ព័ត៌មានជាតិ
នាយកខុទ្ទកាល័យ សម្តេច ហ៊ុន សែន ស្នើសមត្ថកិច្ចចាត់វិធានការអ្នកយកឈ្មោះលោកទៅកាងរឿងវិវាទដីធ្លី
លោក ហូ សិទ្ធី នាយកខុទ្ទកាល័យ សម្តេច ហ៊ុន សែន បានស្នើឱ្យសមត្ថកិច្ចចាត់វិធានការតាមច្បាប់ចំពោះជនដែលបានយកឈ្មោះរបស់លោកទៅកាងរឿងវិវាទដីធ្លីមួយករណីនៅក្រុង សែនមនោរម្យ ខេត្តមណ្ឌលគិរី។ នេះ បើយោងតាមលិខិតបំភ្លឺរបស់លោកជូនចំពោះសាធារជននៅថ្ងៃទី១៧ ខែធ្នូ ឆ្នាំ២០២១នេះ។
ក្នុងលិខិតនេះ លោកហូ សិទ្ធី បានសរសេរថា៖ «ខ្ញុំបាទឈ្មោះ ហូ សិទ្ធី មានតួនាទី ជានាយកខុទ្ទកាល័យសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ដ្រីនៃព្រះរាជាណាចកម្ពុជា សូមធ្វើការបំភ្លឺជូនសាធារណមតិ ជាពិសេស ប្រព័ន្ធបណ្តាញសង្គមហ្វេសប៊ុកថា នៅព្រឹកថ្ងៃទី១៧ខែធ្នូ ឆ្នាំ២០២១នេះ ចន្លោះម៉ោង ៧ ដល់ម៉ោង ៨ព្រឹក ខ្ញុំបាទ មានការភ្ញាក់ផ្អើលដោយបានឃើញលើទំព័ ហ្វេសប៊ុកឈ្មោះ ផែង វណ្ណៈ ដែលបានសរសេរអំពីរឿងវិវាទដីធ្លីមួយករណីនៅក្រុងសែនមនោរម្យ ខេត្តមណ្ឌលគិរី ដោយនិយាយថា ឈ្មោះ ទៀង សុថា ប្រធានតុលាការខេត្តមណ្ឌលមណ្ឌលគីរី ដែលជាចៅក្រមកាន់សំណុំរឿង បានយកឈ្មោះខ្ញុំបាន ទៅដាក់ការគៀបសង្កត់បង្ខំឲ្យម្ចាស់ដី ដែលមានរឿងចែកដីទៅឲ្យបក្ខពួករបស់ខ្លួនឈ្មោះ ស្រេង វុទ្ធា ព្រះរាជអាជ្ញារង ខេត្តសៀមរាប ដើម្បីជាថ្នូរ និងការបញ្ចប់រឿង និងដោះលែង មានសេរីភាពវិញ»។
លោក បានបញ្ជាក់ថា លោកមិនដែលស្គាល់មុខមាត់ និងឈ្មោះ ទៀង សុថា ឬស្រេង វុទ្ធា ហើយក៏មិនដឹង ថាម្ចាស់ដីដែលត្រូវជាចោទនោះ ឈ្មោះអ្វីផងដែរទេ។ លោក បានបន្តទៀតថា លោកមានការស្អប់ខ្ពើមបំផុតចំពោះមនុស្សទុច្ចរិត និងស្មោកគ្រោកដែលប្រព្រឹត្តនូវអំពើថោកទាប ដោយ បង្កូចកេរ្ដិ៍ឈ្មោះរបស់មនុស្សដែលគេមិនទាំងដែលស្គាល់ខ្លួនទៀតផង និងសូមថ្កោលទោសយ៉ាងដាច់អហង្ការ ចំពោះអ្នកទាំងនេះ។ ជាមួយគ្នានេះ លោក ហូ សិទ្ធី ក៏បានស្នើឲ្យអាជ្ញាធរមានសមត្ថកិច្ច ចាត់វិធានការតាមច្បាប់ជាធរមានចំពោះមនុស្សបែបនេះឲ្យបានម៉ឺងម៉ាត់៕
អត្ថបទ ៖ សំអឿន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ