ព័ត៌មានជាតិ

ប្រមុខរដ្ឋាភិបាលកម្ពុជាបញ្ជាក់ពីប្រសិទ្ធភាពវ៉ាក់សាំងចិន ប្រយុទ្ធកូវីដអូមីក្រុង

បានផុស

២ years មុន

នៅ

ថ្ងៃចន្ទ ៣១ មករា ២០២២

ដោយ

ប្រមុខរដ្ឋាភិបាលសម្តេចតេជោ ហ៊ុន សែន បានបញ្ជាក់ថា វ៉ាក់សាំងរបស់ចិន Sinopharm និង Sinovac មានប្រសិទ្ធភាពខ្ពស់លើការទប់ស្កាត់មេរោគបំប្លែងខ្លួនអូមីក្រុង។

ការថ្លែងកត់សម្គាល់បែបនេះ ស្របពេលប្រមុខរដ្ឋាភិបាលកម្ពុជាបានបញ្ជាក់ពីការផ្តល់ជំនួយរបស់រដ្ឋាភិបាលចិន ក្នុងការផ្តល់វ៉ាក់សាំងតាមតម្រូវការរបស់កម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រមុខរដ្ឋាភិបាលបានបន្តថា តាមការចុះផ្សាយពីវេបសាយបរទេស វ៉ាក់សាំងរបស់ចិនមានប្រសិទ្ធភាពខ្ពស់ក្នុងការទប់ស្កាត់លើប្រភេទមេរោគបំប្លែងខ្លួនអូមីក្រុង។

បើតាមប្រមុខរដ្ឋាភិបាល កម្ពុជាគ្រោងទិញវ៉ាក់សាំងចំនួន ៨ លានដូសទៀត ហើយមិត្តចិនធានានឹងផ្តល់ចំនួន ៥ លានដូស ហើយកម្ពុជាត្រូវការទិញបន្ថែម ៣ លានដូស។

មកដល់ពេលនេះ កម្ពុជាបានរកឃើញករណីឆ្លងវិរុសបំប្លែងខ្លួនអូមីក្រុងជាង ៨០០ ករណី។ សម្តេចតេជោបានកត់សម្គាល់ពីការកើនឡើងនៃករណីឆ្លងអូមីក្រុងក្នុងសហគមន៍ ហើយប្រមុខរដ្ឋាភិបាលអំពាវនាវត្រូវតែបន្តជំរុញលើការចាក់ដូសជំរុញដល់ប្រជាពលរដ្ឋ ដើម្បីបង្កើតភាពស៊ាំប្រយុទ្ធការពារការឆ្លងក្នុងសហគមន៍៕

អត្ថបទ៖ ប៊ុណ្ណារ៉ា

Related Topics:សម្ដេចតេជោ ហ៊ុន សែន