ព័ត៌មានជាតិ
អាជ្ញាធរមីនចូលរួមស្តាប់បាឋកថា ពង្រឹងភាពជាអ្នកដឹកនាំ តាមរយៈការគ្រប់គ្រងសីលធម៌
លោកទេសរដ្ឋមន្រ្តី លី ធុជ អនុប្រធានទី១ អាជ្ញាធរមីន និងជាប្រធានគណៈកម្មាធិការជាតិអេស្កាប់ នៅព្រឹកថ្ងៃទី ១៦ ខែមករា បានដឹកនាំមន្រ្តី បុគ្គលិក ចូលរួមស្តាប់បាឋកថា ស្តីពី “ការពង្រឹងភាពជាអ្នកដឹកនាំ និងតុល្យភាពជីវិតឲ្យកាន់តែប្រសើរ តាមរយៈការគ្រប់គ្រងសីលធម៌ ដោយផ្អែកលើការបង្រៀនរបស់ព្រះពុទ្ធសាសនា” ដែលមានវាគ្មិនកិត្តិយសចូលរួមធ្វើបាថកថា រួមមាន លោកបណ្ឌិត ម៉ី កល្យាណ ទីប្រឹក្សាជាន់ខ្ពស់នៃឧត្តមក្រុមប្រឹក្សាសេដ្ឋកិច្ចជាតិ លោកធម្មបណ្ឌិត ហេង មណីចិន្តា ជាស្ថាបនិក និងជានាយកពុទ្ធសាសនាសម្រាប់អភិវឌ្ឍន៍ និងលោកវេជ្ជបណ្ឌិត អៀង សុធារ៉ា ជាប្រធានក្រុមហ៊ុនអចលនទ្រព្យអៀងគ្រុប។
ការរៀបចំបាថកថានេះ ធ្វើឡើងក្រោមគំនិតផ្តួចផ្តើមរបស់ លោកទេសរដ្ឋមន្រ្តី លី ធុជ និង លោកបណ្ឌិត ម៉ី កល្យាណ និងរៀបចំដោយវិទ្យាស្ថានបណ្តុះបណ្តាលវិស័យកាត់ដេរនៅកម្ពុជា (CGTI-GMAC)។ បាឋកថានេះ បានផ្តល់នូវអត្ថប្រយោជន៍យ៉ាងច្រើន ក្នុងការស្វែងយល់អំពីតម្រូវការចាំបាច់ បញ្ហាប្រឈម និងដំណោះស្រាយសម្រាប់ជីវិត និងការងារប្រចាំថ្ងៃ ជាពិសេសការគ្រប់គ្រងសតិអារម្មណ៍ ការពង្រឹងស្មារតី ការអប់រំចិត្ត និងការតម្រង់ទិសតាមគន្លងព្រះពុទ្ធសាសនា។
លោកទេសរដ្ឋមន្រ្តី បានថ្លែងអំណរគុណ និងកោតសរសើរប្រកបដោយការវាយតម្លៃខ្ពស់ ជូនចំពោះលោកសាស្រ្តាចារ្យ និងវាគ្មិនកិត្តិយសពោរពេញដោយបទពិសោធន៍ទាំងបីររូប ដែលបានចែករំលែកនូវចំណេះដឹង និងបទពិសោធន៍ ទទួលបានពីក្រៅប្រទេស និងភាពជោគជ័យរបស់ខ្លួនទាំងការងារសិក្សាស្រាវជ្រាវ និងការរកស៊ីទទួលទានប្រចាំថ្ងៃ។
លោកបន្តទៀត ពួកគាត់ទាំងបី គឺជាកុលបុត្រខ្មែរដ៏ឆ្នើមរបស់កម្ពុជា ដែលបានចូលរួមជួយដល់កាងារសង្គមកម្ពុជា ព្រមទាំងបានបង្កើតនូវសមិទ្ធផលយ៉ាងច្រើនសម្រាប់កម្ពុជា ក្នុងវិស័យអប់រំ សាសនា វប្បធម៌ សេដ្ឋកិច្ច និងសង្គម ក៏ដូចការចូលរួមដល់ការងារមនុស្សធម៌នៅកម្ពុជា។
ក្នុងឱកាសនេះ លោកទេសរដ្ឋមន្រ្តី ក៏បានថ្លែងអំណរយ៉ាងជ្រាលជ្រៅចំពោះ លោកឧកញ៉ា វាន់ ស៊ូអៀង ប្រធានសមាគមវិស័យកាត់ដេរនៅកម្ពុជា និង លោក Andrew Tey ប្រធានវិទ្យាស្ថានបណ្តុះបណ្តាលវិស័យកាត់ដេរកម្ពុជា CGTI-GMAC ដែលបានរៀបចំឲ្យមានកម្មវិធីដ៏មានតម្លៃ ព្រមទាំងបានផ្តល់នូវទីតាំងសម្រាប់កម្មវិធីបាឋកសានាថ្ងៃនេះ សម្រាប់សិក្ខាកាមចំនួន ៨០ នាក់។
នេះជាលើកទី ៣ ហើយ ដែលវិទ្យាស្ថាន បានផ្តល់ការគាំទ្រផ្តល់នូវវគ្គបណ្តុះបណ្តាលជូនដល់ថ្នាក់ដឹកនាំ មន្រ្តី បុគ្គលិក អាជ្ញាធរមីន និងគណៈកម្មាធិការជាតិអេស្កាប់ លើការពង្រឹងសមត្ថភាពភាពអ្នកដឹកនាំ និងឥរិយាបទរបស់បុគ្គលដែលមានប្រសិទ្ធភាព។
វិទ្យាស្ថាន CGTI-GMAC ពិតជាបានចូលរួមចំណែកយ៉ាងសំខាន់ ក្នុងការលើកកម្ពស់នូវជំនាញបច្ចេកទេស និងពង្រឹងសមត្ថភាពនៅកម្ពុជា និងមិនត្រឹមតែផ្តល់ជំនាញវិជ្ជាជីវៈលើវិស័យកាត់ដេរដល់កម្មករ-កម្មការនីប៉ុណ្ណោះទេ ថែមទាំងបានចូលរួមបង្កើនប្រាក់ចំណូល និងលើកកម្ពស់ភាពជាអ្នកដឹកនាំនៅតាមស្ថាប័ន/ក្រុមហ៊ុនឲ្យកាន់តែមានប្រសិទ្ធភាពខ្ពស់ក្នុងចង្វាក់ផលិតកម្ម៕
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍១០ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore