ព័ត៌មានជាតិ
លោកស្រី ឱ វណ្ណឌីន៖ អាចនឹងមានការចាក់វ៉ាក់សាំងកូវីដ-១៩ ដល់ដូសទី៥
លោកស្រី ឱ វណ្ណឌីន រដ្ឋលេខាធិការក្រសួងសុខាភិបាល និងជាប្រធានគណៈកម្មការចំពោះកិច្ចចាក់វ៉ាក់សាំងកូវីដ-១៩ នៅ ថ្ងៃទី ៩ ខែធ្នូ ឆ្នាំ ២០២១ នេះមានប្រសាសន៍ថា មិនត្រឹមតែចាក់វ៉ាក់សាំងកូវីដ-១៩ ដូសទី៤ទេ គឺអាចនឹងចាក់ដល់ដូសទី៥ ដែលប្រហែលជាដូសទី៤ត្រូវចាក់នៅ ឆ្នាំ២០២២ សម្រាប់អ្នកដែលបានចាក់ដូសទី៣ បានរយៈពេលអាចពី៦ខែទៅ ១ឆ្នាំ តែចំណុចនេះត្រូវមានភាពច្បាស់លាស់នៅ ពេលណាមានភាពបកស្រាយ ឬការសិក្សាអ្វីបន្ថែមទៀត។
លោកស្រីវេជ្ជបណ្ឌិត ឱ វណ្ណឌីន មានប្រសាសន៍បញ្ជាក់ថា៖ “ប៉ុន្តែចំណុច១ដែលខ្ញុំគិតថា ប្រាកដ ការចាក់វ៉ាក់សាំងដូសទី៤ នឹងត្រូវចាក់ហើយ គ្រាន់តែមិនទាន់ដឹងថា ចាក់នៅ ថ្ងៃណា ហើយក្រោយពីដូសទី៤ទៅ ដូសទី៥ នឹងមាន ប្រសិនបើមានការលើកឡើងថា ៦ខែត្រូវចាក់វ៉ាក់សាំងកូវីដ ១៩ម្ដង ឬក៏១ឆ្នាំត្រូវចាក់ម្ដង។ គេកំពុងសិក្សា”។
រដ្ឋលេខាធិការក្រសួងសុខាភិបាល ខាងលើ បានបញ្ជាក់បន្ថែមថា ទោះបី ៦ខែចាក់ម្ដង ឬ១ឆ្នាំចាក់ម្ដង ក៏ត្រូវតែចាក់ ដូចចាក់វ៉ាក់សាំងផ្ដាសាយធម្មតា ដែលគេត្រូវចាក់១ឆ្នាំម្ដង។
ប្រធានគណៈកម្មការចំពោះកិច្ចចាក់វ៉ាក់សាំងកូវីដ-១៩ ដដែលនេះ មានប្រសាសន៍ថា ក្រសួងសុខាភិបាល បានផ្ដល់ឱកាសដល់វិស័យឯកជនដើម្បីផ្ដល់សេវាចាក់វ៉ាក់សាំងកូវីដ១៩នេះដែរ ដែលប្រជាពលរដ្ឋមានជម្រើសស្វែងរកសេវាចាក់វ៉ាក់សាំងកូវីដ១៩ នៅ ពេលណាវិស័យឯកជនអនុវត្តតាមការណែនាំរបស់ក្រសួងសុខាភិបាល និងមានការរក្សាទុកដាក់វ៉ាក់សាំងតាមបច្ចេកទេសត្រឹមត្រូវ។
គួរបញ្ជាក់ថា គិតត្រឹមថ្ងៃទី០៨ ខែឆ្នូ ឆ្នាំ២០២១ តាមកំណើនអត្រាចាក់វ៉ាក់សាំងកូវីដ-១៩ នៅ កម្ពុជា លើប្រជាជនអាយុពី ១៨ ឆ្នាំឡើង មាន ១០១,១៣% ធៀបជាមួយចំនួនប្រជាជនគោលដៅ ១០លាននាក់។ លើកុមារ-យុវវ័យអាយុពី ១២ឆ្នាំ ទៅ ក្រោម ១៨ ឆ្នាំ មាន ៩៨,៨៧% ធៀបជាមួយចំនួនប្រជាជនគោលដៅ ១ ៨២៧ ៣៤៨ នាក់។ លើកុមារអាយុពី ០៦ ឆ្នាំ ដល់ក្រោម ១២ ឆ្នាំ មាន ១០៤,៧៤ % ធៀបជាមួយនឹងប្រជាជនគោលដៅ ១ ៨៩៧ ៣៨២ នាក់។ លើកុមារអាយុ ០៥ ឆ្នាំ មាន ៩២,៩១% ធៀបជាមួយនឹងប្រជាជនគោលដៅ ៣០៤ ៣១៧ នាក់។ លទ្ធផលចាក់វ៉ាក់សាំងធៀបនឹងចំនួនប្រជាជនសរុប ១៦លាន នាក់ មាន ៨៨,៦៩%៕
អត្ថបទ៖ ច័ន្ទ វីរៈ
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៣ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ