អាជ្ញាធរ​ខេត្ត ទុកពេល ២ថ្ងៃ​ ឱ្យម្ចាស់ផ្ទះ​ ៤ គ្រួសារ​ទៀត ប្រញាប់រុះរើ ចេញពីផ្ទះល្វែងទ្រុឌទ្រោម

ក្រុមការងារចម្រុះខេត្តដឹកនាំដោយលោក សាន់ យូ អភិបាលរងខេត្តកំពង់ឆ្នាំង នៅ ល្ងាចថ្ងៃទី​ ១៤ ខែធ្នូ ឆ្នាំ២០២១ បានប្រកាសទុកពេល ២ ថ្ងៃឱ្យម្ចាស់ផ្ទះ ៤ គ្រួសារទៀតដែលរស់នៅ ក្នុងសំណង់ចាស់ទ្រុឌទ្រោមទាំង ១៣ ល្វែង មិនទាន់រុះរើចេញ ប្រញាប់រុះរើចេញ ព្រោះតែខ្លាច​សំណង់​នេះដែលមានអាយុកាល ៩០ឆ្នាំហើយនោះរលំបាក់ខូចខាតដល់ទ្រព្យសម្បត្តិ និងអាយុជីវិត។ ប៉ុន្តែបើហួសកាលកំណត់ ២ថ្ងៃបន្ទាប់នេះ អាជ្ញាធរមានសមត្ថកិច្ច និងចាត់វិធានការរដ្ឋបាលតាម ផ្លូវច្បាប់មិនលើកលែងឡើយ។

លោក សាន់ យូ បានឲ្យដឹងថា កន្លងមកអាជ្ញាធរក្រុង និងខេត្តព្រមទាំងក្រសួងពាក់ព័ន្ធ បានចេញ​លិខិតជូនដំណឹងឱ្យប្រជាពលរដ្ឋទាំង ១២ គ្រួសាររស់នៅ លើផ្ទះ១៣ល្វែង​នេះចាកចេញពីសំណង់​ដែលទ្រុឌ ទ្រោមនេះ ដែលការជូនដំណឹងមក ដល់ពេលនេះមានរយៈពេល៣ឆ្នាំហើយ​ទើបពួកគាត់​ព្រមចាកចេញ។

ទន្ទឹមនេះដែរ អាជ្ញាធរខេត្តសំណូមពរឲ្យប្រជាពលរដ្ឋជាម្ចាស់ ផ្ទះ១៣ ល្វែង ចំនួន១២ គ្រួសារធ្វើ​លិខិត​រួមគ្នាមួយ ដើម្បីសុំច្បាប់វាយកំទេចសំណង់ទ្រុឌទ្រោមនេះចោល។ ដោយរដ្ឋបាលខេត្តថា នឹងជួយសម្រួលចេញច្បាប់វាយកំទេចសំណង់នេះចោលឱ្យបានលឿន។

ការងារបន្ទាប់នោះ គឺប្រជាពលរដ្ឋជាម្ចាស់ផ្ទះទាំ ង១៣ល្វែងនេះ ត្រូវធ្វើលិខិតសុំ ច្បាប់សាងសង់ផ្ទះលែ្វងនេះឡើង វិញ ដែលរដ្ឋបាលខេត្តថានឹងជួយសម្រួលក្នុងការជួយគូរប្លង់និងចេ ញច្បាប់សាងសង់នេះឲ្យបានលឿនផងដែរ។

នៅ ល្ងាច ថ្ងៃទី១៤ ខែធ្នូនេះ ចំពោះម្ចាស់ផ្ទះល្វែងចំនួន ៩ ផ្ទះ ដែលបានចាកចេញហើយនោះក្រុមការងារចម្រុះបានទិញសោយកមកចាក់បិទទ្វារផ្ទះទាំងអស់នោះ ដោយមិនអនុញ្ញាតឲ្យអ្នកណាចេញចូលទៀតឡើយ។ ហើយក៏បា នចងខ្សែព័ទ្ធពីមុខផ្ទះ និងដាក់ស្លាកសញ្ញា សំណង់គ្រោះថ្នាក់ផងដែរ ដើម្បីទប់ស្កាត់គ្រោះថ្នាក់ជាយថា ហេតុ ព្រោះតែខ្លាចសំណង់ដ៏ទ្រុឌ ទ្រោមខាងលើនេះរលំបាក់៕

ឈៀងថារិទ្ធ