Connect with us

ព័ត៌មានជាតិ

មីក្រូហិរញ្ញវត្ថុ ផ្តល់ឥណទានជាង ៨ពាន់លានដុល្លារ ដល់ពលរដ្ឋជិត ២ លាននាក់ ឆ្នាំ ២០២១

បានផុស

នៅ

គិតត្រឹមដំណាច់ឆ្នាំ២០២១ វិស័យមីក្រូហិរញ្ញវត្ថុ (ដោយមិនបញ្ចូលទិន្នន័យពីធនាគារ) បានផ្តល់ឥណទានជាង ៨.៧២៨ លានដុល្លារ ដល់អតិថិជនជិត ២ លាននាក់ ខណៈអតិថិជនដាក់ប្រាក់បញ្ញើមានចំនួនជាង ២,៩ លាននាក់ ទំហំទឹកប្រាក់សរុបជាង ៤.៣៥០ លានដុល្លារ តាមការិយាល័យតំណាងចំនួន ១.១៧៣​ កន្លែង។ នេះបើយោងតាមរបាយការណ៍សមាគមមីក្រូហិរញ្ញត្ថុកម្ពុជា នៅថ្ងៃទី ០៧ ខែ កុម្ភៈ ឆ្នាំ ២០២២។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

វិស័យមីក្រូហិរញ្ញវត្ថុ ក៏បាននិងកំពុងផ្តល់ការងារដល់បុគ្គលិកជាង ៣ម៉ឺននាក់ ​នៅកម្ពុជា ខណៈដែលវិស័យធនាគា និងហិរញ្ញវត្ថុទាំងមូលកំពុងមានបុគ្គលិកបំរើការងារប្រមាណ ៨ម៉ឺននាក់។​ បើទោះជាវិស័យហិរញ្ញវត្ថុត្រូវបានគេមើលឃើញថា បានផ្តល់​​អត្ថប្រយោជន៍ និងឱកាសអភិវឌ្ឍខ្ពស់យ៉ាងណាក្តី ក៏វិស័យនេះហាក់នៅប្រឈមនឹងកង្វះបុគ្គលិកបំរើការ ដោយសារការរីកចម្រើនឆាប់រហ័ស ការស្រូបទាញធនធានពីវិស័យផ្សេងៗទៀត ការប្រែប្រួលនៃទំនោរសង្គម អតុល្យភាពកម្មវិធីសិក្សានឹងតម្រូវការទីផ្សារជាក់ស្តែង ព្រមទាំងកត្តាប្រឈមផ្សេងៗទៀត។  

ជាការឆ្លើយតបបញ្ហាប្រឈមនេះ សមាគមមីក្រូហិរញ្ញវត្ថុកម្ពុជា(CMA) និងសាកលវិទ្យាល័យធនធានមនុស្ស(HRU) បានចុះអនុស្សរណៈយោគយល់គ្នាស្តីពីកម្មវិធីអភិវឌ្ឍន៍ធនធានមនុស្សសម្រាប់វិស័យមីក្រូហិរញ្ញវត្ថុកម្ពុជា កាលពីថ្ងៃទី៥ ខែកុម្ភៈ ឆ្នាំ២០២២ កន្លងទៅ។

ថ្លែងក្នុងពិធីចុះអនុស្សរណៈយោគយល់គ្នារវាងស្ថាប័នទាំងពីរ លោក គា បូរាណ ប្រធានក្រុមប្រឹក្សាភិបាលនៃសមាគមមីក្រូហិរញ្ញវត្ថុកម្ពុជា បានបញ្ជាក់ថា​ អនុស្សរណៈនៃការយោគយល់នេះ មានកម្មវត្ថុ មួយចំនួន ដូចជា ស្វែងរកលទ្ធភាពធ្វើការរួមគ្នាដើម្បីផ្តល់វគ្គសិក្សាជំនាញបច្ចេកទេស ឬសិក្ខាសាលាស្តីពី​ជំនាញការងាររបស់វិស័យមីក្រូហិរញ្ញវត្ថុ, ជំរុញលើកទឹកចិត្តសិស្សនិសិត្សអោយចូលរួមក្នុងកម្មវិធីសិក្សាផ្សេងៗ រៀបចំដោយសមាគមនិងសាកលវិទ្យាល័យដើម្បីអភិវឌ្ឍចំណេះដឹង និងជំនាញរបស់ប្អូនៗសិស្សនិស្សិតដែលជាទំពាំងស្នងឫស្សី  និងសម្របសម្រួលក្នុងការផ្តល់ឱកាសចុះកម្មសិក្សា ឱកាសចូលបំរើការងារ ក៏ដូចជា ឱកាសអភិវឌ្ឍសមត្ថភាពអាជីពវិជ្ជាជីវៈនៅក្នុងគ្រឹះស្ថានមីក្រូហិរញ្ញវត្ថុជាង១០០ នៅទូទាំងប្រទេសដែលជាសមាជិករបស់សមាគមមីក្រូហិរញ្ញវត្ថុកម្ពុជា។

លោក ឯក មនោសែន  សាកលវិទ្យាធិការ នៃសកលវិទ្យាល័យ​ធនធានមនុស្សបានមានប្រសាសន៍ថា អនុស្សរណៈយោគយល់ផ្តល់យោជន៍ច្រើនសម្រាប់ស្ថាប័នទាំងពីរ ដោយជួយអោយសកលវិទ្យាល័យធនធានមនុស្សអាចពង្រីកសក្តានុពល កិត្យានុភាព ក្នុងការបណ្តុះ​​បណ្តាលនិសិត្សអោយឆ្លើយតបទៅនឹងទីផ្សារការងារ។ ក្នុងឱកាសនេះ​និស្សិត ក៏អាចចូលរួមចុះកម្មសិក្សា ហាត់ការ រកការងារធ្វើជាមួយសមាជិករបស់សមាគមទាំង១២០គ្រឹះស្ថាន ដោយនិស្សិតក៏នឹងទទួលបានឱកាសអភិវឌ្ឍសមត្ថភាពជំនាញវិជ្ជាជីវៈរបស់ខ្លួនផងដែរ។

ធនធានមនុស្ស គឺជាកត្តាដ៏ចាំបាច់ ដើម្បីធានាបាននូវការអភិវឌ្ឍវិស័យហិរញ្ញវត្ថុ ប្រកបដោយ​និរន្តរភាព តាមទិសដៅរបស់រាជរដ្ឋាភិបាល ក៏ដូចជាកំណើនសេដ្ឋកិច្ចជាតិ។ លោក ហេង បូមករា អគ្គនាយករងត្រួតពិនិត្យ នៃធនាគារជាតិនៃកម្ពុជា បានលើកឡើងថា ការចុះអនុស្សរណៈយោគយល់មួយនេះ នឹងដើរតួនាទីយ៉ាងសំខាន់ក្នុងលើកកម្ពស់ចំណេះដឹងផ្នែកហិរញ្ញវត្ថុ ពិសេសជំនាញផ្នែកហិរញ្ញវត្ថុ តាមរយៈការបណ្តុះបណ្តាលធនធានមនុស្សនៅក្នុងប្រទេសកម្ពុជាអោយកាន់តែមានសក្តានុពល និងឯកទេស ក៏ដូចជាបង្កើនឱកាសការងារក្នុងប្រព័ន្ធធនាគារ។

សូមបញ្ជាក់ថា សមាគមមីក្រូហិរញ្ញវត្ថុកម្ពុជា(សមក) គឺជាសមាគមវិជ្ជាជីវៈមិនរកប្រាក់ចំណេញ មានគោលដៅធានាឲ្យបានថា ប្រជាជនកម្ពុជា គ្រប់រូបទទួលបាននូវសេវាហិរញ្ញវត្ថុផ្លូវការប្រកបដោយភាពសំបូរបែបទាន់ពេលវេលា តាមរយៈការប្រព័ន្ធហិរញ្ញវត្ថុប្រកបដោយនិរន្តរភាព។ សមាគមមីក្រូហិរញ្ញវត្ថុកម្ពុជា មានសមាជិក​ចំនួន ១២០ ស្ថាប័ន រួមមាន គ្រឹះស្ថានមីក្រូហិរញ្ញវត្ថុទទួលប្រាក់បញ្ញើ​ចំនួន ៦ គ្រឹះស្ថាន​​មីក្រូហិរញ្ញវត្ថុចំនួន ៧៣ ក្រុមហ៊ុនភតិសន្យាចំនួន ១៣ គ្រឹះស្ថានឥណទានជនបទចំនួន ២៤ និង គ្រឹះ​ស្ថាន​ធនាគារ​ចំនួន៤៕ អត្ថបទ៖ ទួន​ សុផល ​

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២ ម៉ោង មុន

តំបន់​អា​រ៉ែ​ង ផ្តើម​មាន​ទំនប់​បង្ហៀរ​ឆ្លង​ដងស្ទឹង​ប្រវែង​ជិត​១០០​ម៉ែត្រ

ព័ត៌មានជាតិ៤ ម៉ោង មុន

ក្រសួងការងារ និងGIZ ចុះអនុស្សរណៈលើការអនុវត្តគម្រោងបណ្តុះបណ្តាលបច្ចេកទេស និងវិជ្ជាជីវៈ អាស៊ាន ស្វីស

សេចក្ដីជូនដំណឹង៥ ម៉ោង មុន

គុណភាព​ល្អឥតខ្ចោះ​! ខុន​ដូ​ប្រណិត​រំដួល​ស៊ី​ធី​លំដាប់​ខ្ពស់​ដំបូង​នៅ​ភ្នំពេញ​ត្រូវបាន​ប្រគល់ជូន​ជា​ផ្លូវការ​

សេចក្ដីជូនដំណឹង៥ ម៉ោង មុន

សេចក្ដីជូនដំណឹងស្ដីពីការអញ្ជើញចូលរួមដេញថ្លៃគម្រោងទិញឧបករណ៍បញ្ជូនស៊ីញ៉ាល់ប្រចាំឆ្នាំ២០២៤

ព័ត៌មានជាតិ៥ ម៉ោង មុន

សារមន្ទីរព្រះស្រីឦសានវរ្ម័ន ចាប់ដៃគ្នាជាមួយសមាគមធនាគារនៅកម្ពុជា ដើម្បីលើកកម្ពស់ចំណេះដឹងហិរញ្ញវត្ថុយុវជន

កីឡា៦ ថ្ងៃ មុន

ឈ្នះខ្សែក្រវាត់ថ្ងៃជាមួយ​ ឈឿង ល្វៃ កីឡាករ Erdene ក៏មានរថយន្តទទួល

ព័ត៌មានជាតិ៤ ថ្ងៃ មុន

ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅ​តែរឹងទទឹងមិនព្រមវាយកម្ទេចរបងចេញ

សន្តិសុខសង្គម៧ ថ្ងៃ មុន

ដកហូតមុខតំណែង មេបញ្ជាការរងស្រុកស្វាយជ្រុំ​៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ

ព័ត៌មានជាតិ៥ ថ្ងៃ មុន

ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល

ព័ត៌មានអន្ដរជាតិ៤ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

Sokha Hotels

ព័ត៌មានពេញនិយម