ព័ត៌មានជាតិ
ខេត្តកោះកុង ដាក់ឲ្យដំណើរការ អគារស្ថានីយស្រាវជ្រាវព្រៃឈើមួយកន្លែង នៅឃុំជីខលើ
អាជ្ញាធរខេត្តកោះកុង និងរដ្ឋបាលព្រៃឈើ បានរួមគ្នាដាក់ឲ្យដំណើរការជាផ្លូវការ នូវអគារស្ថានីយស្រាវជ្រាវព្រៃឈើមួយកន្លែង នៅភូមិជីខ ឃុំជីខលើ ស្រុកស្រែអំបិល ខេត្តកោះកុង ក្នុងគោលបំណងដើម្បីរៀបចំឲ្យមានប្រព័ន្ធ អេកូឡូស៊ីព្រៃឈើ ដែលធន់ទៅនឹងការប្រែប្រួលអាកាសធាតុ ប្រកបដោយនិរន្តរភាព។
ការដាក់ឲ្យដំណើរការប្រើប្រាស់ជាផ្លូវការ ស្ថានីយស្រាវជ្រាវព្រៃឈើនេះ ត្រូវបានលោក អ៊ុក ភ័ក្ត្រា អភិបាលរងកោះកុង លើកឡើងនៅព្រឹកថ្ងៃទី ២៧ ខែធ្នូ ឆ្នាំ ២០២១ថា ការសាងសង់អគារស្ថានីយនេះ គឺមានលក្ខណៈពិសេសមួយ សម្រាប់រៀបចំឲ្យមានប្រព័ន្ធ អេកូឡូស៊ីព្រៃឈើមួយ ដែលធន់ទៅនឹងការប្រែប្រួលអាកាសធាតុប្រកបដោយនិរន្តរភាព និងអាចផ្តល់ការងារ និងប្រាក់ចំណូលដល់ប្រជាសហគមន៍នៃរបៀងអភិរក្សជីវៈចម្រុះ នៅប្រទេសកម្ពុជា។
លោកអភិបាលរងខេត្តកោះកុង ពន្យល់ទៀតថា តាមរយៈគម្រោងមិនធ្លាប់មានមួយនេះ បានផ្ដោតជាសំខាន់ទៅលើ៖ ទី១. ផ្ដល់សិទ្ធអំណាចដល់សហគមន៍ ក្នុងការគ្រប់គ្រងធនធានព្រៃឈើ តាមរយៈការកំណត់ព្រំប្រទល់ ការរៀបចំផែនការគ្រប់គ្រងព្រៃឈើ និងការទទួលស្គាល់ស្របច្បាប់ អំពីដំណើរការបង្កើតសហគមន៍តំបន់ការពារធម្មជាតិ និងសហគមន៍ព្រៃឈើ។
ទី២. ការដាំស្តារឡើងវិញ ក្នុងដែនជម្រកសត្វព្រៃ និងដីព្រៃរិចរិល តាមរយៈការដាំកូនឈើ និងការថែរក្សាដំណាំធម្មជាតិ។ ទី៣. ធ្វើឲ្យប្រសើរឡើងវិញនូវជីវភាពរស់នៅ និងបង្កើនប្រាក់ចំណូល តាមរយៈការផ្តល់ មូលនិធិអភិវឌ្ឍន៍ភូមិ និងការផ្តល់ហេដ្ឋារចនាសម្ព័ន្ធខ្នាតតូច។ និងទី៤. បង្កើតការងារយៈពេលខ្លីដល់គ្រួសារ ក្នុងសហគមន៍តាមរយៈការអនុវត្តសកម្មភាព ដោយទុកជាប្រយោជន៍សាធារណៈ ប្រយោជន៍សហគមន៍ និងទុកជាផលប្រយោជន៍ របស់ប្រជាពលរដ្ឋនៅទីនោះ ផ្ទាល់តែម្តង។
លើសពីនេះលោក អ៊ុក ភ័ក្ត្រា ក៏ស្នើដល់អាជ្ញាធរគ្រប់លំដាប់ថ្នាក់ ជាពិសេសគឺអាជ្ញាធរស្រុក អាជ្ញាធរឃុំ និងប្រជាពលរដ្ឋទាំងអស់ ដែលរស់នៅទីនោះ សូមជួយថែរក្សានូវសមិទ្ធិផលនេះ ឲ្យបានគង់វង្សទៅថ្ងៃអនាគត។
គួរជម្រាបថា អគារស្ថានីយស្រាវជ្រាវព្រៃឈើជីខលើ ដែលខេត្តកោះកុង ទទួលបានមកពីគម្រោងជំនួយឧបត្ថម្ភឥតសំណង របស់ធនាគាអភិវឌ្ឍន៍អាស៊ី (ADB Gran 0241 CAM(SF) តាមរយៈគម្រោងរបៀងអភិរក្សជីវចម្រុះ មហាអនុតំបន់ទន្លេមេគង្គកម្ពុជា ដូចមានក្នុងរបាយការណ៍វឌ្ឍនភាពនេះស្រាប់។
ស្រុកស្រែអំបិល បច្ចុប្បន្នកំពុងតែមានការអភិវឌ្ឍ រីកចំរើនជាបន្តបន្ទាប់ ទាំងវិស័យសេដ្ឋកិច្ច និងសង្គមកិច្ច ដោយមានវិស័យវិនិយោគឯកជន និងការធ្វើពាណិជ្ជកម្មជួញដូរជាច្រើន ហើយមានហេដ្ឋារចនាសម្ព័ន្ធដូចជា៖ ស្ពាន ផ្លូវថ្នល់ មណ្ឌលសុខភាព សាលារៀន វត្តអារាម និងតំបន់អេកូទេសចរ។ល៕
អត្តបទ៖ សិរី វឌ្ឍនៈ
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
កីឡា៧ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៦ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៣ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
សន្តិសុខសង្គម៣ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ