យអី នឹងរឹបអូសទ្រព្យសម្បត្តិស្អីៗ ខ្ញុំបន់ឲ្យវាចេញមកឲ្យស្រូតទៀតនោះ»៕
អត្ថបទ៖ ឃួន សុភ័ក្រ

-
ព័ត៌មានអន្ដរជាតិ៣ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៤ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៦ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៣ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៦ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ១ សប្តាហ៍ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម៣ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម២ ថ្ងៃ ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ