Connect with us

ព័ត៌មានជាតិ

បើគ្មានជំងឺកូវីដទេ សាលាដំបូងខេត្តកោះកុង អាចជម្រះក្តីបានដល់ទៅ ៩៥ភាគរយឯណោះ

បានផុស

នៅ

ប្រធានសាលាដំបូងខេត្តកោះកុង បានអះអាងថា កាលពីឆ្នាំ ២០២១កន្លងទៅនេះ ប្រសិនបើគ្មានការរីករាលដាលជំងឺ កូវីដ-១៩ នោះទេ ម្ល៉េះការជម្រះក្តីក្តាំ ក្នុងអង្គសវនាការបានដល់ទៅ ៩៥ភាគរយឯណោះ ពុំមែនត្រឹមតែ ៨៦ភាគរយឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គ្មានការរីករាលដាលជំងឺកូវីដ-១៩ ក្នុងពន្ធនាគារនៅអំឡុងខែធ្នូ ឆ្នាំ ២០២១ទេនោះ យ៉ាងហោចណាស់ តួលេខជម្រះរឿងក្តី ក្នុងអង្គសវនាការអាចពី ៩៥ទៅ ៩៨ភាគរយ ស្របពេលសំណុំរឿង មិនមានក្នុងដៃដោយចាត់ការរួចរាល់ហើយ ជាស្ថាពរ។ នេះតាមការបញ្ជាក់របស់លោក មីន មករា ប្រធានសាលាដំបូងសាលាខេត្តកោះកុង ក្នុងពិធីសន្និបាតបូកសរុបលទ្ធផលការងារ និងលើកទិសដៅអនុវត្តការងារបន្តសម្រាប់ឆ្នាំ ២០២២។

លោកប្រធានសាលាដំបូង បានសង្កត់ធ្ងន់កាលពីព្រឹកថ្ងៃទី ២៥ខែមករាថា បញ្ហាជំងឺកូវីដ-១៩ បានធ្វើឲ្យប៉ះពាល់ដល់ដំណើរការស៊ើបសួរ និងជំរុំជម្រះក្តី។ តែទោះយ៉ាងណា ត្បិតតួលេខបានត្រឹមតែ ៨៦ភាគរយសរុបរួមក៏ដោយ ក៏នៅតែជាតួលេខល្អគាប់ប្រសើរ ជាទីមោទនភាព។

លោក មីន មករា កោតសរសើរចំពោះកិច្ចប្រឹងប្រែង ដោះស្រាយសំណុំរឿង មិនឲ្យមានការកកស្ទុះ និងឈរលើគោល ការណ៍ច្បាប់ របស់ចៅក្រម តំណាងអយ្យការ ក្រឡាបញ្ជី ព្រមទាំងមន្រ្តីយុត្តិធម៌ នៃសាលាដំបូងខេត្ត ឆ្លើយតបនឹងតួនាទីភារកិច្ចរៀងៗខ្លួន ទោះបីជាពុំទាន់គ្រប់ផែនការទិសដៅ ដែលចង់បានយ៉ាងណាក្តី។

សម្រាប់ឆ្នាំ ២០២២ លោកជឿជាក់ថា គ្រប់ចៅក្រម តំណាងអយ្យការ ក្រឡាបញ្ជី ព្រមទាំងមន្រ្តីបុគ្គ​លិកយុត្តិធម៌ក្រោមឱវាទ នឹងខិតខំបំពេញភារកិច្ច តាមផែនការប្រកបដោយ ក្រមសីលធម៌វិជ្ជាជីវៈជំនួសមកវិញ នូវទំនុកចិត្តផ្តល់សេវាជូនប្រជាពលរដ្ឋ និងប្រកបដោយតម្លាភាព បន្ទាប់ពីរាជរដ្ឋាភិបាលកម្ពុជា និងក្រសួងយុត្តិធម៌ ដាក់ចេញយុទ្ធសាស្រ្ត កំណែទម្រង់ប្រព័ន្ធយុត្តិធម៌ កន្លងមក។

តាមសេចក្តីថ្លែងការណ៍របស់លោក រស់ សារាំ ព្រះរាជអាជ្ញា នៃអយ្យការអមសាលាដំបូងខេត្តកោះកុង បង្ហាញថា ឆ្នាំ ២០២១កន្លងទៅ តំណាងអយ្យការអមសាលាដំបូង បានចាត់ការសំណុំរឿងព្រហ្មទណ្ឌចំនួន ៤៤០សំណុំរឿងតាមនីតិវិធី ក្នុងចំណោមសំណុំរឿងសរុប ៥១១សំណុំរឿង ស្មើនឹង ៨៦ភាគរយ និងសំណុំរឿង ដែលសេសសល់ក្នុងឆ្នាំ ២០២០ មានចំនួន ២៨រឿង។

លោកព្រះរាជអាជ្ញា លើកឡើងបន្ថែមថា ក្នុងចំណោមសំណុំរឿង ៥១១សំណុំរឿង មានសំណុំរឿងសល់មានចំនួន ៦៨ រឿង សម្រាប់ចាត់ការបន្តនៅឆ្នាំ ២០២២នេះ។ សំណុំរឿង ដែលជម្រះបានច្រើនជាងគេនោះ គឺបទល្មើសធនធានធម្មជាតិព្រៃឈើ សំណុំរឿងព្រហ្មទណ្ឌ សំណុំរឿងរដ្ឋប្បវេណី ការជួញដូរគ្រឿងញៀន បទល្មើសគ្មានលិខិតអនុញ្ញាតត្រឹមត្រូវ និងបទល្មើសជាក់ស្តែងផ្សេងទៀត៕

អត្តបទ៖ សិរី វឌ្ឍនៈ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៦ នាទី មុន

រដ្ឋមន្រ្តីក្រសួងយុត្តិធម៌ អញ្ជើញជាអធិបតីក្នុងពិធីប្រកាសផ្ទេរភារកិច្ច និងចូលកាន់មុខតំណែង ព្រះរាជអាជ្ញា នៃអយ្យការអមសាលាដំបូងខេត្តកែវ

ព័ត៌មានជាតិ១១ នាទី មុន

សម្តេច​តេជោ ហ៊ុន សែន ​ចែករំលែក​ ៥​ចំណុច ​​ពាក់ព័ន្ធនឹងតួនាទីរបស់ទ្វីបអាស៊ី នៅក្នុង​ពិភពលោក ដែល​បែកខ្ញែក​​

សន្តិសុខសង្គម១៨ នាទី មុន

នគរបាល២ស្រុកសហការគ្នាដេញចាប់ក្រុមចោរឆក់

សន្តិសុខសង្គម២៣ នាទី មុន

សមត្ថកិច្ចបញ្ជូនជនសង្ស័យចំនួន០៤នាក់ ទៅតុលាការ ពាក់ព័ន្ធករណីជួញដូរសារធាតុញៀន

នយោបាយ៣៧ នាទី មុន

គ.ជ.ប ទទួលបានបណ្តឹង ៣៣ហើយអំឡុងពេលឃោសនា ដោយភាគច្រើនប្តឹងគណបក្សភ្លើងទៀន  

Sokha Hotels

ព័ត៌មានពេញនិយម