ព័ត៌មានជាតិ
ប្រធានាធិបតីឥណ្ឌូនេស៊ី គាំទ្រ និងជួយកម្ពុជា ជាប្រធានដឹកនាំអាស៊ាន ឆ្នាំ២០២២ ឱ្យបានជោគជ័យ
លោកប្រធានាធិបតីឥណ្ឌូនេស៊ី ចូកូ វីដូដូ បានសម្ដែងការគាំទ្រជូនចំពោះសម្ដេចតេជោ ហ៊ុន សែន និងជួយដល់កម្ពុជាក្នុងការអនុវត្តតួនាទីជាប្រធានអាស៊ាន ឆ្នាំ ២០២២ ឱ្យទទួលបានជោគជ័យ។
ការគាំទ្រនេះ ធ្វើឡើងតាមរយៈជំនួបតាមទូរសព្ទរវាងសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា និងប្រធានាធិបតីឥណ្ឌូនេស៊ីលោក ចូកូ វីដូដូ នៅព្រឹកថ្ងៃទី ៤ ខែមករា ឆ្នាំ ២០២២ នេះ។
លោកប្រធានាធិបតីឥណ្ឌូនេស៊ី ចូកូ វីដូដូ បានបញ្ជាក់ថា ឥណ្ឌូនេស៊ីគាំទ្រសម្ដេចហ៊ុន សែន ធ្វើយ៉ាងណាឱ្យសម្ដេចតេជោទទួលបានជោគជ័យក្នុងការដឹកនាំអាស៊ាននៅឆ្នាំ ២០២២។ លោក ចូកូ វីដូដូ ប្រធានាធិបតីឥណ្ឌូនេស៊ីបានគោរពជូនពរសម្ដេចតេជោ ហ៊ុន សែន និងក្រុមគ្រួសារក្នុងឱកាសចូលឆ្នាំសកលឆ្នាំថ្មី ២០២២ ផងដែរ។
ជាការឆ្លើយតប សម្ដេចតេជោបានថ្លែងអំណរគុណជូនចំពោះលោកប្រធានាធិបតីឥណ្ឌូនេស៊ី នូវសារជូនពរ និងការគាំទ្រកម្ពុជាអនុវត្តតួនាទីជាប្រធាន ឆ្នាំ២០២២ និងបានជូនពរ លោកប្រធានាធិបតីឥណ្ឌូនេស៊ី និងក្រុមគ្រួសារក្នុងឱកាសចូលឆ្នាំសកល ២០២២ ផងដែរ។
សម្តេចតេជោ ហ៊ុន សែន បានថ្លែងអំណរគុណជាថ្មីដល់លោក ប្រធានាធិបតី ចូកូ វីដូដូ ដែលបានអញ្ជើញចូលរួមកិច្ចប្រជុំកំពូលអាស៊ីអឺរ៉ុបពីថ្ងៃទី ២៥-២៦ ខែវិច្ឆិកា ឆ្នាំ ២០២១ កន្លងទៅ ដែលកម្ពុជាធ្វើជាម្ចាស់ផ្ទះ។ សម្តេចតេជោ បានសម្ដែងការកោតសរសើរ និងភាពសកម្មរបស់ឥណ្ឌូនេស៊ីក្នុងការផ្ដួចផ្ដើមគំនិតជាច្រើនដើម្បីការកសាងសហគមន៍អាស៊ាន ដែលថ្មីៗនេះមានដូចជា ទស្សនវិស័យអាស៊ានស្ដីពីឥណ្ឌូប៉ាស៊ីហ្វិកដែលជាឯកសារដ៏សំខាន់ដើម្បីគ្រប់គ្រងទំនាក់ទំនងរវាងអាស៊ាន និងដៃគូខាងក្រៅនឹងរក្សាមជ្ឈភាពអាស៊ាន។ ការរៀបចំច្រកធ្វើដំណើរ ក្នុងតំបន់អាស៊ានឆ្លើយតបការរឹតត្បិតដោយសារជំងឺកូវីដ-១៩។
គួរបញ្ជាក់ថា នេះគឺជាជំនួបមួយដែលធ្វើឡើងតែប៉ុន្មានថ្ងៃប៉ុណ្ណោះ មុនប្រមុខរដ្ឋាភិបាលកម្ពុជាធ្វើដំណើរទៅកាន់ប្រទេសមីយ៉ាន់ម៉ា ដើម្បីសម្របសម្រួលបញ្ហាអាស៊ាន និងមីយ៉ាន់ម៉ាក្នុងនាមជាប្រធានប្តូរវេន៕
អត្ថបទ៖ ណារី
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា២ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត