ព័ត៌មានជាតិ
ជនត្រូវចោទ ២នាក់ ពាក់ព័ន្ធនឹងការកាន់កាប់ដីព្រៃលិចទឹក នៅតំបន់៣ ត្រូវតុលាការចេញដីកាឲ្យឃុំខ្លួន
ចៅក្រមស៊ើបសួរ នៃសាលាដំបូងរាជធានីភ្នំពេញ បានចេញដីកាបង្គាប់ឲ្យឃុំខ្លួនចំនួន ២ ដាច់ដោយឡែកពីគ្នា ឲ្យភ្នាក់ ងារសមត្ថកិច្ចនៃកងកម្លាំងសាធារណៈ ធ្វើការឃុំខ្លួនជនត្រូវចោទឈ្មោះ ស៊ុំ សុជាតិ ស្នងការរងនគរបាលខេត្តកំពង់ឆ្នាំង និងឈ្មោះ កែវ ណារុន ប្រធានការិយាល័យអន្ដរាគមន៍ និងតម្រួតបទបញ្ជា នៃស្នងការដ្ឋាននគរបាលខេត្ដកំពង់ឆ្នាំង ពាក់ព័ន្ធការកាន់កាប់ដីព្រៃលិចទឹក នៅតំបន់៣ ក្នុងខេត្តកំពង់ឆ្នាំង។
យោងតាមដីកាទី១. ចេញដោយលោក កូយ សៅ អនុប្រធានសាលាដំបូងរាជធានីភ្នំពេញ និងជាចៅក្រមស៊ើបសួរ បានឲ្យដឹងថា ឈ្មោះ ស៊ុំ សុជាតិ ឈ្មោះហៅក្រៅ ណុយ ភេទប្រុស អាយុ ៥១ឆ្នាំ សញ្ជាតិខ្មែរ មុខរបរស្នងការរង នៃស្នងការនគរបាលខេត្តកំពង់ឆ្នាំង ត្រូវបានចោទប្រកាន់ពីបទបំផ្លាញ និងគៃបំបាត់ បទ ហ៊ុមព័ន្ធកាន់កាប់ដីព្រៃលិចទឹក បទ មិនប្រកាសទ្រព្យសម្បត្តិ និងបំណុល បទ សម្អាតប្រាក់ ប្រព្រឹត្តនៅចំណុចដែនព្រៃលិចទឹក នៃតំបន់៣ នៃបឹងទន្លេសាប ក្នុងភូមិសាស្រ្ដភូមិកង្កែប និងភូមិធ្លក ឃុំច្រណូក ស្រុកកំពង់លែង ខេត្តកំពង់ឆ្នាំង កាលពីអំឡុងឆ្នាំ ២០១៧ ដល់ឆ្នាំ ២០ ២១ ជាបទល្មើសព្រហ្មទណ្ឌ និងផ្ដន្ទាទោសតាមបញ្ញត្តិមាត្រា ៦០៨ នៃក្រមព្រហ្មទណ្ឌ និងមាត្រា ៩៨ នៃច្បាប់ ស្ដីពី ជលផល និងមាត្រា ៣២, មាត្រា ៣៨ នៃច្បាប់ស្ដីពី ការប្រឆាំងអំពើពុករលួយ និងមាត្រា ៣ថ្មី, មាត្រា ២៩ថ្មី ១ នៃច្បាប់ ស្ដីពី វិសោធនកម្មច្បាប់ ស្ដីពី ការប្រឆាំងការសម្អាតប្រាក់ និងហិរញ្ញប្បទានភេរវកម្ម។
យោងតាមដីកាទី២. ចេញដោយលោក កូយ សៅ អនុប្រធានសាលាដំបូងរាជធានីភ្នំពេញ និងជាចៅក្រមស៊ើបសួរដដែល បានឲ្យដឹងដែរថា ឈ្មោះ កែវ ណារុន ភេទប្រុស អាយុ ៥៩ឆ្នាំ សញ្ជាតិខ្មែរ មុខរបរប្រធានការិយាល័យអន្តរាគមន៍ និងតម្រួតបទបញ្ជា នៃស្នងការដ្ឋាននគរបាលខេត្តកំពង់ឆ្នាំង ត្រូវបានចោទប្រកាន់ពីបទ បំផ្លាញ និងគៃបំបាត់ បទ ហ៊ុនព័ន្ធកាន់កាប់ដីព្រៃលិចទឹក និងបទ មិនប្រកាសទ្រព្យសម្បត្តិ និងបំណុល ប្រព្រឹត្តនៅចំណុចដែនព្រៃលិចទឹក នៃតំបន់៣ នៃបឹងទន្លេសាប ក្នុងភូមិសាស្រ្ដភូមិកង្កែប ឃុំច្រណូក ស្រុកកំពង់លែង ខេត្តកំពង់ឆ្នាំង កាលពីអំឡុងឆ្នាំ ២០១៧ ដល់ឆ្នាំ ២០២១ ជាបទល្មើសព្រហ្មទណ្ឌ និងផ្ដន្ទាទោសតាមបញ្ញត្តិមាត្រា ៦០៨ នៃក្រមព្រហ្មទណ្ឌ និងមាត្រា ៩៨ នៃច្បាប់ ស្ដីពី ជលផល និងមាត្រា ៣២, មាត្រា ៣៨ នៃច្បាប់ស្ដីពី ការប្រឆាំងអំពើពុករលួយ។
តាមរយៈទាំង ២ខាងលើ បានបង្គាប់ឲ្យភ្នាក់ងារមានសមត្ថកិច្ច នៃកងកម្លាំងសាធារណៈ ធ្វើការនាំខ្លួនជនត្រូវចោទឈ្មោះ ស៊ុំ សុជាតិ និងឈ្មោះ កែវ ណារុន ទៅពន្ធនាគារ ឬមណ្ឌលអប់រំកែប្រែទី ១ (ម១) ដោយអនុវត្តឲ្យបានត្រឹមត្រូវ តាមច្បាប់៕
អត្ថបទ៖ ឃួន សុភ័ក្រ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង