ព័ត៌មានជាតិ
កសិករនៅខេត្តកែប នាំគ្នាដាំដំឡូងជ្វា ខណៈដំឡូងមួយប្រភេទនេះ មានតម្លៃគួរសម
ដំឡូងជ្វា ជាដំណាំមួយប្រភេទ ងាយស្រួលដាំ និងឆាប់បានប្រមូលផល ហើយដំឡូងនេះភាគច្រើនត្រូវបានគេដាំនៅចំណុចដីទួល ឬដីស្រែពុំសូវមានទឹកជោគជាំ ដោយគ្រាន់តែកាត់ទងដំឡូង យកទៅកប់នឹងដី និងប្រើជីធម្មជាតិជំនួយខ្លះៗ ប៉ុណ្ណោះ។
ជួបជាមួយអ្នកយកព័ត៌មាន នៅព្រឹកថ្ងៃទី ២៨ ខែធ្នូ ឆ្នាំ ២០២១នេះ អ្នកប្រមូលផលដំឡូងជ្វា ក្នុងភូមិខាងលើបាននិយាយប្រាប់ ទាំងទឹកមុខស្រស់ស្រាយថា ពេលនេះកសិករជាច្រើន ក្រៅពីដាំដំណាំរួមផ្សំផ្សេងៗ ពួកគាត់មិនដែលបោះបង់ នូវការដាំដុះដំឡូងជ្វា (ប្រភេទដំឡូងកសិកម្ម ) នេះឡើយ ព្រោះដំឡូងប្រភេទនេះមានដើម (ទង)តូចៗ តែមើមធំៗ ថែមទាំងមានមើមច្រើន ហើយសាច់ដំឡូងមានរសជាតិផ្អែមឆ្ងាញ់ណាស់។
កសិករដដែលនេះ បានបន្តថា ឥឡូវនេះហាងឆេងដំឡូងជ្វា មានតម្លៃថ្លៃជាងពេលមុន ដោយឈ្មួញមកប្រមូលទិញដល់ទីកន្លែង ក្នុងមួយគីឡូក្រាមចាប់ពី ១៥០០៛ ទៅ២០០០៛ តាមប្រភេទដំឡូងធំ ឬតូច។ ប៉ុន្តែពេលខ្លះដំឡូងជ្វា ក៏អាចឡើងថ្លៃរហូតដល់ ២៥០០៛ ម្តងម្កាលដែរ។
កសិករ បានបន្តទៀត ថា ការប្រមូលផលដំឡូងជ្វា នៅគ្រប់រដូវនេះ គឺយើងត្រូវបេះយកដំឡូង ទៅតាមប្រភេទរបស់វាដាក់ច្រកក្នុងថង់ប្លាស្ទិក ដោយជ្រើសរើសធំ និងតូច ដាក់ច្រកថង់ផ្សេងគ្នា ហើយថ្លឹងទុកមួយអន្លើ ដើម្បីទុកលក់ឲ្យឈ្មួញ ឬលក់ជូនអ្នកដំណើរ ដែលពួកគាត់ជិះរថយន្តមកលំហែរ កម្សាន្តនៅតាមតំបន់ទេសចរណ៍នានា។
បច្ចុប្បន្ននេះ ដោយសារតែដំណាំកសិផលក្នុងស្រុក មានហាងឆេងខ្ពស់គួរសម ធ្វើឲ្យប្រជាកសិករនៅតាមបណ្តាខេត្តផ្សេងៗ ពិសេសនៅខេត្តកែប បាននិងកំពុងមមាញឹកបង្កបង្កើនផង ចិញ្ចឹមសត្វ និងដាំដំណាំរួមផ្សំគ្រប់ប្រភេទផង ដើម្បីប្រមូលផលផ្គត់ផ្គង់ទីផ្សារក្នុងតំបន់ ដែលបានធ្វើឲ្យជីវភាពរបស់ពួកគាត់កាន់តែធូរធា រីកចំរើនពីមួយថ្ងៃទៅមួយថ្ងៃ ស្របពេលស្ថានភាពជំងឺកូវីដ-១៩ ក៏មានការថមថយផងដែរ៕
អត្ថបទ៖ សេង ណារិទ្ធ
-
ព័ត៌មានជាតិ៤ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ២ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
កីឡា១ សប្តាហ៍ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៦ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៣ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ