ព័ត៌មានជាតិ
លោកស្រី ឱ វណ្ណឌីន ចេញអំពាវនាវ ខណៈសង្កេតឃើញមានពលរដ្ឋចាប់ផ្ដើមធ្វេសប្រហែសបង្ការកូវីដ-១៩
លោកស្រីវេជ្ជបណ្ឌិត ឱ វណ្ណឌីន រដ្ឋលេខាធិការក្រសួងសុខាភិបាល និងជាប្រធានគណៈកម្មការចំពោះកិច្ចចាក់វ៉ាក់សាំងកូវីដ-១៩ ក្នុងក្របខណ្ឌទូទាំងប្រទេស បានអំពាវនាវចេញសារក្រើនរំលឹក ពីការការពារការចម្លងវីរុសកូវីដ-១៩ និងរួមគ្នាទទួលខុសត្រូវទប់ស្កាត់ការចម្លងវីរុសកូវីដ-១៩។.
ការចេញអំពាវនាវនៅថ្ងៃទី ១ ខែកុម្ភៈ ឆ្នាំ ២០២២ នេះ ដោយសារ លោកស្រី ឱ វណ្ណឌីន បានសង្កេតឃើញថា មានបងប្អូនប្រជាពលរដ្ឋមួយចំនួនចាប់ផ្ដើមធ្វេសប្រហែស និងមិនបានអនុវត្តវិធានការឱ្យបានត្រឹមត្រូវ។ លោកស្រីវេជ្ជបណ្ឌិត លើកឡើងថា អ្នកខ្លះមិនសូវប្រុងប្រយ័ត្នការពារខ្លួនឱ្យបានត្រឹមត្រូវ ក្នុងបរិបទកម្ពុជាកំពុងដំណើរការសង្គម និងសេដ្ឋកិច្ច។ លោកស្រីបញ្ជាក់ថា ការចម្លងជំងឺកូវីដ១៩ ពិសេសប្រភេទអូមីក្រុង មានការចម្លងរាល់ថ្ងៃ ជាក់ស្ដែងក្រសួងក៏បានផ្សាយរាល់ថ្ងៃពីចំនួនអ្នកឆ្លងផងដែរ។
លោកស្រី ឱ វណ្ណឌីន អំពាវនាវសូមប្រជាពលរដ្ឋត្រូវចូលរួមអនុវត្តវិធានការ ៣កុំ ៣ការពារ គ្រប់ទីកន្លែង ពិសេសក្នុងពិធីសែនដូនតា និងដំណើរកម្សាន្ត ក៏ដូចជាការចូលរួមពិធីមង្គលការ និងបុណ្យទាននានា។
ជាមួយគ្នានេះ លោកស្រី បានអំពាវនាវ ប្រជាពលរដ្ឋមកទទួលវ៉ាក់សាំងដោយឥតគិតថ្លៃឱ្យបានគ្រប់ៗគ្នាទាំងដូសមូលដ្ឋាន និងដូសជំរុញនៅ មន្ទីរពេទ្យជាតិ មន្ទីរពេទ្យបង្អែក និង មណ្ឌលសុខភាពទូទាំងប្រទេស ដើម្បីការពារខ្លួនពីការឆ្លងជំងឺកូវីដ-១៩ និងកាត់បន្ថយការឈឺធ្ងន់ធ្ងរដល់ចូលមន្ទីរពេទ្យ និងការស្លាប់បាត់បង់ជីវិត។
គួរបញ្ជាក់ថា នៅថ្ងៃទី ១ ខែកុម្ភៈ ឆ្នាំ ២០២២ នេះ ក្រសួងសុខាភិបាលបានសេចក្តីជូនព័ត៌មាន ស្តីពីការសរុបស្ថានភាពជំងឺកូវីដ-១៩ ក្នុងព្រះរាជាណាចក្រកម្ពុជា សម្រាប់ថ្ងៃទី៣១ ខែមករា ឆ្នាំ២០២២ រកឃើញករណីឆ្លងថ្មី ៣៥ នាក់ (លទ្ធផលបញ្ជាក់ដោយ PCR) ជាប្រភេទអូមីក្រុងទាំងអស់ ក្នុងនោះ ២៨ ករណីត្រូវបានរកឃើញឆ្លងក្នុងសហកមន៍ ខណៈម្សិលមិញក្រសួងប្រកាសរកឃើញ ៥៦ ករណី ក្នុងនោះ ឆ្លងក្នុងសហគមន៍ ៤៧ ករណី៕
អត្ថបទ៖ ច័ន្ទ វីរៈ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ