ព័ត៌មានជាតិ
បោះឆ្នោតឃុំសង្កាត់ អាណត្តិនេះ គ្រោងចំណាយថវិកាជាង ៤៣ លានដុល្លារ គ.ជ.ប ពន្យល់មូលហេតុចាយតិចជាងមុន
ការបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី ៥ ឆ្នាំ២០២២ នឹងប្រព្រឹត្តទៅនៅថ្ងៃអាទិត្យ ទី០៥ ខែមិថុនា ឆ្នាំ២០២២ ខាងមុខ ហើយសម្រាប់ការបោះឆ្នោតនេះ គណៈកម្មាធិការជាតិរៀបចំការបោះឆ្នោត (គ.ជ.ប) គ្រោងចំណាយថវិកាប្រមាណជាង ៤៣ លានដុល្លារប៉ុណ្ណោះ ដែលថវិកានេះ មានចំនួនតិចជាងការបោះឆ្នោត ឃុំ សង្កាត់ អាណត្តិមុន។
លោក សោម សូរីដា អគ្គលេខាធិការរង និងជាអ្នកនាំពាក្យគណៈកម្មាធិការជាតិរៀបចំការបោះឆ្នោត (គ.ជ.ប) បានពន្យល់ប្រាប់កម្ពុជាថ្មីថា ការចំណាយតិចជាង គឺអាស្រ័យទៅលើការងារដែលត្រូវអនុវត្ត។
លោកថា នៅឆ្នាំ ២០១៧ គណៈកម្មាធិការជាតិរៀបចំការបោះឆ្នោត ត្រូវរៀបចំបញ្ជីបោះឆ្នោតថ្មី ដែលតម្រូវឱ្យប្រជាពលរដ្ឋដែលមានអាយុ១៨ឆ្នាំ គិតដល់ថ្ងៃបោះឆ្នោត រាប់ទាំងអ្នកដែលមានឈ្មោះនៅក្នុងបញ្ជីបោះឆ្នោតទាំងអស់ទៅចុះឈ្មោះបោះឆ្នោតឡើងវិញ ដើម្បីរៀបចំបញ្ជីបោះឆ្នោតថ្មី។
លោក សោម សូរីដា អះអាងថា នៅក្នុងដំណើរការនេះ គឺ គ.ជ.ប បានកែសម្រួលពីការរៀបចំបញ្ជីបោះឆ្នោតដោយដៃ មកការរៀបចំបញ្ជីបោះឆ្នោតដោយកុំព្យូទ័រ ដូច្នេះយើងត្រូវការថវិកាសម្រាប់ទិញកុំព្យូទ័រ ថវិកាសម្រាប់អភិវឌ្ឍន៍កម្មវិធី និងការចុះបញ្ជីតាមប្រព័ន្ធកុំព្យូទ័រ និងត្រូវការចំណាយពេលវេលារហូត៩០ថ្ងៃ។ ជាមួយគ្នានោះ ក៏ត្រូវការបណ្ដុះបណ្ដាលធនធានមនុស្ស ដើម្បីឲ្យចេះប្រើប្រាស់កម្មវិធី នៃការចុះឈ្មោះបោះឆ្នោតតាមប្រព័ន្ធកុំព្យូទ័រផងដែរ។ នេះគឺជាចំណុចដែលត្រូវការចំណាយថវិកាច្រើននៅក្នុងការរៀបចំបញ្ជីបោះឆ្នោតថ្មី។
ចំណែកឆ្នាំ២០២២នេះ អ្វីៗមានរួចជាស្រេចទៅហើយ ដូចជាបញ្ជីបោះឆ្នោត គ.ជ.ប បានធ្វើបច្ចុប្បន្នភាពប្រចាំឆ្នាំរួចហើយ។ ចំណែកសម្ភារៈ បរិក្ខា ដូចជាកុំព្យូទ័រ របៀបប្រើប្រាស់កុំព្យូទ័រ ដែលបានប្រើប្រាស់តាំងពីឆ្នាំ២០១៦ និង២០១៧មក ដូច្នេះយើងពុំមានតម្រូវការទិញកុំព្យូទ័រថ្មីទេ ហើយការងារបណ្ដុះបណ្ដាល ក៏បានជ្រើសរើសមន្ត្រី ដែលមានបទពិសោធន៍ការងារក្នុងការរៀបចំបញ្ជីបោះឆ្នោតកន្លងមក ដូច្នេះតាំងពីពេលវេលា តាំងពីសម្ភារៈ មិនមានតម្រូវការចំណាយច្រើនដូចឆ្នាំ២០១៧នោះទេ។
នេះគឺជាចំណុចដែលបញ្ជាក់ថា ថវិកាចំណាយសម្រាប់ការបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៥ឆ្នាំ២០២២នេះ មានចំនួនតិចជាងឆ្នាំ២០១៧។
មន្រ្តីជាន់ខ្ពស់ គ.ជ.ប រូបនោះបញ្ជាក់ដែរថា កាលនោះយើងអត់មានអ្វីទាំងអស់ តែនៅឆ្នាំ២០២២នេះយើងមានអ្វីៗស្ទើរគ្រប់ទៅហើយ។ អ្វីដែលខ្វះនោះ គឺការជួសជុលកុំព្យូទ័រ ការបន្ថែមរយៈពេល ប្រជាពលរដ្ឋដែលមានឈ្មោះនៅក្នុងបញ្ជីបោះឆ្នោតក៏កាន់តែច្រើនឡើង ចំនួនការិយាល័យបោះឆ្នោតក៏កាន់តែកើនឡើង សន្លឹកឆ្នោតច្រើនជាងមុន។
សូមបញ្ជាក់ថា សម្រាប់ការបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៥ ឆ្នាំ២០២២នេះ គណៈកម្មាធិការជាតិរៀបចំការបោះឆ្នោតហៅកាត់ថា (គ.ជ.ប) គ្រោងចំណាយថវិកាជាង ៤៣ លានដុល្លារ ដែលចំនួននេះ ជាចំនួនមួយតិចជាងឆ្នាំ២០១៧ ដែលមានរហូតជាង ៥២ លានដុល្លារ។
ដូច្នេះបានថយចុះជិត១០ លានដុល្លារ ហើយប្រភពជី គ.ជ.ប ការថយចុះនេះ ដោយសារកម្ពុជាមានបច្ចេកវិទ្យាទំនើប ដែលឯកសារមួយចំនួនអាចផ្ញើតាមអ៊ីនធឺណិតបាន ហើយការកាត់បន្ថយការចំណាយនេះ ក៏ទទួលបានការកោតសរសើរពីភាគីពាក់ព័ន្ធផងដែរ៕
អត្ថបទ៖ កោះកែវ
-
ព័ត៌មានជាតិ២០ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ