ព័ត៌មានជាតិ
កម្ពុជា មានឥណទានបំណុលហានិភ័យតែ ២,៥ភាគរយ ក្នុងវិស័យមីក្រូហិរញ្ញវត្ថុ
លោក កាំង តុងងី អ្នកនាំពាក្យសមាគមធនាគារមីក្រូហិរញ្ញវត្ថុ បានលើកឡើងថា ឥណទានមានហានិភ័យនៅក្នុងវិស័យធនាគារ និងហិរញ្ញវត្ថុកម្ពុជា មានចំនួនតែ ៣,៣ភាគរយ ក្នុងនោះ វិស័យមីក្រូហិរញ្ញវត្ថុ មានតែ ២,៥ភាគរយប៉ុណ្ណោះ។ លោកថ្លែងបែបនេះ នៅក្នុងវេទិកាតុមូលរបស់កម្ពុជាថ្មី ព្រឹកថ្ងៃទី ១៧ មីនា ឆ្នាំ ២០២៣។
![](https://www.kampucheathmey.com/wp-content/uploads/2023/03/Screenshot-2023-03-17-094018-1024x627.png)
លោក បានគូសបញ្ជាក់ថា នៅលើពិភពលោក កាលណាបំណុលមានហានិយភ័យក្រោម៥ភាគរយ មានន័យថា វិស័យនេះ គឺមានសុខុមាលភាពល្អ។ ទាល់តែលើស ៥ភាគរយ ទើបគេចាត់ទុកថា មានហានិភ័យ។ នេះជាការបន្ថែមរបស់លោក កាំង តុងងី។
ភ្ជាប់ជាមួយគ្នានេះ លោក កាំង តុងងី បានលើកឡើងទៀតថា នៅកម្ពុជា បើទោះជាបានឆ្លងកាត់វិបត្តិកូវីដ-១៩ យ៉ាងណាក្តី ក៏ឥណទានមានហានិភ័យ នៅក្នុងកម្រិត ២,៥ភាគរយនៅឡើយ ដែលនេះ គឺជាអត្រានៅក្នុងចំណោមប្រទេសដែលមានបំណុលហានិភ័យទាបជាងគេនៅក្នុងពិភពលោក សម្រាប់វិស័យហិរញ្ញវត្ថុ។
លោកបន្តថា« ប្រើសិនបើយើងមើលទៅប្រទេសឥណ្ឌា និងបង់ក្លាដេស ជាដើម បំណុលនេះ បានកើនឡើងដល់ទៅ ២០-៣០ ភាគរយ ហើយក៏មានគ្រឹះស្ថានមីក្រូហិរញ្ញវត្ថុបរទេសខ្លះ បានបិទទ្វារនៅពេលដែលមានវិបត្តិកូវីដ»។
អ្នកនាំពាក្យសមាគមមីក្រូហិរញ្ញវត្ថុ មើលឃើញថា វិស័យមីក្រូហិរញ្ញវត្ថុកម្ពុជា មានការរីកចម្រើន និងអភិវឌ្ឍជាងប្រទេសដទៃទៀតច្រើនណាស់។ ដោយកន្លងមក កម្ពុជា បានរក្សាគុណភាពនៃបំណុលបានល្អ។ ជាក់ស្តែង លោក បានរំលឹកថា នៅពេលដែលកម្ពុជាផ្ទុះកូវីដកាលពីឆ្នាំ ២០២០ វិស័យធនាគារ និងមីក្រូហិរញ្ញវត្ថុ បានរៀបចំនូវយន្តការជួយដល់ប្រជាពលរដ្ឋ ដែលរងផលប៉ះពាល់ ពោលគឺយន្តការនៃការរៀបចំឥណទានឡើងវិញ។
លោក កាំង តុងងី បានសង្កត់ធ្ងន់ថា ក្នុងរយៈពេល ២ឆ្នាំ(២០២០-២០២១) សមាជិករបស់សមាគមមីក្រូហិរញ្ញវត្ថុកម្ពុជា ទាំង ១២៥ស្ថាប័ន និងធនាគារចំនួន៥ បានរៀបចំឥណទានឡើងវិញ ជូនដល់អតិថិជនប្រមាណ ៣៧ម៉ឺនគណនី ក្នុងទំហំឥណទានជាង ១ពាន់ ៧០០លានដុល្លារអាមេរិក៕
![](https://www.kampucheathmey.com/wp-content/uploads/2023/03/aa3-15-1.jpg)
-
សន្តិសុខសង្គម៤ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+៦ ថ្ងៃ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៤ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៤ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៣ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+១ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ