ព័ត៌មានជាតិ
អាមេរិកសោកស្ដាយ ចំពោះការស្លាប់អ្នកជំនាញដោះមីនកម្ពុជា ៣នាក់ ដោយសារផ្ទុះគ្រាប់មីនតោន
ស្ថានទូតសហរដ្ឋអាមេរិកប្រចាំកម្ពុជា បានបង្ហាញាការសោកស្ដាយ និងចូលរួមរំលែកទុក្ខ ចំពោះការបាត់បង់ជីវិត អ្នកជំនាញដោះមីនចំនួន ៣នាក់ និងរបួសធ្ងន់ចំនួន ២នាក់ កាលពីថ្ងៃម្សិលមិញ នៅខេត្តព្រះវិហារ ដោយសារផ្ទុះគ្រាប់ មីនតោន។
ទំព័រហ្វេសប៊ុកផ្លូវការ របស់ស្ថានទូតអាមេរិកប្រចាំកម្ពុជា នៅព្រឹកថ្ងៃទី ១១ ខែមករានេះ បានបង្ហោះសារថា សហរដ្ឋ អាមេរិក មានក្តីក្រៀមក្រំជាខ្លាំង ពេលបានទទួលដំណឹងថា គ្រាប់មីនមួយគ្រាប់ នៅខេត្តព្រះវិហារ បានសម្លាប់ និងធ្វើឲ្យរបួសអ្នកដោះមីន ដ៏ក្លាហានមួយចំនួន របស់អង្គការមិនមែនរដ្ឋាភិបាលមួយ ឈ្មោះថា អង្គការដោះមីនកម្ពុជា។
ស្ថានទូតអាមេរិកប្រចាំកម្ពុជា បានសរសេរបន្តថា «យើងសោកស្តាយ ចំពោះការបាត់បង់យ៉ាងរន្ធត់នេះ ហើយសូមចូលរួមរំលែកទុក្ខដល់គ្រួសារ និងសហការីរបស់ពួកគេ»។
លោក ហេង រតនា អគ្គនាយកមជ្ឈមណ្ឌលសកម្មភាពកំចាត់មីនកម្ពុជា (CMAC) បានឲ្យដឹងថា នៅថ្ងៃទី ១០ ខែមករា ឆ្នាំ ២០២២ នៅម៉ោងប្រមាណ ១១ និង៣០នាទីព្រឹក មានករណីផ្ទុះគ្រាប់មីនតោនមួយករណី បានបណ្ដាលស្លាប់អ្នកជំនាញដោះមីនចំនួន ៣នាក់ និងរបួសធ្ងន់ចំនួន ២នាក់។
ក្រុមអ្នកជំនាញទាំងនោះ គឺជាបុគ្គលិក នៃអង្គការដោះមីនកម្ពុជា CSHD (Cambodian Self Help Demining)។ អង្គការ CSHD ដែលគេស្គាល់ថា ជាអង្គការអាគីរ៉ា ដែលមានទីតាំងស្នាក់ការនៅខេត្តសៀមរាប។ ករណីគ្រោះថ្នាក់នេះ កើតឡើងនៅភូមិសែនតេជៈ ឃុំមរកត ស្រុកជាំក្សាន្ត ខេត្តព្រះវិហារ។
បើតាមលោក ហេង រតនា អគ្គនាយក CMAC ដដែល បានឲ្យដឹងទៀតថា ជាភាពចៃដន្យបំផុតដែរ នៅមុនគ្រោះថ្នាក់ ស្លាប់អ្នកដោះមីននេះ កើតឡើងតែប្រមាណ ២០នាទីប៉ុណ្ណោះ នៅភូមិនេះ ក៏មានករណីផ្ទុះគ្រាប់ស្លាប់ប្រជាពលរដ្ឋ មួយរូបផងដែរ នៅពេលដែលគាត់ កំពុងដុតសំអាតដីដាំដំឡូង៕
អត្ថបទ៖ ឃួន សុភ័ក្រ
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍៩ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore